അട്ടപ്പാടിയിലെ മൂപ്പിൽ നായർ ഭൂമി മിച്ചഭൂമിയായി ഏറ്റെടുക്കാൻ നടപടി തുടങ്ങി

പാ​ല​ക്കാ​ട്: അ​ട്ട​പ്പാ​ടി​യി​ൽ മൂ​പ്പി​ൽ നാ​യ​ർ ഭൂ​മി കൈ​മാ​റ്റം ത​ട​ഞ്ഞ്, മി​ച്ച​ഭൂ​മി​യാ​യി ഏ​റ്റെ​ടു​ക്കാ​ൻ ന​ട​പ​ടി​ക​ൾ തു​ട​ങ്ങി​യ​താ​യി പാ​ല​ക്കാ​ട് ജി​ല്ല ക​ല​ക്ട​ർ എം.​എ​സ്. മാ​ധ​വി​ക്കു​ട്ടി. അ​തി​ന്റെ ഭാ​ഗ​മാ​യാ​ണ് അ​ട്ട​പ്പാ​ടി ട്രൈ​ബ​ൽ താ​ലൂ​ക്കി​ൽ മ​ണ്ണാ​ർ​ക്കാ​ട് മൂ​പ്പ​ൻ നാ​യ​രു​ടെ പേ​രി​ലു​ള്ള ഭൂ​മി​യു​മാ​യി ബ​ന്ധ​പ്പെ​ട്ട ര​ജി​സ്ട്രേ​ഷ​നും കൈ​മാ​റ്റ​വും ത​ട​ഞ്ഞ​ത്. 1963ലെ ​ഭൂ​പ​രി​ഷ്ക​ര​ണ നി​യ​മ​പ്ര​കാ​ര​മെ​ടു​ത്ത ന​ട​പ​ടി നി​യ​മോ​പ​ദേ​ശ​ത്തി​ന്റെ അ​ടി​സ്ഥാ​ന​ത്തി​ലാ​യി​രു​ന്നെ​ന്നും ക​ല​ക്ട​ർ മാ​ധ്യ​മ​പ്ര​വ​ർ​ത്ത​ക​രോ​ട് പ​റ​ഞ്ഞു.

ഭൂ​മി വി​ൽ​പ​ന സം​ബ​ന്ധി​ച്ച ‘മാ​ധ്യ​മം’ വാ​ർ​ത്ത​യെ​തു​ട​ർ​ന്നാ​യി​രു​ന്നു പ്ര​തി​ക​ര​ണം. മ​ണ്ണാ​ർ​ക്കാ​ട്ടെ നാ​ടു​വാ​ഴി​യാ​യി​രു​ന്ന മൂ​പ്പി​ൽ നാ​യ​രു​ടെ ഭൂ​മി രാ​ജ്യം സ്വ​ത​ന്ത്ര​മാ​യ​തോ​ടെ സ​ർ​ക്കാ​ർ ഭൂ​മി​യാ​യി മാ​റ​ണ​മാ​യി​രു​ന്നു. ഭൂ​പ​രി​ഷ്ക​ര​ണ നി​യ​മം ന​ട​പ്പി​ലാ​യി പ​തി​റ്റാ​ണ്ടു​ക​ൾ ക​ഴി​ഞ്ഞെ​ങ്കി​ലും ഈ ​ഭൂ​മി​യി​ൽ​നി​ന്ന് മി​ച്ച​ഭൂ​മി​യാ​യി വി​ത​ര​ണം ചെ​യ്തി​ട്ടി​ല്ല. മി​ച്ച​ഭൂ​മി​യാ​യി മൂ​പ്പി​ൽ നാ​യ​രു​ടെ പേ​രി​ൽ ആ​യി​രം ഹെ​ക്ട​റി​ല​ധി​കം ഭൂ​മി അ​ട്ട​പ്പാ​ടി​യി​ലു​ണ്ട്. ആ​റു വി​ല്ലേ​ജു​ക​ളി​ലാ​യി എ​ത്ര ഭൂ​മി​യു​ണ്ടെ​ന്ന​ത് ക്രോ​ഡീ​ക​രി​ച്ചു​കൊ​ണ്ടി​രി​ക്കു​ക​യാ​ണ്.

സാ​ധാ​ര​ണ മി​ച്ച​ഭൂ​മി​യാ​യി ഏ​റ്റെ​ടു​ത്ത​ശേ​ഷ​മാ​ണ് ഗ​വ. പു​റ​മ്പോ​ക്കാ​യി മാ​റു​ന്ന​ത്. അ​തി​നു​ള്ള ന​ട​പ​ടി​ക​ളാ​ണ് തു​ട​ങ്ങി​യ​ത്. ഈ ​ന​ട​പ​ടി അ​ട്ട​പ്പാ​ടി താ​ലൂ​ക്കി​ലെ മൂ​പ്പി​ൽ നാ​യ​രു​ടെ പേ​രി​ലെ മു​ഴു​വ​ൻ ത​ണ്ട​പ്പേ​രു​ക​ളെ​യും ഉ​ൾ​ക്കൊ​ള്ളു​ന്ന​താ​കും. ര​ജി​സ്ട്രേ​ഷ​ൻ പൂ​ർ​ത്തി​യാ​യ മൂ​പ്പി​ൽ നാ​യ​ർ വ​ക ഭൂ​മി സം​ബ​ന്ധി​ച്ച പ​രി​ശോ​ധ​ന ന​ട​ത്ത​ണ​മെ​ന്ന് ര​ജി​സ്ട്രേ​ഷ​ൻ ഐ.​ജി​യോ​ട് ആ​വ​ശ്യ​പ്പെ​ടു​മെ​ന്നും ക​ല​ക്ട​ർ അ​റി​യി​ച്ചു.

