മോ​ഷ​ണ​ത്തി​നി​ടെ വ​യോ​ധി​ക ദ​മ്പ​തി​ക​ളെ വെ​ട്ടി​യ കേ​സി​ൽ തെ​ളി​വെ​ടു​ത്തു

ഒ​റ്റ​പ്പാ​ലം: മോ​ഷ​ണ​ത്തി​നി​ടെ വ​യോ​ധി​ക ദ​മ്പ​തി​ക​ളെ വെ​ട്ടി​പ്പ​രി​ക്കേ​ൽ​പ്പി​ച്ച കേ​സി​ൽ പ്ര​തി​യു​മാ​യി പൊ​ലീ​സ് തെ​ളി​വെ​ടു​പ്പ് ന​ട​ത്തി. വെ​ട്ടാ​നു​പ​യോ​ഗി​ച്ച മ​ട​വാ​ൾ ക​ണ്ടെ​ടു​ത്തു. ക​ഴി​ഞ്ഞ 11ന് ​പു​ല​ർ​ച്ചെ ര​ണ്ടി​നാ​ണ് വി​മു​ക്ത ഭ​ട​നും റി​ട്ട. എ​സ്.​ബി.​ഐ അ​സി. മാ​നേ​ജ​റുമാ​യ പാ​ല​പ്പു​റം മു​ണ്ട​ഞ്ഞാ​റ ആ​ട്ടീ​രി വീ​ട്ടി​ൽ സു​ന്ദ​രേ​ശ​ൻ (74), ഭാ​ര്യ ല​ക്കി​ടി കെ.​എം.​എ​സ്.​ബി സ്‌​കൂ​ൾ റി​ട്ട. അ​ധ്യാ​പി​ക അം​ബി​ക ദേ​വി (67) എ​ന്നി​വ​രെ വീ​ട്ടി​ൽ അ​തി​ക്ര​മി​ച്ച് ക​ട​ന്ന മോ​ഷ്ടാ​വ് മാ​ര​ക​മാ​യി വെ​ട്ടി​പ്പ​രി​ക്കേ​ൽ​പ്പി​ച്ച​ത്.

സം​ഭ​വ​വു​മാ​യി ബ​ന്ധ​പ്പെ​ട്ട് കു​പ്ര​സി​ദ്ധ മോ​ഷ്ടാ​വും നി​ര​വ​ധി കേ​സു​ക​ളി​ലെ പ്ര​തി​യു​മാ​യ ത​മി​ഴ്നാ​ട് പൊ​ള്ളാ​ച്ചി സ്വ​ദേ​ശി ഗോ​വി​ന്ദ​രാ​ജ് എ​ന്ന പൂ​ച്ചാ​ണ്ടി ഗോ​വി​ന്ദ​രാ​ജാ​ണ് (50) പി​ടി​യി​ലാ​യ​ത്. വീ​ട്ടി​ൽ നി​ന്ന് ക​വ​ർ​ന്ന മൊ​ബൈ​ൽ ട​വ​ർ ലൊ​ക്കേ​ഷ​നും സി.​സി.​ടി.​വി ദൃ​ശ്യ​ങ്ങ​ളും അ​ടി​സ്ഥാ​ന​മാ​ക്കി ന​ട​ത്തി​യ അ​ന്വേ​ഷ​ണ​ത്തി​ൽ സം​ഭ​വം ന​ട​ന്ന് ഒ​രു മ​ണി​ക്കൂ​റി​ന​കം പ്ര​തി​യെ പി​ടി​കൂ​ടി​യി​രു​ന്നു. കേ​സി​ലെ സു​പ്ര​ധാ​ന തെ​ളി​വാ​യ വെ​ട്ടാ​നു​പ​യോ​ഗി​ച്ച ആ​യു​ധം ക​ണ്ടെ​ടു​ക്കാ​ൻ ക​ഴി​ഞ്ഞി​രു​ന്നി​ല്ല.

ഇ​തേ തു​ട​ർ​ന്നാ​ണ് തെ​ളി​വെ​ടു​പ്പി​നാ​യി പൊ​ലീ​സ് മൂ​ന്ന് ദി​വ​സ​ത്തെ ക​സ്റ്റ​ഡി​യി​ൽ വാ​ങ്ങി​യ​ത്. സം​ഭ​വം ന​ട​ന്ന വീ​ടി​ന് സ​മീ​പ​ത്തെ കു​ള​ത്തി​ന്റെ പ​ട​വു​ക​ൾ​ക്കി​ട​യി​ൽ നി​ന്നാ​ണ് മ​ട​വാ​ൾ ക​ണ്ടെ​ടു​ത്ത​ത്. വീ​ട്ടി​ലെ പോ​ർ​ച്ചി​ൽ നി​ന്നാ​ണ് പ്ര​തി മ​ട​വാ​ൾ കൈ​ക്ക​ലാ​ക്കി​യ​ത്.

മ​റ്റൊ​രു മോ​ഷ​ണ കേ​സി​ൽ ഏ​പ്രി​ൽ ഒ​ന്നി​ന് കോ​യ​മ്പ​ത്തൂ​ർ ജ​യി​ലി​ലാ​യ ഗോ​വി​ന്ദ​രാ​ജ് ന​വം​ബ​ർ അ​ഞ്ചി​നാ​ണ് പു​റ​ത്തി​റ​ങ്ങി​യ​ത്. തു​ട​ർ​ന്ന് പാ​ല​ക്കാ​ട് ന​ഗ​ര​ത്തി​ലെ​ത്തി​യ ഇ​യാ​ൾ ഒ​രു മൊ​ബൈ​ൽ മോ​ഷ്ടി​ച്ച് 2000 രൂ​പ​ക്ക് ക​ട​യി​ൽ വി​റ്റ ശേ​ഷ​മാ​ണ് ഒ​റ്റ​പ്പാ​ല​ത്ത് എ​ത്തി​യ​തെ​ന്നാ​യി​രു​ന്നു നേ​ര​ത്തെ ന​ൽ​കി​യ മൊ​ഴി.

എ​ന്നാ​ൽ തൃ​ശൂ​രി​ൽ നി​ന്ന് ഒ​രു ബൈ​ക്ക് മോ​ഷ്ടി​ച്ച​താ​യും പൊ​ലീ​സി​ന് വി​വ​രം ല​ഭി​ച്ചി​ട്ടു​ണ്ട്. ഇ​തി​ൻെ​റ അ​ടി​സ്ഥാ​ന​ത്തി​ൽ തൃ​ശൂ​ർ പൊ​ലീ​സു​മാ​യി അ​ന്വേ​ഷ​ണ സം​ഘം ബ​ന്ധ​പ്പെ​ടും. പ്ര​തി​യു​ടെ മൊ​ഴി​യി​ലെ പൊ​രു​ത്ത​ക്കേ​ടു​ക​ൾ പ​രി​ശോ​ധി​ക്കു​മെ​ന്നും പൊ​ലീ​സ് അ​റി​യി​ച്ചു. എ​സ്.​ഐ പി.​ശി​വ​ശ​ങ്ക​ര​ന്റെ നേ​തൃ​ത്വ​ത്തി​ലാ​യി​രു​ന്നു തെ​ളി​വെ​ടു​പ്പ്. ശ​നി​യാ​ഴ്ച ഇ​യാ​ളെ കോ​ട​തി​യി​ൽ ഹാ​ജ​രാ​ക്കും