അമ്പലപ്പാറ ഖാദി കേന്ദ്രം നിലനിൽപ്പ് ഭീഷണിയിൽ

ഒ​റ്റ​പ്പാ​ലം: കോ​ഴി​ക്കോ​ട് ആ​സ്ഥാ​ന​മാ​യ കേ​ര​ള സ​ർ​വോ​ദ​യ സം​ഘ​ത്തി​ന് കീ​ഴി​ൽ അ​മ്പ​ല​പ്പാ​റ​യി​ൽ പ്ര​വ​ർ​ത്തി​ക്കു​ന്ന ഖാ​ദി കേ​ന്ദ്ര​ത്തി​ന്റെ നി​ല​നി​ൽ​പ്പ് ഭീ​ഷ​ണി​യി​ൽ. കേ​ന്ദ്ര​ത്തി​ന് കീ​ഴി​ൽ ജോ​ലി​യെ​ടു​ത്തി​രു​ന്ന 150 വ​നി​ത​ക​ളി​ൽ 125 പേ​ർ​ക്കും തൊ​ഴി​ൽ ന​ഷ്ട​പ്പെ​ട്ട അ​വ​സ്ഥ​യാ​ണ്. കേ​ന്ദ്ര​ത്തി​ന് കീ​ഴി​ൽ 25 പേ​ർ മാ​ത്ര​മാ​ണ് ഇ​പ്പോ​ൾ നെ​യ്ത്തു​കാ​രാ​യു​ള്ള​ത്.

നൂ​ൽ​നൂ​ൽ​പ്പി​ന് ആ​വ​ശ്യ​മാ​യ അ​സം​സ്കൃ​ത വ​സ്തു​ക്ക​ൾ ല​ഭി​ച്ചി​രു​ന്ന​ത് തൃ​ശൂ​ർ ഖാ​ദി ക​മീ​ഷ​നി​ൽ നി​ന്നാ​ണ്. എ​ന്നാ​ൽ, ഇ​വി​ടെ​നി​ന്ന് അ​സം​സ്കൃ​ത വ​സ്തു​ക്ക​ൾ ല​ഭി​ക്കാ​ത്ത​താ​ണ് പ്ര​തി​സ​ന്ധി​ക്ക് കാ​ര​ണം. അ​സം​സ്കൃ​ത വ​സ്തു​ക്ക​ൾ വാ​ങ്ങി​യ ഇ​ന​ത്തി​ൽ ആ​റ് ല​ക്ഷം രൂ​പ കു​ടി​ശ്ശി​ക​യു​ള്ള​താ​ണ് കാ​ര​ണം. ഉ​ത്സ​വ വേ​ള​ക​ളി​ൽ ന​ൽ​കു​ന്ന റി​ബേ​റ്റ് ഇ​ന​ത്തി​ൽ കേ​ര​ള സ​ർ​വോ​ദ​യ സം​ഘ​ത്തി​ന് സ​ർ​ക്കാ​റി​ൽ​നി​ന്ന് ല​ഭി​ക്കാ​നു​ള്ള​ത് ര​ണ്ട് കോ​ടി​യോ​ളം രൂ​പ​യാ​ണ്. തൃ​ശൂ​ർ ഖാ​ദി ക​മീ​ഷ​ന് കു​ടി​ശ്ശി​ക കൊ​ടു​ത്തു​തീ​ർ​ത്താ​ൽ അ​സം​സ്കൃ​ത വ​സ്തു​ക്ക​ൾ ല​ഭി​ച്ചു​തു​ട​ങ്ങും.

നി​ല​വി​ൽ നേ​രി​ടു​ന്ന 125 വ​നി​ത​ക​ളു​ടെ തൊ​ഴി​ൽ ന​ഷ്ട​ത്തി​നും ഇ​തോ​ടെ പ​രി​ഹാ​ര​മാ​കും. കു​റ​ഞ്ഞ വേ​ത​ന​മാ​ണെ​ങ്കി​ലും ല​ഭി​ച്ചി​രു​ന്ന സ്ഥി​ര വ​രു​മാ​നം ന​ഷ്ട​മാ​യ​ത് ഇ​വ​രെ പ്ര​തി​കൂ​ല​മാ​യി ബാ​ധി​ച്ചി​ട്ടു​ണ്ട്. ഇ​ക്കാ​ര്യ​ങ്ങ​ൾ ചൂ​ണ്ടി​ക്കാ​ട്ടി എ​ത്ര​യും വേ​ഗം പ​രി​ഹാ​രം കാ​ണ​ണ​മെ​ന്നാ​വ​ശ്യ​പ്പെ​ട്ട് തൊ​ഴി​ലാ​ളി​ക​ൾ ഒ​പ്പി​ട്ട നി​വേ​ദ​നം വി.​കെ. ശ്രീ​ക​ണ്ഠ​ൻ എം.​പി​ക്ക് സ​മ​ർ​പ്പി​ച്ച് കാ​ത്തി​രി​ക്കു​ക​യാ​ണ​വ​ർ. ഇ​വ​രു​ടെ പ​രാ​തി​യു​ടെ അ​ടി​സ്ഥാ​ന​ത്തി​ൽ കേ​ന്ദ്ര​ത്തി​ലെ നെ​യ്ത്തു​ജോ​ലി പു​ന​രാ​രം​ഭി​ക്കാ​ൻ അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്നാ​വ​ശ്യ​പ്പെ​ട്ട് കേ​ന്ദ്ര വ​കു​പ്പ് മ​ന്ത്രി ജി​ത​ൻ റാം ​മാ​ഞ്ചി​ക്ക് വി.​കെ. ശ്രീ​ക​ണ്ഠ​ൻ ക​ത്ത് ന​ൽ​കി.