റോ​ഡി​ന് നി​ര​പ്പ് വ്യ​ത്യാ​സം; അ​പ​ക​ട​ത്തി​ലേ​ക്ക് ഓ​ടി​ച്ചു​ക​യ​റി വാ​ഹ​ന​ങ്ങ​ൾ

കൊ​ടു​വാ​യൂ​ർ: റോ​ഡി​ലെ നി​ര​പ്പ് വ്യ​ത്യാ​സം കാ​ര​ണം അ​പ​ക​ട​ങ്ങ​ൾ തു​ട​ർ​ക്ക​ഥ​യാ​കു​ന്നു. കൊ​ല്ല​ങ്കോ​ട്-​എ​ല​വ​ഞ്ചേ​രി, കൊ​ടു​വാ​യൂ​ർ- ചി​റ്റൂ​ർ എ​ന്നീ റോ​ഡു​ക​ളി​ലെ നി​ര​പ്പ് വ്യ​ത്യാ​സ​മാ​ണ് വാ​ഹ​നാ​പ​ക​ട​ങ്ങ​ൾ​ക്ക് വ​ഴി​വെ​ക്കു​ന്ന​ത്. ഒ​രു മാ​സ​ത്തി​നി​ടെ 16ല​ധി​കം വാ​ഹ​നാ​പ​ക​ട​ങ്ങ​ൾ ഉ​ണ്ടാ​യ​താ​യി നാ​ട്ടു​കാ​രും ആം​ബു​ല​ൻ​സ് ഡ്രൈ​വ​ർ​മാ​രും പ​റ​യു​ന്നു.

കൊ​ടു​വാ​യൂ​ർ-​പു​തു​ന​ഗ​രം-​ചി​റ്റൂ​ർ റോ​ഡി​ലെ നി​ര​പ്പ് വ്യ​ത്യാ​സം മൂ​ലം നി​ര​വ​ധി അ​പ​ക​ട​ങ്ങ​ളാ​ണ് ഉ​ണ്ടാ​കു​ന്ന​ത്. ഇ​വി​ടെ ഓ​ട്ടോ​റി​ക്ഷ മു​ത​ൽ ഇ​രു​ച​ക്ര​വാ​ഹ​ന​ങ്ങ​ൾ വ​രെ അ​പ​ക​ട​ത്തി​ലാ​കു​ന്നു. കൊ​ടു​വാ​യൂ​ർ-​ചി​റ്റൂ​ർ റോ​ഡി​ൽ പു​തു​ന​ഗ​രം-​ത​ത്ത​മം​ഗ​ലം അ​തി​ർ​ത്തി പ്ര​ദേ​ശ​ത്ത് ക​ഴി​ഞ്ഞ നാ​ല് ദി​വ​സ​ത്തി​നി​ടെ ഉ​ണ്ടാ​യ നാ​ല് അ​പ​ക​ട​ങ്ങ​ളി​ൽ അ​ഞ്ചു​പേ​ർ​ക്ക് പ​രി​ക്കേ​റ്റു.

റീ ​ടാ​റി​ങ് ന​ട​ത്തി​യ റോ​ഡി​ന്റെ വ​ശ​ങ്ങ​ളി​ൽ മ​ണ്ണി​ട്ട് നി​ക​ത്താ​ത്ത​തും പ​ഴ​യ റോ​ഡി​ലെ കോ​ൺ​ക്രീ​റ്റ് സ്ഥാ​പി​ച്ച പ്ര​ദേ​ശ​ങ്ങ​ൾ റീ ​ടാ​റി​ങ് ന​ട​ത്താ​തെ ഒ​ഴി​വാ​ക്കി​യ​തു​മാ​ണ് അ​പ​ക​ട​ങ്ങ​ൾ വർധിക്കാ​ൻ കാ​ര​ണ​മെ​ന്ന് നാ​ട്ടു​കാ​ർ പ​റ​ഞ്ഞു. റോ​ഡി​ന്റെ വ​ശ​ങ്ങ​ളി​ലെ വ്യ​ത്യാ​സം പ​രി​ഹ​രി​ക്കാ​ൻ ന​ൽ​കു​ന്ന പ​രാ​തി​ക​ൾ അ​ധി​കൃ​ത​ർ പ​രി​ഗ​ണി​ക്കു​ന്നി​ല്ലെ​ന്ന് പ്ര​ദേ​ശ​വാ​സി​ക​ൾ പ​റ​ഞ്ഞു. ഇ​രു​ച​ക്ര​വാ​ഹ​ന​ങ്ങ​ളാ​ണ് കൂ​ടു​ത​ലും അ​പ​ക​ട​ത്തി​ലാ​കു​ന്ന​ത്.