മലമ്പുഴയിലെ വെള്ളം വ്യാവസായിക ആവശ്യങ്ങള്‍ക്ക് എടുക്കുന്നതിൽ പ്രതിഷേധം

പാ​ല​ക്കാ​ട്: കാ​ര്‍ഷി​കാ​വ​ശ്യ​ത്തി​ന് മാ​ത്ര​മാ​യി നി​ർ​മി​ച്ച മ​ല​മ്പു​ഴ അ​ണ​ക്കെ​ട്ടി​ലെ വെ​ള്ളം വ്യാ​വ​സാ​യി​ക ആ​വ​ശ്യ​ങ്ങ​ള്‍ക്കാ​യി എ​ടു​ക്കു​ന്ന​തി​ൽ ക​ർ​ഷ​ക​ർ​ക്ക് പ്ര​തി​ഷേ​ധം. ക​ഞ്ചി​ക്കോ​ട്ടെ പെ​പ്‌​സി ക​മ്പ​നി​ക്കും മ​ദ്യ​നി​ര്‍മാ​ണ ക​മ്പ​നി​ക​ള്‍ക്കു​മാ​ണ് ചു​രു​ങ്ങി​യ വി​ല​യ്ക്ക് വെ​ള്ളം ന​ല്‍കു​ന്ന​ത്.

ജ​ല​സേ​ച​ന വ​കു​പ്പ് കു​ടി​വെ​ള്ള വി​ത​ര​ണ​ത്തി​നാ​യി ന​ല്‍കു​ന്ന 96 ദ​ശ​ല​ക്ഷം ലി​റ്റ​ര്‍ വെ​ള്ള​ത്തി​ല്‍നി​ന്ന് 38 ദ​ശ​ല​ക്ഷം ലി​റ്റ​ര്‍ ജ​ല അ​തോ​റി​റ്റി വ്യ​വ​സാ​യ സ്ഥാ​പ​ന​ങ്ങ​ള്‍ക്ക് ന​ല്‍കു​ന്നു​ണ്ട്. കു​ടി​വെ​ള്ള വി​ത​ര​ണ​ത്തി​ന് വേ​ണ്ടി മാ​ത്ര​മാ​ണ് ജ​ല​സേ​ച​ന വ​കു​പ്പ് ജ​ല അ​തോ​റി​റ്റി​ക്ക് 96 ദ​ശ​ല​ക്ഷം ലി​റ്റ​ര്‍ വെ​ള്ളം ന​ല്‍കു​ന്ന​ത്.

എ​ന്നാ​ല്‍, കു​ടി​വെ​ള്ള​ത്തി​ന് അ​നു​വ​ദി​ച്ച വെ​ള്ള​ത്തി​ല്‍നി​ന്നാ​ണ് 38 ദ​ശ​ല​ക്ഷം ലി​റ്റ​ര്‍ കു​പ്പി​വെ​ള്ള ക​മ്പ​നി​യ​ട​ക്ക​മു​ള്ള വി​വി​ധ ക​മ്പ​നി​ക​ള്‍ക്ക് ന​ല്‍കു​ന്ന​ത്. ഇ​ത്ത​ര​ത്തി​ല്‍ 150 ഓ​ളം വ്യാ​വ​സാ​യി​ക ക​ണ​ക്ഷ​നു​ക​ളാ​ണ് ജ​ല അ​തോ​റി​റ്റി ന​ല്‍കി​യി​ട്ടു​ള്ള​ത്.

ജി​ല്ല​യി​ലെ ര​ണ്ടാം വി​ള ഭൂ​രി​ഭാ​ഗ​വും മ​ല​മ്പു​ഴ ഡാ​മി​ലെ ജ​ല​ത്തെ ആ​ശ്ര‍യി​ച്ചാ​ണ്. ഇ​ത്ത​വ​ണ 26 ദി​വ​സ​ത്തേ​ക്കു​ള്ള ജ​ലം മാ​ത്ര​മാ​ണ് ഡാ​മി​ൽ നി​ല​വി​ലു​ള്ള​തെ​ന്നാ​ണ് അ​ധി​കൃ​ത​ർ പ​റ​യു​ന്ന​ത്.

ഡാ​മി​ന്റെ സം​ഭ​ര​ണ ശേ​ഷി​യും ആ​ദ്യ​കാ​ല​ത്തെ അ​പേ​ക്ഷി​ച്ച് കു​റ​വാ​ണ്. 226 ക്യൂ​ബി​ക് മീ​റ്റ​ര്‍ ആ​യി​രു​ന്നു ആ​ദ്യ​കാ​ല സം​ഭ​ര​ണ​ശേ​ഷി. എ​ന്നാ​ല്‍, വ​ര്‍ഷ​ങ്ങ​ളാ​യി അ​ടി​ത്ത​ട്ടി​ല്‍ ചെ​ളി​യും മ​ണ​ലും അ​ടി​ഞ്ഞു​കൂ​ടി​യ​തോ​ടെ സം​ഭ​ര​ണ ശേ​ഷി​യി​ല്‍ 28.26 ക്യൂ​ബി​ക് മീ​റ്റ​റി​ന്റെ കു​റ​വു​ണ്ടാ​യി​ട്ടു​ണ്ടെ​ന്ന് പീ​ച്ചി​യി​ലെ കേ​ര​ള എ​ന്‍ജി​നീ​യ​റി​ങ് റി​സ​ര്‍ച് ഇ​ന്‍സ്റ്റി​റ്റ്യൂ​ട്ട് ന​ട​ത്തി​യ പ​ഠ​ന​ത്തി​ല്‍ ചൂ​ണ്ടി​ക്കാ​ട്ടു​ന്നു.