ജി​ല്ല ആ​ശു​പ​ത്രി​യി​ൽ ചി​കി​ത്സ​ക്ക് ഹൃ​ദ​യം കാ​ത്തി​രി​ക്ക​ണം

പാ​ല​ക്കാ​ട്: ജി​ല്ല ആ​ശു​പ​ത്രി​യി​ൽ ഹൃ​ദ്രോ​ഗ ചി​കി​ത്സ കി​ട്ട​ണ​മെ​ങ്കി​ൽ ത​ലേ​ദി​വ​സം ത​ന്നെ വ​ന്ന് വ​രി നി​ന്ന് ടോ​ക്ക​ണെ​ടു​ക്ക​ണം. ഇ​ല്ലെ​ങ്കി​ൽ ടോ​ക്ക​ൺ പെ​ട്ടെ​ന്ന് തീ​ർ​ന്നു​പോ​കും. ടോ​ക്ക​ൺ കി​ട്ടി​യി​ല്ലെ​ങ്കി​ൽ ഹൃ​ദ​യ​പ​രി​ച​ര​ണ​ത്തി​നാ​യി അ​ടു​ത്ത ഒ.​പി ദി​വ​സം വ​രെ കാ​ത്തി​രി​ക്കേ​ണ്ടി വ​രും. ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ​നി​ന്ന് ഹൃ​ദ്രോ​ഗ​ത്തി​ന് ചി​കി​ത്സ തേ​ടി വ​രു​ന്ന രോ​ഗി​ക​ളു​ടെ ദു​ര​വ​സ്ഥ​യാ​ണി​ത്.

തി​ങ്ക​ൾ, വ്യാ​ഴം ദി​വ​സ​ങ്ങ​ളി​ലാ​ണ് ജി​ല്ല ആ​ശു​പ​ത്രി​യി​ൽ കാ​ർ​ഡി​യോ​ള​ജി ഒ.​പി​യു​ള്ള​ത്. ത​ലേ​ദി​വ​സം രാ​ത്രി ത​ന്നെ ആ​ശു​പ​ത്രി​യി​ലെ​ത്തി പു​ല​ർ​ച്ചെ നാ​ലി​ന് വ​രി നി​ന്നെ​ങ്കി​ലും ഊ​ഴം എ​ത്തും മു​മ്പേ ടോ​ക്ക​ൺ ക​ഴി​ഞ്ഞ​താ​യി ചു​ള്ളി​യാ​ർ സ്വ​ദേ​ശി​നി വേ​ദ​ന​യോ​ടെ പ​റ​ഞ്ഞു. ഡോ​ക്ട​റു​ടെ വീ​ട്ടി​ൽ പോ​യി കാ​ണാ​നു​ള്ള ശേ​ഷി​യി​ല്ലാ​ത്ത​തി​നാ​ൽ അ​ടു​ത്ത​ദി​വ​സം വീ​ണ്ടും രാ​ത്രി വ​രു​മെ​ന്ന് അ​വ​ർ പ​റ​ഞ്ഞു. ഇ​ത്ത​ര​ത്തി​ൽ നൂ​റു​ക​ണ​ക്കി​നാ​ളു​ക​ളാ​ണ് ടോ​ക്ക​ൺ കി​ട്ടാ​തെ തി​രി​ച്ചു​പോ​കു​ന്ന​ത്.

കാ​ത്ത് ലാ​ബ് അ​ട​ക്കം മി​ക​ച്ച ചി​കി​ത്സാ സൗ​ക​ര്യ​മു​ള്ള​പ്പോ​ഴാ​ണ് ജി​ല്ല ആ​ശു​പ​ത്രി​യി​ൽ ഈ ​അ​വ​സ്ഥ. നി​ല​വി​ൽ ഒ​രു ഡോ​ക്ട​റാ​ണ് കാ​ർ​ഡി​യോ​ള​ജി വി​ഭാ​ഗ​ത്തി​ലു​ള്ള​ത്. ര​ണ്ട് കാ​ർ​ഡി​യോ​ള​ജി​സ്റ്റ്, ര​ണ്ട് അ​സി​സ്റ്റ​ന്‍റ് സ​ർ​ജ​ൻ എ​ന്നി​വ​രു​ടെ സേ​വ​ന​മാ​ണ് ഇ​വി​ടെ വേ​ണ്ട​ത്. ജോ​ലി ക്ര​മീ​ക​ര​ണ​ത്തി​ന്‍റെ ഭാ​ഗ​മാ​യി വ​ട​ക്ക​ഞ്ചേ​രി പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​ലെ ഒ​രു അ​സി​സ്റ്റ​ന്‍റ് സ​ർ​ജ​ൻ മാ​ത്ര​മാ​ണ് ജി​ല്ല ആ​ശു​പ​ത്രി​യി​ലു​ള്ള​ത്. കാ​ർ​ഡി​യോ​ള​ജി ചീ​ഫ് ക​ൺ​സ​ൾ​ട്ട​ന്‍റ് ത​സ്തി​ക ഏ​റെ നാ​ൾ ഒ​ഴി​ഞ്ഞു​കി​ട​ക്കു​ക​യാ​യി​രു​ന്നു.

