അ​വ​താ​ള​ത്തി​ലാ​യി സ​പ്ലൈ​കോ നെ​ല്ല് സം​ഭ​ര​ണം

പാ​ല​ക്കാ​ട്: ഒ​ന്നാം വി​ള നെ​ല്ല് സം​ഭ​ര​ണ​ത്തി​ൽ സ​ര്‍ക്കാ​റി​ന്റെ കാ​ര്യ​ക്ഷ​മ​മാ​യ ഇ​ട​പെ​ട​ൽ ഇ​ല്ലാ​തെ വ​ന്ന​തോ​ടെ തു​ട​ക്കം ആ​ശ​യ​ക്കു​ഴ​പ്പ​ത്തി​ൽ. ഇ​തി​നി​ട​യി​ല്‍ നി​ല​വി​ലു​ള്ള സം​വി​ധാ​നം കാ​ര്യ​ക്ഷ​മ​മാ​യി കൊ​ണ്ടു​പോ​കാ​ന്‍ സ​പ്ലൈ​കോ-​കൃ​ഷി​വ​കു​പ്പ് ഏ​കോ​പ​ന​മി​ല്ലാ​യ്മ​യും കാ​ര​ണ​മാ​വു​ക​യാ​ണ്.

ജി​ല്ല​യി​ല്‍ ആ​ല​ത്തൂ​ര്‍, പാ​ല​ക്കാ​ട്, ചി​റ്റൂ​ര്‍ മേ​ഖ​ല​ക​ളാ​യു​ള്ള നെ​ല്ല് സം​ഭ​ര​ണ സം​വി​ധാ​ന​ത്തി​ല്‍ ആ​ല​ത്തൂ​ർ താ​ലൂ​ക്കി​ൽ മാ​ത്ര​മാ​ണ് നെ​ല്ല​ള​ക്ക​ല്‍ ആ​രം​ഭി​ച്ചി​ട്ടു​ള്ള​ത്. മ​റ്റി​ട​ങ്ങ​ളി​ൽ ന​ട​പ​ടി ഇ​ഴ​ഞ്ഞ് നീ​ങ്ങി തു​ട​ങ്ങി​യി​ട്ടേ​യു​ള്ളൂ. ഇ​തി​നി​ട​യി​ൽ കൃ​ഷി​വ​കു​പ്പ് ഉ​ത്ത​ര​വ് ന​ല്‍കി​യി​ട്ടും കൃ​ഷി അ​സി​സ്റ്റ​ന്റു​മാ​ര്‍ ചു​മ​ത​ല ഏ​റ്റെ​ടു​ക്കാ​ന്‍ വി​മു​ഖ​ത കാ​ണി​ക്കു​ക കൂ​ടി ചെ​യ്ത​തോ​ടെ സം​ഭ​ര​ണം പ​രി​പൂ​ര്‍ണ അ​വ​താ​ള​ത്തി​ലാ​ണ്.

ഫീ​ല്‍ഡുത​ല​ത്തി​ല്‍ നെ​ല്ല​ള​ക്കു​ന്ന​തി​ന്റെ ചു​മ​ത​ല 40 പേ​ര്‍ക്കാ​ണ്. ഇ​തി​ല്‍ 20 പേ​ര്‍ സ​പ്ലൈ​കോ​യി​ല്‍നി​ന്നു​ള്ള ക​രാ​ര്‍ ജീ​വ​ന​ക്കാ​രും 20 പേ​ര്‍ കൃ​ഷി അ​സി​സ്റ്റ​ന്റു​മാ​രാ​ണ്. ചു​മ​ത​ല ന​ല്‍ക​പ്പെ​ട്ട കൃ​ഷി അ​സി​സ്റ്റ​ന്റു​മാ​രി​ല്‍ എട്ട് പേ​ര്‍ മാ​ത്ര​മാ​ണ് ഉ​ത്ത​ര​വാ​ദി​ത്തം ഏ​റ്റെ​ടു​ക്കാ​ന്‍ ത​യാ​റാ​യി​ട്ടു​ള്ള​ത്.

