‘സു​ഗ​മ്യ’ പ​ദ്ധ​തിക്ക് തു​ട​ക്കം; ഭിന്നശേഷിക്കാർക്ക് ആശ്വാസമേകി പാലക്കാട് റെയിൽവേ ഡിവിഷൻ

പാ​ല​ക്കാ​ട്: ഭി​ന്ന​ശേ​ഷി​ക്കാ​രും ച​ല​ന​ശേ​ഷി കു​റ​ഞ്ഞ​വ​രു​മാ​യ വ്യ​ക്തി​ക​ൾ​ക്ക് യാ​ത്രാ​സൗ​ക​ര്യം മെ​ച്ച​പ്പെ​ടു​ത്താ​നാ​യി പാ​ല​ക്കാ​ട് റെ​യി​ൽ​വേ ഡി​വി​ഷ​ൻ പാ​ല​ക്കാ​ട് റെ​യി​ൽ​വേ സ്റ്റേ​ഷ​നി​ൽ സു​ഗ​മ്യ-​ബ്രേ​ക്കി​ങ് ബാ​രി​യ​റു​ക​ൾ ആ​രം​ഭി​ച്ചു. സ്വ​ർ​ഗ ഫൗ​ണ്ടേ​ഷ​ന്റെ പി​ന്തു​ണ​യോ​ടെ, ഇ​ന്റ​ർ​നാ​ഷ​ന​ൽ ജെ​മോ​ള​ജി​ക്ക​ൽ ഇ​ൻ​സ്റ്റി​റ്റ്യൂ​ട്ടു​മാ​യി സ​ഹ​ക​രി​ച്ച് ന​ട​പ്പാ​ക്കു​ന്ന ഈ ​സം​രം​ഭം പാ​ല​ക്കാ​ട് ഡി​വി​ഷ​നൽ റെ​യി​ൽ​വേ മാ​നേ​ജ​ർ അ​രു​ൺ കു​മാ​ർ ച​തു​ർ​വേ​ദി ഉ​ദ്ഘാ​ട​നം ചെ​യ്തു.

പ​ദ്ധ​തി​യു​ടെ ഭാ​ഗ​മാ​യി, പാ​ല​ക്കാ​ട് ഡി​വി​ഷ​നി​ലെ 20 പ്ര​ധാ​ന സ്റ്റേ​ഷ​നു​ക​ളി​ലേ​ക്ക് 24 ലൈ​റ്റ്‌​വെ​യ്റ്റ് മൊ​ബൈ​ൽ റാ​മ്പു​ക​ളും പ്ര​ത്യേ​കം രൂ​പ​ക​ൽ​പ​ന ചെ​യ്ത 24 വീ​ൽ​ചെ​യ​റു​ക​ളും കൈ​മാ​റി. പാ​ല​ക്കാ​ട് ജ​ങ്ഷ​ൻ, നി​ല​മ്പൂ​ർ റോ​ഡ്, പൊ​ള്ളാ​ച്ചി ജ​ങ്ഷ​ൻ, ഫ​റോ​ക്ക്, വ​ട​ക​ര, താ​നൂ​ർ, കാ​സ​ർ​കോ​ട്, കാ​ഞ്ഞ​ങ്ങാ​ട്, പ​യ്യ​ന്നൂ​ർ, ത​ല​ശ്ശേ​രി, ഷൊ​ർ​ണൂ​ർ ജ​ങ്ഷ​ൻ, ഒ​റ്റ​പ്പാ​ലം, കു​റ്റി​പ്പു​റം, പ​ട്ടാ​മ്പി, മം​ഗ​ളൂ​രു സെ​ൻ​ട്ര​ൽ, മം​ഗ​ളൂ​രു ജ​ങ്ഷ​ൻ, കോ​ഴി​ക്കോ​ട്, പ​ര​പ്പ​ന​ങ്ങാ​ടി, ക​ണ്ണൂ​ർ, തി​രൂ​ർ എ​ന്നി​വ​യാ​ണ് സ്റ്റേ​ഷ​നു​ക​ൾ.

കോ​ച്ചു​ക​ളി​ൽ നി​ന്ന് സു​ഗ​മ​മാ​യി ക​യ​റാ​നും ഇ​റ​ങ്ങാ​നും ഈ ​മൊ​ബൈ​ൽ റാ​മ്പു​ക​ൾ സ​ഹാ​യി​ക്കും. ലി​ഫ്റ്റു​ക​ൾ, നി​ർ​ദി​ഷ്ട റാ​മ്പു​ക​ൾ, ആ​ക്സ​സ് ചെ​യ്യാ​വു​ന്ന ടോ​യ്‌​ല​റ്റു​ക​ൾ, വീ​ൽ​ചെ​യ​ർ സേ​വ​ന​ങ്ങ​ൾ തു​ട​ങ്ങി​യ​വ ഡി​വി​ഷ​നി​ലെ പ​ല സ്റ്റേ​ഷ​നു​ക​ളി​ലും ഇ​തി​ന​കം ല​ഭ്യ​മാ​ണ്.