മൂപ്പിൽ നായരുടെ പേരിൽ 13,000 ഏക്കറിലധികം ഭൂമി കണ്ടെത്തിയിരുന്നെന്ന് റിപ്പോർട്ട്

പാ​ല​ക്കാ​ട്: അ​ട്ട​പ്പാ​ടി ട്രൈ​ബ​ൽ താ​ലൂ​ക്കി​ലെ വി​വി​ധ വി​ല്ലേ​ജു​ക​ളി​ൽ മ​ണ്ണാ​ർ​ക്കാ​ട് മൂ​പ്പി​ൽ നാ​യ​രു​ടെ പേ​രി​ൽ 13,000 ഏ​ക്ക​റി​ല​ധി​കം ഭൂ​മി 2010ൽ ​ക​ണ്ടെ​ത്തി​യി​രു​ന്നെ​ന്ന് റി​പ്പോ​ർ​ട്ട്. വി​ല്ലേ​ജു​ക​ളി​ലെ എ ​ആ​ൻ​ഡ് ബി ​ര​ജി​സ്റ്റ​ർ പ​രി​ശോ​ധി​ച്ച​പ്പോ​ഴാ​ണ് മ​ണ്ണാ​ർ​ക്കാ​ട് മൂ​പ്പി​ൽ സ്ഥാ​നം​വ​ക എ​ന്ന രേ​ഖ​പ്പെ​ടു​ത്തി​യ ഭൂ​മി ക​ണ്ടെ​ത്തി​യ​ത്. ജി​ല്ല ക​ല​ക്ട​ർ 2010 ആ​ഗ​സ്റ്റ് 18ന് ​ചീ​ഫ് സെ​ക്ര​ട്ട​റി​ക്ക​യ​ച്ച ക​ത്തി​ലാ​ണ് ഇ​ക്കാ​ര്യം ചൂ​ണ്ടി​ക്കാ​ണി​ച്ച​ത്. ഈ ​ഭൂ​മി​ക്ക് മ​ണ്ണാ​ർ​ക്കാ​ട് മൂ​പ്പി​ൽ നാ​യ​ർ നി​കു​തി​യ​ട​ച്ച​താ​യി രേ​ഖ​യി​ല്ല. ബാ​ല​ഗോ​പാ​ല​പ്പ​ണി​ക്ക​രു​ടെ പേ​രി​ലു​ള്ള​ത് ഒ​ഴി​കെ അ​ട്ട​പ്പാ​ടി പ്ര​ദേ​ശ​ത്തെ ഭൂ​മി മ​ണ്ണാ​ർ​ക്കാ​ട് നാ​യ​രു​ടെ കു​ടും​ബാം​ഗ​ങ്ങ​ളു​ടെ പേ​രി​ലു​ള്ള ഒ​രു ഭൂ​പ​രി​ഷ്‍ക​ര​ണ നി​യ​മ കേ​സി​ലും ഉ​ൾ​പ്പെ​ട്ടി​ട്ടി​ല്ല. ബാ​ല​ഗോ​പാ​ല​പ്പ​ണി​ക്ക​രു​ടെ പേ​രി​ലു​ള്ള​തി​ലും കോ​ട്ട​ത്ത​റ വി​ല്ലേ​ജി​ലെ സ്ഥ​ലം ഉ​ൾ​പ്പെ​ട്ടി​ട്ടി​ല്ല.

