കുരുങ്ങിക്കുരുങ്ങി മണ്ണാർക്കാട് നഗരം

മ​ണ്ണാ​ര്‍ക്കാ​ട്: ന​ഗ​ര​ത്തി​ലെ ഗ​താ​ഗ​ത​ക്കു​രു​ക്കി​ന് ശ​മ​ന​മി​ല്ല. രാ​വി​ലെ മു​ത​ല്‍ ഉ​ച്ച വ​​രെ​യും വൈ​കു​ന്നേ​ര​ങ്ങ​ളി​ലും അ​നു​ഭ​വ​പ്പെ​ടു​ന്ന തി​ര​ക്ക് യാ​ത്ര​ക്കാ​രെ ബു​ദ്ധി​മു​ട്ടി​ക്കു​ക​യാ​ണ്. സ്വ​ത​വേ വീ​തി​കു​റ​ഞ്ഞ റോ​ഡി​ല്‍ വാ​ഹ​ന​ങ്ങ​ള്‍ മൂ​ന്നും നാ​ലും വ​രി​യാ​യി ക​ട​ന്നു​പോ​കു​ന്ന​ത് കു​രു​ക്കി​ന് ആ​ക്കം​കൂ​ട്ടു​ന്നു. കാ​ല്‍ന​ട​യാ​ത്ര​ക്കാ​ര്‍ റോ​ഡ് മു​റി​ച്ചു​ക​ട​ക്കാ​നും ഏ​റെ കാ​ത്തു​നി​ല്‍ക്ക​ണം. ന​ഗ​ര​സ​ഭ ബ​സ് സ്റ്റാ​ന്‍ഡി​ന് മു​ന്‍വ​ശ​ത്തും കോ​ട​തി​പ്പ​ടി ജ​ങ്ഷ​നി​ലു​മാ​ണ് സ്ഥി​തി രൂ​ക്ഷം. ബ​സ് സ്റ്റാ​ന്‍ഡി​ല്‍നി​ന്ന് വാ​ഹ​ന​ങ്ങ​ള്‍ ഇ​റ​ങ്ങു​ക​യും ക​യ​റു​ക​യും ചെ​യ്യു​മ്പോ​ള്‍ ഇ​രു​ഭാ​ഗ​ത്തേ​ക്കു​മു​ള്ള ഗ​താ​ഗ​തം സ്തം​ഭി​ക്കു​ന്നു. കോ​ട​തി​പ്പ​ടി ഭാ​ഗ​ത്ത് ച​ങ്ങ​ലീ​രി റോ​ഡി​ല്‍നി​ന്ന് വാ​ഹ​ന​ങ്ങ​ള്‍ ന​ഗ​ര​ത്തി​ലേ​ക്ക് പ്ര​വേ​ശി​ക്കു​മ്പോ​ഴും തി​രി​ച്ചു​ക​യ​റു​മ്പോ​ഴും സ​മാ​ന​മാ​യ ഗ​താ​ഗ​ത ത​ട​സ്സ​മു​ണ്ടാ​കു​ന്നു.

വാ​ഹ​ന​ങ്ങ​ൾ നി​യ​ന്ത്രി​ക്കാ​ന്‍ ട്രാ​ഫി​ക് പൊ​ലീ​സു​ണ്ടെ​ങ്കി​ലും തി​ര​ക്ക് നി​യ​ന്ത്ര​ണ​വി​ധേ​യ​മ​ല്ല. ഗ​താ​ഗ​ത​ക്കു​രു​ക്ക് കു​റ​ക്കു​ന്ന​തി​ന്റെ ഭാ​ഗ​മാ​യി ച​ങ്ങ​ലീ​രി റോ​ഡി​ല്‍നി​ന്ന് ന​മ്പി​യാം​കു​ന്ന് ഭാ​ഗ​ത്തു​കൂ​ടെ മു​മ്പ് വാ​ഹ​ന​ങ്ങ​ള്‍ വ​ഴി​തി​രി​ച്ചു​വി​ട്ടി​രു​ന്നു. എ​ന്നാ​ല്‍ ക​ഴി​ഞ്ഞ മാ​സം മു​ത​ല്‍ ഇ​തും നി​ല​ച്ചു. ഇ​വി​ടെ​നി​ന്ന് കു​ന്തി​പ്പു​ഴ പാ​ല​ത്തി​ന് സ​മീ​പം പ്ര​ധാ​ന റോ​ഡി​ലേ​ക്ക് പ്ര​വേ​ശി​ക്കു​ന്ന രീ​തി​യി​ലാ​യി​രു​ന്നു ക്ര​മീ​ക​ര​ണം. നി​ല​വി​ല്‍, നി​യ​ന്ത്ര​ണ​മി​ല്ലാ​താ​യ​തോ​ടെ എ​ല്ലാ വാ​ഹ​ന​ങ്ങ​ളും നേ​രി​ട്ട് കോ​ട​തി​പ്പ​ടി ജ​ങ്ഷ​നി​ലേ​ക്ക് പ്ര​വേ​ശി​ക്കു​ക​യാ​ണ്. റോ​ഡു​ക​ളു​ടെ വീ​തി​കു​റ​വും അ​ന​ധി​കൃ​ത വാ​ഹ​ന പാ​ര്‍ക്കി​ങ്ങും ഗ​താ​ഗ​ക്കു​രു​ക്കി​ന് ഇ​ട​യാ​ക്കു​ന്നു​ണ്ട്.

