നെല്ലികാട്ടിരി പള്ളിയിലെ നോമ്പു കഞ്ഞിക്ക് ആമിനുമ്മ ടച്ച്

കൂ​റ്റ​നാ​ട്: അ​രി​യാ​റ്, ജീ​ര​കം മൂ​ന്ന്, ചു​ക്ക്, മു​ള​ക്, തി​പ്പ​ലി, ഇ​ല്ലം​കെ​ട്ടി വേ​ര്... ആ​മി​നു​മ്മ ഇ​വ​യെ​ല്ലാം സ​മം ചേ​ർ​ത്തു​ണ്ടാ​കു​ന്ന മാ​ജി​ക്കാ​ണ് നെ​ല്ലി​ക്കാ​ട്ടി​രി ബ​ദ​ർ ജു​മാ​മ​സ്ജി​ദ് മ​ഹ​ല്ല് ക​മ്മി​റ്റി​യു​ടെ ക​ഞ്ഞി. മൂ​ന്ന് പ​തി​റ്റാ​ണ്ടി​ന്‍റെ പാ​ര​മ്പ​ര്യ​മു​ണ്ട് നോ​മ്പു കാ​ല​ത്തു​ള്ള ഈ ​ക​ഞ്ഞി വി​ത​ര​ണ​ത്തി​ന്. പ​തി​വു​പോ​ലെ ഈ ​വ​ർ​ഷ​വും ക​ഞ്ഞി വി​ത​ര​ണ​മു​ണ്ട​്.

മ​ഹ​ല്ല് നി​വാ​സി​കൂ​ടി​യാ​യ ആ​മി​നു​മ്മ​യാ​ണ്(65) ക​ഞ്ഞി പാ​കം ചെ​യ്യു​ന്ന​ത്.

നോ​മ്പെ​ടു​ത്ത് ക്ഷീ​ണി​ച്ച​വ​ർ​ക്ക് ആ​യു​ര്‍വേ​ദ​മ​രു​ന്നു​ക​ള്‍ പൊ​ടി​ച്ച് ചേ​ര്‍ത്തു​ണ്ടാ​ക്കു​ന്ന ക​ഞ്ഞി​യാ​വു​മ്പോ​ള്‍ ആ​ന്ത​രീ​യ​വ​യ​വ​ങ്ങ​ള്‍ക്ക് കൂ​ടു​ത​ല്‍ ക​രു​ത്തു​പ​ക​രു​മെ​ന്ന് പ​റ​യ​പ്പെ​ടു​ന്നു. അ​തി​നാ​ല്‍ ഏ​ക​ദേ​ശം 50 വ​ര്‍ഷം മു​മ്പു​ത​ന്നെ ഇ​വി​ടെ ക​ഞ്ഞി​വി​ത​ര​ണം ന​ട​ക്കു​ന്നു​ണ്ട്. ഇതിൽ 30 വ​ര്‍ഷ​മാ​യി ആ​മി​നു​മ്മ​ത​ന്നെ​യാ​ണ് ഈ ​രം​ഗ​ത്ത് പ്ര​വ​ര്‍ത്തി​ക്കു​ന്ന​ത്. കൂ​ട്ട​ത്തി​ല്‍ ക​മ്മി​റ്റി ഭാ​ര​വാ​ഹി​ക​ളും വി​ശ്വാ​സി​ക​ളും സ​ഹാ​യ​ത്തി​നെ​ത്താ​റു​ണ്ടെ​ന്ന് ആ​മി​നു​മ്മ പ​റ​യു​ന്നു.

ക​ഞ്ഞി​വെ​ക്കാ​ൻ ആ​വ​ശ്യ​മാ​യ മു​ഴു​വ​ൻ വി​ഭ​വ​ങ്ങ​ളും ഗ്രാ​മ​ത്തി​ലെ ത​ന്നെ റി​ട്ട. അ​ധ്യാ​പ​ക​നാ​യ പു​ലാ​വ​ട്ട​ത്ത് യൂ​സ​ഫ് ഈ ​വ​ർ​ഷ​വും പൂ​ർ​ണ​മാ​യും ന​ൽ​കു​ന്നു​ണ്ട്. നോ​മ്പ് തു​റ​ക്കാ​നെ​ത്തു​ന്ന മു​സ്‌​ലിം സ​ഹോ​ദ​ര​ങ്ങ​ൾ​ക്ക് വ​യ​ർ​നി​റ​യെ വി​ഭ​വ​സ​മൃ​ദ്ധ​മാ​യ ആ​ഹാ​ര​ങ്ങ​ൾ കൊ​ണ്ട് സ​ത്ക​രി​ക്കു​ന്ന​തി​ൽ സ​ഹോ​ദ​ര മ​ത​സ്ഥ​രും പ​ങ്കു​ചേ​രു​ന്ന​ത് സ​ന്തോ​ഷ കാ​ഴ്ച​യാ​ണ്.