Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightPalakkadchevron_rightMannarkkadchevron_rightന​ടു​ക്കം മാ​റാ​തെ...

ന​ടു​ക്കം മാ​റാ​തെ ഫി​ലി​പ്പും കു​ടും​ബ​വും

text_fields
bookmark_border
leopard
cancel
camera_alt

മേ​ക്ക​ള​പ്പാ​റ കു​ന്തി​പ്പാ​ട​ത്തി​ന് സ​മീ​പം കോ​ഴി​ക്കൂ​ട്ടി​ൽ ച​ത്ത പു​ലി​യെ വ​ന​പാ​ല​ക​​രു​ടെ നേ​തൃ​ത്വ​ത്തി​ൽ പു​റ​ത്തെ​ടു​ത്ത​പ്പോ​ൾ

മ​ണ്ണാ​ർ​ക്കാ​ട്: നേ​ര്‍ക്ക് ചാ​ടി​യ പു​ലി​യി​ല്‍നി​ന്ന് ഭാ​ഗ്യം കൊ​ണ്ടാ​ണ് പൂ​വ​ത്താ​നി ഫി​ലി​പ്പ് ര​ക്ഷ​പ്പെ​ട്ട​ത്. ക​ണ്‍മു​ന്നി​ല്‍ പു​ലി​യെ ക​ണ്ട​തും ആ​ക്ര​മി​ക്കാ​ന്‍ വ​ന്ന​തും ഓ​ര്‍ത്തെ​ടു​ക്കു​മ്പോ​ള്‍ ഇ​പ്പോ​ഴും മു​ഖ​ത്ത് ഭീ​തി​യാ​ണ്. പു​ല​ര്‍ച്ച കോ​ഴി​ക​ളു​ടെ ക​ര​ച്ചി​ല്‍ കേ​ട്ടാ​ണ് വീ​ട്ടു​കാ​ര്‍ ഉ​ണ​ര്‍ന്ന​ത്. കൂ​ട്ടി​ല്‍ കാ​ട്ടു​പൂ​ച്ച​യോ മ​റ്റോ ക​യ​റി​യ​താ​യി​രി​ക്കു​മോ​യെ​ന്ന് ക​രു​തി ലൈ​റ്റി​ട്ട് പു​റ​ത്തി​റ​ങ്ങി. ടോ​ര്‍ച്ചു​മാ​യി കൂ​ട്ടി​ലെ​ത്തി തു​റ​ന്ന് നോ​ക്കി​യ​തും ഒ​രു ജീ​വി ഫി​ലി​പ്പി​ന് നേ​രെ കു​തി​ച്ച് ചാ​ടി. ഉ​ട​ന്‍ കൂ​ടി​ന്റെ വാ​തി​ല​ട​ച്ച​തി​നാ​ല്‍ അ​പാ​യ​മു​ണ്ടാ​യി​ല്ല.

കൂ​ട്ടി​ലെ വെ​ളി​ച്ചം അ​ണ​ച്ചി​രു​ന്നു. പി​ന്നീ​ട് ലൈ​റ്റി​ട്ട് നോ​ക്കി​യ​പ്പോ​ഴാ​ണ് കോ​ഴി​ക്കൂ​ട്ടി​ല്‍ പു​ലി​യെ ക​ണ്ട​ത്. ഉ​ട​ന്‍ സു​ഹൃ​ത്ത് മേ​ക്ക​ള​പ്പാ​റ സ്വ​ദേ​ശി സോ​ണി പി. ​ജോ​ർ​ജി​നെ അ​റി​യി​ക്കു​ക​യാ​യി​രു​ന്നു. ഇ​ദ്ദേ​ഹ​മാ​ണ് വി​വ​രം വ​ന​പാ​ല​ക​ര്‍ക്ക് കൈ​മാ​റി​യ​ത്.

ഫി​ലി​പ്പും ഭാ​ര്യ സാ​ലി​യും മ​ക​ള്‍ ജി​ഷ​യു​മാ​ണ് വീ​ട്ടി​ലു​ണ്ടാ​യി​രു​ന്ന​ത്. ആ​ദ്യ​മാ​യ​ല്ല പൂ​വ​ത്താ​നി​യി​ല്‍ കു​ടും​ബ​ത്തി​ന് വ​ന്യ​മൃ​ഗ​ശ​ല്യം നേ​രി​ടേ​ണ്ടി വ​രു​ന്ന​ത്. വ​ര്‍ഷ​ങ്ങ​ള്‍ക്ക് മു​മ്പ് തൊ​ഴു​ത്തി​ല്‍വെ​ച്ച് വ​ന്യ​മൃ​ഗം പ​ശു​വി​നെ ആ​ക്ര​മി​ക്കു​ക​യും കി​ടാ​വി​നെ ക​ടി​ച്ച് കൊ​ണ്ടു​പോ​വു​ക​യും ചെ​യ്തി​രു​ന്നു. വ​ന്യ​ജീ​വി ശ​ല്യം കാ​ര​ണം പ​ശു​വി​നെ വ​ള​ര്‍ത്ത​ല്‍ നി​ര്‍ത്തു​ക​യാ​യി​രു​ന്നു. തൊ​ഴു​ത്തി​ന്റെ ഒ​രു ഭാ​ഗ​ത്താ​ണ് ഇ​പ്പോ​ള്‍ കോ​ഴി​ക്കൂ​ടൊ​രു​ക്കി​യി​ട്ടു​ള്ള​ത്. മാ​സ​ങ്ങ​ള്‍ക്ക് മു​മ്പ് കൂ​ടി​ന്റെ വ​ല പൊ​ളി​ച്ച് വ​ന്യ​ജീ​വി കോ​ഴി​ക​ളെ കൊ​ന്ന് തി​ന്നി​രു​ന്നു. തു​ട​ര്‍ന്നാ​ണ് കൂ​ടു​ത​ല്‍ ബ​ല​മു​ള്ള ഇ​രു​മ്പ് വ​ല കൊ​ണ്ട് മ​റ​യു​ണ്ടാ​ക്കി​യ​ത്.

നൂ​റോ​ളം നാ​ട​ൻ കോ​ഴി​ക​ളെ ഇ​തി​ല്‍ വ​ള​ര്‍ത്തി​യി​രു​ന്നു. കോ​ഴി​ക​ളെ പു​ലി ഇ​ര​യാ​ക്കി​യ​താ​യും ഫി​ലി​പ്പ് പ​റ​യു​ന്നു. ഫി​ലി​പ്പി​ന്‍റേ​തു​ൾ​പ്പെ​ടെ 12 കു​ടും​ബ​ങ്ങ​ളാ​ണ് പ്ര​ദേ​ശ​ത്തു​ള്ള​ത്. വീ​ണ്ടും പു​ലി​യെ​ത്തി​യ​തോ​ടെ ഇ​വ​രു​ടെ ഭീ​തി വ​ർ​ധി​ച്ചി​ട്ടു​ണ്ട്. പ്ര​തി​രോ​ധ മാ​ര്‍ഗ​ങ്ങ​ളും പു​ന​ര​ധി​വാ​സ​വു​മു​ള്‍പ്പ​ടെ​യു​ള്ള ന​ട​പ​ടി​ക്ര​മ​ങ്ങ​ള്‍ അ​ധി​കൃ​ത​ര്‍ സ്വീ​ക​രി​ക്ക​ണ​മെ​ന്ന് ഫി​ലി​പ്പ് പ​റ​യു​ന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:palakkad newsleopard in palakkad
News Summary - Philip and Family just escaped from leopard
Next Story