1000 ക​ര്‍ഷ​ക​ര്‍ക്ക് ഒ​രു ഉ​ദ്യോ​ഗ​സ്ഥ​ന്‍ എ​ന്ന അ​നു​പാ​ത​ത്തി​ലാ​ണ് ഉ​ദ്യോ​ഗ​സ്ഥ​രെ നി​യോ​ഗി​ച്ചി​ട്ടു​ള്ള​ത്. നി​ല​വി​ല്‍ 49,569 ക​ര്‍ഷ​ക​രാ​ണ് ഒ​ന്നാം വി​ള നെ​ല്ല് സം​ഭ​ര​ണ​ത്തി​ന് ര​ജി​സ്റ്റ​ര്‍ ചെ​യ്തി​ട്ടു​ള്ള​ത്. മു​ഴു​വ​ന്‍ ജീ​വ​ന​ക്കാ​രും ജോ​ലി ചെ​യ്താ​ല്‍ പോ​ലും കൃ​ത്യ​സ​മ​യ​ത്ത് ന​ട​പ​ടി​ക്ര​മ​ങ്ങ​ള്‍ പൂ​ര്‍ത്തി​യാ​ക്കാ​ന്‍ സാ​ധി​ക്കി​ല്ലെ​ന്നി​രി​ക്കെ ചു​മ​ത​ല​യു​ള്ള ജീ​വ​ന​ക്കാ​ർ വി​ട്ടു​നി​ല്‍ക്കു​ന്ന​ത് ക​ര്‍ഷ​ക​ര്‍ക്ക് ഏ​റെ ദു​രി​ത​മു​ണ്ടാ​ക്കും.

സ​പ്ലൈ​കോ​യു​മാ​യി സ​ഹ​ക​രി​ച്ച് നെ​ല്ല് സം​ഭ​രി​ക്കാ​ൻ മി​ല്ലു​ട​മ​ക​ള്‍ ത​യാ​റാ​കാ​ത്ത​ത് മ​റ്റൊ​രു പ്ര​തി​സ​ന്ധി​യാ​ണ്. 10 മി​ല്ലു​ട​മ​ക​ള്‍ മാ​ത്ര​മാ​ണ് നി​ല​വി​ല്‍ സം​ഭ​രി​ക്കാ​ൻ ക​രാ​റി​ലു​ള്ള​ത്. ത​ങ്ങ​ളു​ടെ ആ​വ​ശ്യ​ങ്ങ​ള്‍ പ​രി​ഗ​ണി​ക്കാ​തെ സം​ഭ​രി​ക്കി​ല്ലെ​ന്ന നി​ല​പാ​ടി​ലാ​ണ് അ​സോ​സി​യേ​ഷ​നി​ലെ 50ഓ​ളം മി​ല്ലു​ട​മ​ക​ള്‍. അ​രി തി​രി​ച്ചു​ന​ല്‍കു​ന്ന അ​നു​പാ​തം 68 ശ​ത​മാ​ന​ത്തി​ല്‍നി​ന്ന് 64.5 ആ​ക്ക​ണ​മെ​ന്നാ​ണ് ഇ​വ​രു​ടെ പ്ര​ധാ​ന ആ​വ​ശ്യം.

സം​ഭ​ര​ണം ക​ഴി​ഞ്ഞാ​ല്‍ ക​ര്‍ഷ​ക​ര്‍ക്ക് പ​ണം ന​ല്‍കു​ന്ന​തി​നും സ​ര്‍ക്കാ​ര്‍ ഇ​നി​യും കാ​ര്യ​ക്ഷ​മ​മാ​യ സം​വി​ധാ​നം ഒ​രു​ക്കി​യി​ട്ടി​ല്ല. പ്രാ​ഥ​മി​ക സ​ര്‍വി​സ് സ​ഹ​ക​ര​ണ സം​ഘ​ങ്ങ​ള്‍ വ​ഴി സം​ഭ​ര​ണ​ത്തി​ന് സം​വി​ധാ​ന​മൊ​രു​ക്കാ​ന്‍ ശ്ര​മ​മു​ണ്ടെ​ങ്കി​ലും ഇ​തി​നൊ​ന്നും വ്യ​ക്ത​മാ​യ രൂ​പ​വു​മാ​യി​ട്ടി​ല്ല.