ക​ഴി​ഞ്ഞ​വ​ർ​ഷം അ​വ​സാ​നം നി​യ​മ​നം ന​ട​ന്നെ​ങ്കി​ലും ആ ​ഡോ​ക്ട​റെ തി​രു​വ​ന​ന്ത​പു​ര​ത്തേ​ക്ക് മാ​റ്റി. മ​റ്റൊ​രു കാ​ർ​ഡി​യോ​ള​ജി​സ്റ്റ് ജോ​ലി ക്ര​മീ​ക​ര​ണ​ത്തി​ന്‍റെ ഭാ​ഗ​മാ​യി നി​ല​വി​ൽ എ​റ​ണാ​കു​ള​ത്താ​ണു​ള്ള​ത്. മാ​സം 200 ശ​സ്ത്ര​ക്രി​യ​ക​ൾ വ​രെ ന​ട​ത്തി​യി​രു​ന്ന ജി​ല്ല ആ​ശു​പ​ത്രി​യി​ൽ കാ​ർ​ഡി​യോ​ള​ജി​സ്റ്റ് ഇ​ല്ലാ​താ​യ​തോ​ടെ 50-60 ആ​യി ചു​രു​ങ്ങി. ഇ​തോ​ടെ രോ​ഗി​ക​ളു​ടെ അ​വ​സ്ഥ​യും പ​രി​താ​പ​ക​ര​മാ​യി.

സ്വ​കാ​ര്യ ആ​ശു​പ​ത്രി​ക​ളി​ൽ ല​ക്ഷ​ങ്ങ​ൾ ചെ​ല​വ് വ​രു​ന്ന ചി​കി​ത്സ സാ​ധാ​ര​ണ​ക്കാ​രാ​യ രോ​ഗി​ക​ൾ​ക്ക് താ​ങ്ങാ​നാ​കി​ല്ല. ജി​ല്ല ആ​ശു​പ​ത്രി​യി​ൽ കാ​ർ​ഡി​യോ​ള​ജി​സ്റ്റി​ന്‍റെ അ​ഭാ​വം ഇ​ത്ത​രം രോ​ഗി​ക​ൾ​ക്ക് തി​രി​ച്ച​ടി​യാ​വു​ക​യാ​ണ്. പ്ര​തി​ദി​നം 80 ഒ.​പി ടി​ക്ക​റ്റു​ക​ളാ​ണ് ന​ൽ​കു​ന്ന​ത്. ഇ​തി​ൽ കു​റ​ച്ചു മാ​ത്ര​മാ​ണ് ഓ​ൺ​ലൈ​ൻ ബു​ക്ക് ചെ​യ്യു​ന്ന​ത്. നി​ല​വി​ൽ മാ​ർ​ച്ച് 27 വ​രെ​യു​ള്ള ടോ​ക്ക​ണു​ക​ൾ ഓ​ൺ​ലൈ​നി​ൽ ബു​ക്കി​ങ് ക​ഴി​ഞ്ഞു. കാ​ർ​ഡി​യോ​ള​ജി വി​ഭാ​ഗ​ത്തി​ലെ ഒ​ഴി​വു​ക​ൾ നി​ക​ത്ത​ണ​മെ​ന്ന് ആ​വ​ശ്യ​പ്പെ​ട്ടി​ട്ടു​ണ്ടെ​ങ്കി​ലും ഇ​തു​വ​രെ അ​നു​കൂ​ല തീ​രു​മാ​ന​മു​ണ്ടാ​യി​ട്ടി​ല്ലെ​ന്ന് ജി​ല്ല ആ​ശു​പ​ത്രി അ​ധി​കൃ​ത​ർ പ​റ‍യു​ന്നു.