കു​ടും​ബ​ശ്രീ ഇം​ഗ്ലീ​ഷ് ഭാഷ പ​ഠ​ന പ​രി​ശീ​ല​ന​ത്തി​ന് തു​ട​ക്കം

അ​ഗ​ളി: കു​ടും​ബ​ശ്രീ സം​സ്ഥാ​ന മി​ഷ​ൻ ത​ദ്ദേ​ശീ​യ മേ​ഖ​ല​യി​ലെ കു​ട്ടി​ക​ളെ കേ​ന്ദ്രീ​ക​രി​ച്ച് ന​ട​ത്തു​ന്ന ഇം​ഗ്ലീ​ഷ് ഭാ​ഷ​പ​ഠ​ന പ​രി​ശീ​ല​ന​ത്തി​ന് അ​ട്ട​പ്പാ​ടി​യി​ൽ തു​ട​ക്കം. ആ​ഗോ​ള ഭാ​ഷ​യാ​യ ഇം​ഗ്ലീ​ഷി​ലൂ​ടെ ഭാ​ഷ വൈ​ദ​ഗ്ധ്യം വി​ക​സി​പ്പി​ക്കു​ക, വി​വി​ധ തൊ​ഴി​ൽ മേ​ഖ​ല​ക​ളി​ലേ​ക്കും ഉ​ന്ന​ത വി​ദ്യാ​ഭ്യാ​സ​ത്തി​ലേ​ക്കും ത​ദ്ദേ​ശീ​യ മേ​ഖ​ല​യി​ലെ കു​ട്ടി​ക​ളെ കൈ​പി​ടി​ച്ചു​യ​ർ​ത്തു​ക എ​ന്നി​വ​യാ​ണ് പ​ദ്ധ​തി ല​ക്ഷ്യം.

അ​ട്ട​പ്പാ​ടി​യി​ലെ 204 കു​ട്ടി​ക​ളാ​ണ് ത​ദ്ദേ​ശീ​യ മേ​ഖ​ല​യി​ൽനി​ന്ന് ര​ജി​സ്റ്റ​ർ ചെ​യ്ത​ത്. അ​തി​ൽ​നി​ന്ന് 122 കു​ട്ടി​ക​ൾ ഏ​പ്രി​ൽ 23ന് ​ന​ട​ന്ന ഓ​റി​യ​ന്‍റേ​ഷ​നി​ലും സ്ക്രീ​നി​ങി​ലും പ​ങ്കെ​ടു​ത്തു. കു​ട്ടി​ക​ളെ അ​ഞ്ച് ബാ​ച്ചു​ക​ളാ​യി തി​രി​ച്ചാ​ണ് ഭാ​ഷ വി​ദ​ഗ്ദ​രാ​യ റി​സോ​ഴ്സ് പേ​ഴ്സ​ൻ​മാ​രു​ടെ നേ​തൃ​ത്വ​ത്തി​ൽ സ്ക്രീ​നി​ങ് പൂ​ർ​ത്തി​യാ​ക്കി​യ​ത്. ഇ​തി​ൽ​നി​ന്ന് തെ​ര​ഞ്ഞെ​ടു​ക്ക​പ്പെ​ടു​ന്ന 60 കു​ട്ടി​ക​ൾ​ക്ക് ര​ണ്ട് ബാ​ച്ചു​ക​ളാ​യി ഒ​രു​വ​ർ​ഷം നീ​ളു​ന്ന പ​രി​ശീ​ല​ന​മാ​ണ് പ​ദ്ധ​തി വ​ഴി ന​ട​പ്പാ​ക്കു​ക. ഇ​തി​ന്‍റെ ആ​ദ്യ ര​ണ്ട് റെ​സി​ഡ​ൻ​ഷ്യ​ൽ ക്യാ​മ്പു​ക​ൾ മേ​യി​ൽ പൂ​ർ​ത്തി​യാ​ക്കും.

ച​ട​ങ്ങി​ൽ കു​ടും​ബ​ശ്രീ അ​ട്ട​പ്പാ​ടി ആ​ദി​വാ​സി സ​മ​ഗ്ര വി​ക​സ​ന പ​ദ്ധ​തി അ​സി. പ്രോ​ജ​ക്ട് ഓ​ഫി​സ​ർ ബി.​എ​സ്. മ​നോ​ജ് അ​ധ്യ​ക്ഷ​ത വ​ഹി​ച്ചു. ഷോ​ള​യൂ​ർ പ​ഞ്ചാ​യ​ത്ത് സ​മി​തി കോ​ഓ​ഡി​നേ​റ്റ​ർ ഷൈ​നി സ്വാ​ഗ​തം പ​റ​ഞ്ഞു. പ്രോ​ജ​ക്ട് കോ​ഓ​ഡി​നേ​റ്റ​ർ കെ.​ജി. ജോ​മോ​ൻ പ​ദ്ധ​തി അ​വ​ത​രി​പ്പി​ച്ചു. കു​റു​മ്പ പ​ഞ്ചാ​യ​ത്ത് സ​മി​തി സെ​ക്ര​ട്ട​റി കു​റു​മ്പി ക​ണ്ണ​ൻ, പ​ഞ്ചാ​യ​ത്ത് സ​മി​തി കോ​ഓ​ഡി​നേ​റ്റ​ർ ഗീ​ത, ആ​ർ.​പി മാ​രാ​യ അ​മൃ​ത, ഹ​സ​ന​ത്ത്, നീ​ഹ ബോ​ബി എ​ന്നി​വ​ർ സം​സാ​രി​ച്ചു.