മഴയിൽ ചൂട് പിടിച്ച് സ്കൂൾ വിപണി

പാ​ല​ക്കാ​ട്‌: മേ​യ്‌ അ​വ​സാ​ന വാ​ര​ത്തോ​ട​ടു​ക്കു​മ്പോ​ഴേ​ക്കും സ്കൂ​ൾ വി​പ​ണി​ക്ക് തി​ര​ക്കേ​റു​ക​യാ​ണ്. ട്രെ​ൻ​ഡി​നൊ​പ്പം മു​ന്നേ​റു​ന്ന സ്കൂ​ൾ വി​പ​ണി​യാ​ണ് കു​ട്ടി​ക​ളെ ആ​ക​ർ​ഷി​ക്കു​ന്ന​തി​നാ​യി കാ​ത്തി​രി​ക്കു​ന്ന​ത്. ഡോ​റ​യും ബു​ജി​യും സ്‌​പൈ​ഡ​ർ​മാ​നു​മ​ട​ങ്ങു​ന്ന കൂ​ട്ട​രാ​ണ് ഇ​ത്ത​വ​ണ​യും താ​ര​ങ്ങ​ൾ. ബാ​ഗ് മു​ത​ൽ പേ​ന വ​രെ​യു​ള്ള എ​ല്ലാ സാ​ധ​ങ്ങ​ൾ​ക്കും വി​ല വ​ർ​ധി​ച്ചി​ട്ടു​ണ്ട്. ഒ​രു കു​ട്ടി​യെ സ്കൂ​ളി​ൽ വി​ടു​ന്ന​തി​നാ​യി ന​ല്ലൊ​രു തു​ക ചെ​ല​വ​ഴി​ക്കേ​ണ്ട​താ​യി വ​രു​ന്നു. ഇ​ത് സാ​ധാ​ര​ണ​ക്കാ​രെ പ്ര​തി​സ​ന്ധി​യി​ലാ​ക്കു​ന്നു. എ​ൽ.​കെ.​ജി മു​ത​ൽ കോ​ള​ജ് വി​ദ്യാ​ർ​ഥി​ക​ളു​ടെ ബാ​ഗു​ക​ൾ വ​രെ വി​പ​ണി​യി​ൽ ചൂ​ട​പ്പം പോ​ലെ വി​റ്റ​ഴി​യു​ക​യാ​ണ്. 295 രൂ​പ മു​ത​ൽ എ​ൽ.​കെ.​ജി ബാ​ഗു​ക​ളും മ​റ്റു ബാ​ഗു​ക​ൾ 695 രൂ​പ മു​ത​ലു​മാ​ണ് ആ​രം​ഭി​ക്കു​ന്ന​ത്. ബ്രാ​ൻ​ഡു​ക​ൾ​ക്ക​നു​സ​രി​ച്ച് വി​ല​യി​ൽ മാ​റ്റ​മു​ണ്ട്. കു​ട്ടി​ക​ളു​ടെ ബാ​ഗി​ൽ കേ​മ​ൻ സ്കൂ​ബീ ഡേ ​ത​ന്നെ​യാ​ണ്. ബാ​ഗി​നൊ​പ്പം കു​ട്ടി​ക​ളെ ആ​ക​ർ​ഷി​ക്കു​ന്ന​തി​നാ​യി നെ​യിം സ്ലി​പ്, ടോ​യ് മു​ത​ലാ​യ​വ സൗ​ജ​ന്യ​മാ​യി ന​ൽ​കു​ന്നു.

295 രൂ​പ മു​ത​ലാ​ണ് കു​ട​ക​ളു​ടെ വി​ല ആ​രം​ഭി​ക്കു​ന്ന​ത്. പോ​പ്പി​യും ജോ​ൺ​സും ത​ന്നെ​യാ​ണ് താ​ര​ങ്ങ​ൾ. പ​ല നി​റ​ങ്ങ​ളി​ൽ ത​യാ​റാ​ക്കി​യി​രി​ക്കു​ന്ന കു​ട​ക​ൾ കു​ട്ടി​ക​ളെ വ​ലി​യ തോ​തി​ൽ ആ​ക​ർ​ഷി​ക്കു​ന്നു. മ​ഴ​ക്കാ​ല​മാ​യ​തി​നാ​ൽ കു​ട​യു​ടെ ഡി​മാ​ൻ​ഡ് ഇ​നി​യും ഉ​യ​രും. കു​ട​യോ​ടൊ​പ്പം റെ​യി​ൻ കോ​ട്ടു​ക​ൾ​ക്കും ഡി​മാ​ൻ​ഡു​ണ്ട്. പു​തി​യ വ്യ​ത്യ​സ്ത​ത​ക​ളി​ൽ ബോ​ക്സും വാ​ട്ട​ർ ബോ​ട്ടി​ലും വ്യ​ത്യ​സ്ത ത​രം പേ​ന​യും പെ​ൻ​സി​ലു​മൊ​ക്കെ അ​ട​ങ്ങു​ന്ന മ​റ്റൊ​രു നി​ര ത​ന്നെ കു​ട്ടി​ക​ളെ കാ​ത്തി​രി​ക്കു​ന്നു. മേ​യ്‌ ആ​ദ്യ​വാ​ര​ങ്ങ​ളി​ൽ അ​ട​ഞ്ഞു​കി​ട​ന്ന സ്കൂ​ൾ വി​പ​ണി ര​ണ്ടാ​ഴ്ച​ത്തോ​ള​മാ​യി തി​ര​ക്ക് ത​ന്നെ​യാ​ണ്. ജൂ​ൺ ആ​ദ്യ​വാ​രം വ​രെ വി​പ​ണി സ​ജീ​വ​മാ​വും.