ദി​വ​സ​ങ്ങ​ള്‍ വി​യ​ര്‍പ്പൊ​ഴു​ക്കി വി​ള​യി​റ​ക്കി​യ ക​ര്‍ഷ​ക​ന്‍ നെ​ല്ല് കൊ​യ്‌​തെ​ടു​ത്താ​ല്‍ എ​ന്തു​ചെ​യ്യു​മെ​ന്ന​റി​യാ​തെ ന​ട്ടം തി​രി​യു​ന്ന സാ​ഹ​ച​ര്യ​മാ​ണ്. നെ​ല്ല് ഉ​ണ​ക്കി സൂ​ക്ഷി​ക്കാ​ന്‍ പ​ല​ര്‍ക്കും മ​തി​യാ​യ സൗ​ക​ര്യ​മി​ല്ല. ഇ​നി തു​ലാ​വ​ര്‍ഷം ശ​ക്തി​പ്പെ​ട്ടാ​ല്‍ കൊ​യ്‌​തെ​ടു​ത്ത നെ​ല്ല് മു​ള​ച്ച് ന​ശി​ച്ചു​പോ​കു​മെ​ന്ന ഭ​യ​പ്പാ​ടി​ലാ​ണ് ക​ര്‍ഷ​ക​ര്‍.

ജി​ല്ല​യി​ൽ പ​ല​യി​ട​ത്തും ഒ​ന്നാം വി​ള കൊ​യ്ത്ത് ക​ഴി​ഞ്ഞ് ര​ണ്ടാം വി​ള​ക്കു​ള്ള ഞാ​റ്റ​ടി ത​യാ​റാ​ക്കു​ന്ന ഒ​രു​ക്ക​ത്തി​ലാ​ണ്. എ​ന്നാ​ൽ, ര​ണ്ടാം വി​ള പൂ​ർ​ണ​മാ​യും ഡാ​മു​ക​ളി​ലെ ജ​ല​സേ​ച​ന​ത്തെ ആ​ശ്ര​യി​ച്ചാ​ണ്. ജി​ല്ല​യി​ലെ വ​ലി​യ ഡാ​മാ​യ മ​ല​മ്പു​ഴ​യി​ൽ ആ​വ​ശ്യ​ത്തി​ന് വെ​ള്ള​മി​ല്ലാ​ത്ത​ത് ക​ർ​ഷ​ക​രെ ആ​ശ​ങ്ക​പ്പെ​ടു​ത്തു​ന്നു​ണ്ട്.

6,758 ക​ര്‍ഷ​ക​ര്‍ക്ക് ര​ണ്ടാം വി​ള​യു​ടെ പ​ണം കി​ട്ടി​യി​ല്ല

പാ​ല​ക്കാ​ട്: ജി​ല്ല​യി​ല്‍ ര​ണ്ടാം വി​ള നെ​ല്ല​ള​ന്ന് പ​ണ​ത്തി​ന് കാ​ത്തി​രി​ക്കു​ന്ന​ത് 6758 ക​ര്‍ഷ​ക​ര്‍. ഇ​വ​ര്‍ക്ക് ഇ​നി​യും ന​ല്‍കാ​നു​ള്ള​ത് 51 കോ​ടി രൂ​പ​യാ​ണ്. നെ​ല്ലി​ന് പ​ണം പി.​ആ​ര്‍.​എ​സ് വാ​യ്പ​യാ​യി വേ​ണ്ടെ​ന്ന നി​ല​പാ​ടി​ലാ​ണ് ഈ ​ക​ര്‍ഷ​ക​ര്‍. പി.​ആ​ര്‍.​എ​സു​മാ​യി ബാ​ങ്കു​ക​ളെ സ​മീ​പി​ച്ചാ​ല്‍ ഇ​വ​ര്‍ക്ക് എ​പ്പോ​ള്‍ വേ​ണ​മെ​ങ്കി​ലും പ​ണം ല​ഭി​ക്കു​മെ​ന്ന് സ​പ്ലൈ​കോ അ​റി​യി​ച്ചി​ട്ടു​ണ്ട്.

