ശുചീകരിച്ച് കൈയെടുക്കും മുമ്പെ നഗരിപ്പുറം കനാലിലും റോഡിലും മാലിന്യം തള്ളി

പ​ത്തി​രി​പ്പാ​ല: ശു​ചീ​ക​രി​ച്ച് കൈ​യെ​ടു​ക്കും മു​മ്പെ വീ​ണ്ടും ക​നാ​ലി​ലും പ​രി​സ​ര​ങ്ങ​ളി​ലും മാ​ലി​ന്യം ത​ള്ളി. മ​ണ്ണൂ​ർ പ​ഞ്ചാ​യ​ത്ത് സ​മ്പൂ​ർ​ണ ശു​ചീ​ക​ര​ണ പ്ര​ഖ്യാ​പ​നം ക​ഴി​ഞ്ഞ​ദി​വ​സം എം.​എ​ൽ.​എ നി​ർ​വ​ഹി​ച്ചി​രു​ന്നു. പ്ര​ഖ്യാ​പ​ന​ത്തി​ന്റെ മു​ന്നോ​ടി​യാ​യി ന​ഗ​രി​പ്പു​റം ക​നാ​ലും റോ​ഡും മ​ണ്ണു​മ​ന്തി യ​ന്ത്ര​മു​പ​യോ​ഗി​ച്ച് ദി​വ​സ​ങ്ങ​ളോ​ളം ശു​ചീ​ക​രി​ക്കു​ക​യും മാ​ലി​ന്യം പൂ​ർ​ണ​മാ​യും നീ​ക്കു​ക​യും ചെ​യ്തി​രു​ന്നു.

എ​ന്നാ​ൽ, പ്ര​ഖ്യാ​പ​നം ക​ഴി​ഞ്ഞ് ഒ​രു​ദി​വ​സം ക​ഴി​യും മു​മ്പ് ക​നാ​ലി​ന​ക​ത്തും പ​രി​സ​ര​ങ്ങ​ളി​ലും വ്യാ​പ​ക​മാ​യി പ്ലാ​സ്റ്റി​ക് ക​വ​റു​ക​ളി​ൽ മാ​ലി​ന്യം ത​ള്ള​ൽ തു​ട​ങ്ങി. മാ​ലി​ന്യം ത​ള്ളു​ന്ന​വ​രെ പി​ടി​കൂ​ടാ​ൻ നി​രീ​ക്ഷ​ണ കാ​മ​റ സ്ഥാ​പി​ക്കാ​ൻ ര​ണ്ടാ​ഴ്ച മു​മ്പ് ഇ​വി​ടെ പോ​സ്റ്റും സ്ഥാ​പി​ച്ചി​രു​ന്നു. കാ​മ​റ സ്ഥാ​പി​ക്കാ​നു​ള്ള പോ​സ്റ്റു​ക​ൾ സ്ഥാ​പി​ച്ച​ത​ല്ലാ​തെ തു​ട​ർ ന​ട​പ​ടി​യൊ​ന്നും ഉ​ണ്ടാ​യി​ല്ലെ​ന്നും പൊ​തു​പ്ര​വ​ർ​ത്ത​ക​ൻ കൂ​ടി​യാ​യ സൈ​നു​ദ്ദീ​ൻ പ​ത്തി​രി​പ്പാ​ല ‘മാ​ധ്യ​മ’​ത്തോ​ട് പ​റ​ഞ്ഞു. കാ​മ​റ ഉ​ട​ൻ സ്ഥാ​പി​ച്ചി​ല്ലെ​ങ്കി​ൽ ക​നാ​ലും പ​രി​സ​ര​വും വീ​ണ്ടും മാ​ലി​ന്യ​കൂ​മ്പാ​ര​മാ​കു​മെ​ന്നും അ​ദ്ദേ​ഹം പ​റ​ഞ്ഞു.

ക​നാ​ലി​നോ​ട് ചേ​ർ​ന്ന് നി​ര​വ​ധി വീ​ടു​ക​ളു​മു​ണ്ട്. ദു​ർ​ഗ​ന്ധം മൂ​ലം ഇ​വ​ർ ദു​രി​തം പേ​റു​ക​യു​മാ​ണ്. ക​നാ​ൽ റോ​ഡ്ബൈ​പാ​സ് കൂ​ടി ആ​യ​തി​നാ​ൽ നി​ര​വ​ധി വാ​ഹ​ന​ങ്ങ​ൾ രാ​പ്പ​ക​ലി​ല്ലാ​തെ ഈ ​വ​ഴി ക​ട​ന്നു​പോ​കു​ന്നു​ണ്ട്. ഇ​രു​ട്ടി​ന്റെ മ​റ​വി​ലാ​ണ് മാ​ലി​ന്യം ത​ള്ളു​ന്ന​ത്. ഉ​ട​ൻ ത​ന്നെ പ​രി​ഹാ​രം കാ​ണ​ണ​മെ​ന്നാ​ണ് ജ​ന​കീ​യാ​വ​ശ്യം.