വടക്കഞ്ചേരി മേൽപാലത്തിൽ ഗതാഗതം ക്രമീകരിച്ചു

വ​ട​ക്ക​ഞ്ചേ​രി: വ​ട​ക്ക​ഞ്ചേ​രി-​മ​ണ്ണു​ത്തി ആ​റു​വ​രി​പ്പാ​ത​യി​ൽ വ​ട​ക്ക​ഞ്ചേ​രി മേ​ൽ​പാ​ലം അ​റ്റ​കു​റ്റ​പ്പ​ണി​ക്കാ​യി അ​ട​ച്ച​തി​നെ​ത്തു​ട​ർ​ന്നു​ണ്ടാ​യ ഗ​താ​ഗ​ത​ക്കു​രു​ക്ക് പ​രി​ഹ​രി​ച്ചു. തൃ​ശൂ​ർ ദി​ശ​യി​ലേ​ക്കു​ള്ള മേ​ൽ​പാ​ല​ത്തി​ൽ ഇ​രു​ദി​ശ​യി​ലേ​ക്കും ഗ​താ​ഗ​തം ക്ര​മീ​ക​രി​ച്ചാ​ണ് കു​രു​ക്ക് ഒ​ഴി​വാ​ക്കി​യ​ത്. തി​ങ്ക​ളാ​ഴ്ച​യാ​ണ് പാ​ല​ക്കാ​ട് ദി​ശ​യി​ലേ​ക്കു​ള്ള പാ​ല​ത്തി​ലെ ജോ​യി​ന്റു​ക​ളു​ടെ ത​ക​രാ​ർ പ​രി​ഹ​രി​ക്കു​ന്ന​തി​നാ​യി മേ​ൽ​പാ​ലം അ​ട​ച്ച​ത്. ഈ ​സ​മ​യ​ത്ത് വ​ട​ക്ക​ഞ്ചേ​രി സ​ർ​വി​സ് റോ​ഡ് വ​ഴി​യാ​ണ് ദേ​ശീ​യ​പാ​ത​യി​ലൂ​ടെ​യു​ള്ള വാ​ഹ​ന​ങ്ങ​ൾ തി​രി​ച്ചു​വി​ട്ട​ത്. ഇ​ത് രൂ​ക്ഷ​മാ​യ ഗ​താ​ഗ​ത​ക്കു​രു​ക്കി​ന് ഇ​ട​യാ​ക്കി​യ​തോ​ടെ യാ​ത്ര​ക്കാ​രു​ടെ പ്ര​തി​ഷേ​ധം ശ​ക്ത​മാ​യി. തൃ​ശൂ​ർ ദി​ശ​യി​ലേ​ക്കു​ള്ള മേ​ൽ​പാ​ല​ത്തി​ലൂ​ടെ ഇ​രു​ദി​ശ​യി​ലേ​ക്കും ഗ​താ​ഗ​തം ക്ര​മീ​ക​രി​ക്ക​ണ​മെ​ന്ന് വ​ട​ക്ക​ഞ്ചേ​രി പൊ​ലീ​സ് ക​രാ​ർ ക​മ്പ​നി അ​ധി​കൃ​ത​ർ​ക്ക് ക​ർ​ശ​ന നി​ർ​ദേ​ശം ന​ൽ​കി. തു​ട​ർ​ന്ന്, വ്യാ​ഴാ​ഴ്ച ര​ണ്ടി​ട​ങ്ങ​ളി​ൽ ഡി​വൈ​ഡ​റു​ക​ൾ പൊ​ളി​ച്ച് വാ​ഹ​ന​ങ്ങ​ൾ തൃ​ശൂ​ർ ദി​ശ​യി​ലേ​ക്കു​ള്ള പാ​ലം​വ​ഴി തി​രി​ച്ചു​വി​ടു​ക​യാ​യി​രു​ന്നു. തൃ​ശൂ​ർ ദി​ശ​യി​ൽ​നി​ന്ന് വ​രു​ന്ന വാ​ഹ​ന​ങ്ങ​ൾ മേ​ൽ​പാ​ലം തു​ട​ങ്ങു​ന്ന​തി​നു​മു​മ്പ് ഡി​വൈ​ഡ​ർ പൊ​ളി​ച്ച ഭാ​ഗ​ത്തു​കൂ​ടി ക​ട​ന്ന് തൃ​ശൂ​ർ ദി​ശ​യി​ലേ​ക്കു​ള്ള മേ​ൽ​പാ​ല​ത്തി​ൽ പ്ര​വേ​ശി​ക്ക​ണം.

അ​ൽ​പം മു​ന്നോ​ട്ടു​പോ​യ​ശേ​ഷം വീ​ണ്ടും ഡി​വൈ​ഡ​ർ പൊ​ളി​ച്ച ഭാ​ഗ​ത്തു​കൂ​ടി ക​ട​ന്ന് പാ​ല​ക്കാ​ട് ദി​ശ​യി​ലേ​ക്കു​ള്ള പാ​ല​ത്തി​ൽ പ്ര​വേ​ശി​ക്ക​ണം. തൃ​ശൂ​രി​ൽ​നി​ന്ന് വ​ട​ക്ക​ഞ്ചേ​രി​യി​ലേ​ക്കു​ള്ള വാ​ഹ​ന​ങ്ങ​ൾ​ക്ക് സാ​ധാ​ര​ണ പോ​ലെ മേ​ൽ​പാ​ലം തു​ട​ങ്ങു​ന്ന​തി​നു​മു​മ്പു​ള്ള സ​ർ​വി​സ്‌ റോ​ഡ് വ​ഴി തി​രി​ഞ്ഞു​പോ​കാം.