വാ​യ്പ സ്വീ​ക​രി​ച്ച് സ​ര്‍ക്കാ​ര്‍ കൃ​ത്യ​സ​മ​യ​ത്ത് പ​ണ​മ​ട​ച്ചി​ല്ലെ​ങ്കി​ല്‍ പ​ലി​ശ ന​ല്‍കേ​ണ്ടി​വ​രു​മെ​ന്നും ഇ​ത് ബാ​ധ്യ​യാ​കു​മെ​ന്ന കാ​ര​ണ​ത്താ​ലും ബാ​ങ്കു​ക​ളി​ല്‍ ഇ​തി​നു​വേ​ണ്ടി മാ​ത്ര​മാ​യി അ​ക്കൗ​ണ്ട് തു​റ​ക്കേ​ണ്ടി വ​രും എ​ന്നീ കാ​ര​ണ​ങ്ങ​ൾ ചൂ​ണ്ടി​ക്കാ​ണി​ച്ചാ​ണ് ക​ര്‍ഷ​ക​ര്‍ വാ​യ്പ സ്വീ​ക​രി​ക്കാ​ത്ത​ത്. ഇ​നി സ​പ്ലൈ​കോ പ​ണം ന​ല്‍കും വ​രെ ഇ​വ​ര്‍ കാ​ത്തി​രി​ക്കേ​ണ്ടി വ​രും.

മ​ട്ട നെ​ല്ലി​ന്‍റെ വി​ല ഉ​യ​ർ​ന്ന​ത് ആ​ശ്വാ​സം

പാ​ല​ക്കാ​ട്: പാ​ല​ക്കാ​ട​ൻ മ​ട്ട എ​ന്ന പേ​രി​ല​റി​യു​ന്ന ജ്യോ​തി നെ​ല്ലി​ന് പൊ​തു​വി​പ​ണി​യി​ൽ താ​ങ്ങു​വി​ല​യോ​ളം ല​ഭി​ക്കു​ന്ന​ത് ക​ർ​ഷ​ക​ർ​ക്ക് ആ​ശ്വാ​സ​മാ​യി. ജ്യോ​തി നെ​ല്ലി​ന് കി​ലോ​ക്ക് 27 മു​ത​ൽ 28 വ​രെ ല​ഭി​ക്കു​ന്നു​ണ്ട്. മാ​ത്ര​മ​ല്ല നെ​ല്ല് കൊ​ടു​ത്താ​ൻ ഉ​ട​ൻ പ​ണം ല​ഭി​ക്കു​ന്ന​തി​നാ​ൽ ക​ർ​ഷ​ക​ർ​ക്ക് പൊ​തു​വി​പ​ണി​യി​ൽ ന​ൽ​കാ​നാണ് താ​ൽ​പ​ര്യം. സ​പ്ലൈ​കോ​ക്ക്‌ ന​ൽ​കി​യാ​ൽ കി​ട്ടു​ന്ന താ​ങ്ങു​വി​ല കി​ലോ​ക്ക് 28.20 രൂ​പ​യാ​ണ്.

ഇ​താ​ക​ട്ടെ നീ​ണ്ട കാ​ത്തി​രു​പ്പി​നു​ശേ​ഷ​മാ​ണ് ല​ഭി​ക്കു​ന്ന​ത്. വെ​ള്ള ഇ​ന​ത്തി​ൽ​പെ​ട്ട ഉ​മ നെ​ല്ലി​ന് കി​ലോ​ക്ക് 18 മു​ത​ൽ 20 വ​രെ​യാ​ണ് പൊ​തു​വി​പ​ണി​യി​ലെ വി​ല. ജി​ല്ല​യി​ൽ കൂ​ടു​ത​ൽ ക​ർ​ഷ​ക​രും ഒ​ന്നാം വി​ള​ക്ക് ഉ​മ നെ​ൽ​വി​ത്താ​ണ് ഉ​പ​യോ​ഗി​ച്ചി​ട്ടു​ള്ള​ത്. ഒ​ന്നാം വി​ള​യി​ൽ മ​ഴ കൂ​ടു​ത​ൽ ല​ഭി​ക്കു​ന്ന​തി​ന​ൽ നെ​ൽ​ച്ചെ​ടി​ക​ൾ നി​ല​ത്ത് വീ​ഴാ​നു​ള്ള സാ​ധ്യ​ത കൂ​ടു​ത​ലാ​ണ്. ഉ‍മ​യി​ൽ വീ​ഴ്ച സാ​ധ്യ​ത കു​റ​വാ​ണെ​ങ്കി​ൽ ജ്യോ​തി​യി​ൽ കൂ​ടു​ത​ലാ​ണ്.