വി​വി​ധ വി​ല്ലേ​ജു​ക​ളി​ൽ മൂ​പ്പി​ൽ നാ​യ​രു​ടെ പേ​രി​ലു​ള്ള ഭൂ​മി​യു​ടെ ക​ണ​ക്കെ​ടു​ക്കാ​നാ​ണ് ക​ല​ക്ട​ർ എം.​എ​സ്. മാ​ധ​വി​ക്കു​ട്ടി ക​ഴി​ഞ്ഞ ദി​വ​സം വീ​ണ്ടും നി​ർ​ദേ​ശം ന​ൽ​കി​യ​ത്. അ​വ​സാ​ന​ത്തെ മൂ​പ്പി​ൽ സ്ഥാ​നി​യാ​യ താ​ത്തു​ണി നാ​യ​ർ 1960 ജ​നു​വ​രി മൂ​ന്നി​നാ​ണ് അ​ന്ത​രി​ച്ച​ത്. അ​തി​നു​ശേ​ഷം ഒ​റ്റ​പ്പാ​ലം സ​ബ് കോ​ട​തി നി​ശ്ച​യി​ച്ച അ​ഡ്വ​ക്കേ​റ്റ് റി​സീ​വ​റാ​ണ് മൂ​പ്പി​ൽ സ്ഥാ​നി​യു​ടെ സ്വ​ത്തു​ക്കളു​ടെ ഭ​ര​ണം ന​ട​ത്തി​യി​രു​ന്ന​ത്. ത​റ​വാ​ട്ടി​ലെ ഭാ​ഗ​വ്യ​വ​ഹാ​ര​ത്തി​ലെ വി​ധി​പ്ര​കാ​രം മ​ര​ണ​ത്തി​നു​മു​മ്പ് ന​ൽ​കി​യി​രു​ന്ന ലീ​സ് ആ​ധാ​ര​ങ്ങ​ൾ അ​സാ​ധു​വാ​ണെ​ന്ന് കാ​ണി​ച്ച് ശ​ശീ​ന്ദ്ര​ൻ ഉ​ണ്ണി 2010ൽ ​ക​ല​ക്ട​ർ​ക്ക് അ​പേ​ക്ഷ സ​മ​ർ​പ്പി​ച്ചി​രു​ന്നു. തു​ട​ർ​ന്ന് ചീ​ഫ് സെ​ക്ര​ട്ട​റി​ക്കും അ​പേ​ക്ഷ സ​മ​ർ​പ്പി​ച്ചു. അ​തെ​ല്ലാം നി​യ​മ​സെ​ക്ര​ട്ട​റി​യു​ടെ നി​യ​മോ​പ​ദേ​ശ​പ്ര​കാ​രം റ​വ​ന്യൂ വ​കു​പ്പ് ത​ള്ളി​.

അ​തേ​സ​മ​യം, മ​റ്റ് ഒ​മ്പ​ത് മി​ച്ച​ഭൂ​മി കേ​സു​ക​ൾ 2010ൽ ​നി​ല​വി​ലു​ണ്ടാ​യി​രു​ന്നു. കോ​ട്ട​ത്ത​റ പ​ഴ​നി സ്വാ​മി നാ​യി​ഡു -79.24 ഏ​ക്ക​ർ, കോ​ട്ട​ത്ത​റ ശോ​ഭ എ​സ്റ്റേ​റ്റ് -254.41, ക​ള്ള​മ​ല ക്രി​സ്തു ശി​ഷ്യ​സം​ഘം -475, അ​ഗ​ളി പി.​വി. ത​മ്പി- 29.68, ഷോ​ള​യൂ​ർ ടി.​കെ. സാ​മു​വ​ൽ -32.66, ഷോ​ള​യൂ​ർ ബാ​ല​ഗോ​പാ​ല​പ്പ​ണി​ക്ക​ർ- 308, അ​ഗ​ളി ക​ല്ലു​വേ​ലി​ൽ ദേ​വ​സ്യ- 19.48, കോ​ട്ട​ത്ത​റ ഭ​വാ​നി ടീ ​പ്രൊ​ഡ്യൂ​സി​ങ് ക​മ്പ​നി 407 ഏ​ക്ക​ർ എ​ന്നി​ങ്ങ​നെ​യാ​ണ് മി​ച്ച​ഭൂ​മി ഏ​റ്റെ​ടു​ക്കേ​ണ്ട​വ​രു​ടെ ലി​സ്റ്റ്. ആ​ദി​വാ​സി​ക​ളു​ടെ ഭൂ​മി ഇ​നി​യും അ​ന്യാ​ധീ​ന​പ്പെ​ടാ​തി​രി​ക്കാ​ൻ ആ​ദി​വാ​സി​ക​ളു​ടെ ഭൂ​മി ഉ​ൾ​പ്പെ​ട്ട പ്ര​ദേ​ശ​മെ​ല്ലാം ഭൂ​മി മ​ല​യാ​ളം പ​ദ്ധ​തി​യി​ലു​ൾ​പ്പെ​ടു​ത്തി സ​ർ​വേ ചെ​യ്ത് രേ​ഖ​ക​ൾ ത​യാ​റാ​ക്കി​ന​ൽ​ക​ണ​മെ​ന്നാ​യി​രു​ന്നു അ​ന്ന​ത്തെ ശി​പാ​ർ​ശ. ഭൂ​മി സം​ബ​ന്ധി​ച്ച രേ​ഖ​ക​ൾ ആ​ദി​വാ​സി​ക​ൾ​ക്ക് ന​ൽ​ക​ണം. ഇ​വ ബ​ന്ധ​പ്പെ​ട്ട റ​വ​ന്യൂ ഓ​ഫി​സി​ലും സ​ബ് ര​ജി​സ്ട്രാ​ർ ഓ​ഫി​സി​ലും ട്രൈ​ബ​ൽ ഡെ​വ​ല​പ്മെ​ന്റ് ഓ​ഫി​സി​ലും സൂ​ക്ഷി​ക്ക​ണ​മെ​ന്നും നി​ർ​ദേ​ശി​ച്ചു.