മാ​ലി​ന്യം കു​മി​യു​ന്നു; മൂ​ക്കു​പൊ​ത്തി പാ​ല​ക്കാ​ട്

പാ​ല​ക്കാ​ട്: ന​ഗ​ര​ത്തി​ലെ പാ​ത​യോ​ര​ങ്ങ​ളി​ൽ മാ​ലി​ന്യം കു​മി​യു​ന്നു. പ്ലാ​സ്റ്റി​ക് ക​വ​റു​ക​ളും ഭ​ക്ഷ​ണാ​വ​ശി​ഷ്ട​ങ്ങ​ളും ഉ​ൾ​പ്പെ​ടെ മാ​ലി​ന്യ​ങ്ങ​ൾ റോ​ഡ​രി​കു​ക​ളി​ൽ നി​റ​ഞ്ഞി​രി​ക്കു​ക​യാ​ണ്. ദേ​ശീ​യ​പാ​ത 544ൽ ​പാ​ല​ക്കാ​ട് ഗ​വ. മെ​ഡി​ക്ക​ൽ കോ​ള​ജി​ന് എ​തി​ർ​വ​ശ​ത്തും മ​ല​മ്പു​ഴ ക​നാ​ലി​ന് സ​മീ​പ​വും ക​ൽ​മ​ണ്ഡ​പം ക​നാ​ൽ റോ​ഡി​ലു​മെ​ല്ലാം മാ​ലി​ന്യം ത​ള്ളി​യി​ട്ടു​ണ്ട്.

ഹ​രി​ത​ക​ർ​മ​സേ​ന വീ​ടു​ക​ളി​ൽ​നി​ന്ന് ശേ​ഖ​രി​ക്കു​ന്ന അ​ജൈ​വ മാ​ലി​ന്യ​ങ്ങ​ൾ മി​നി എം.​സി.​എ​ഫു​ക​ളി​ലാ​ണ് താ​ൽ​ക്കാ​ലി​ക​മാ​യി സൂ​ക്ഷി​ക്കാ​റു​ള്ള​ത്. ഇ​വി​ടെ മാ​ലി​ന്യം നി​റ​യു​മ്പോ​ൾ ശേ​ഖ​ര​ണ കേ​ന്ദ്ര​ത്തി​ലേ​ക്ക് മാ​റ്റാ​റാ​ണ് പ​തി​വ്. എ​ന്നാ​ൽ പ​ല​യി​ട​ത്തും മി​നി എം.​സി.​എ​ഫി​ന് സ​മീ​പ​മാ​ണ് മാ​ലി​ന്യം വ​ലി​ച്ചെ​റി​ഞ്ഞി​രി​ക്കു​ന്ന​ത്.

മാ​ലി​ന്യം തെ​രു​വ്നാ​യ്ക്ക​ൾ റോ​ഡി​ലേ​ക്ക് ക​ടി​ച്ചു​വ​ലി​ച്ചി​ടു​ന്ന​തും പ​തി​വാ​ണ്. ദു​ർ​ഗ​ന്ധ​വും രൂ​ക്ഷ​മാ​ണ്. തെ​രു​വ്നാ​യ് ശ​ല്യം കാ​ൽ​ന​ട​ക്കാ​ർ​ക്കൊ​പ്പം രാ​ത്രി ഇ​രു​ച​ക്ര യാ​ത്രി​ക​ർ​ക്കും ബു​ദ്ധി​മു​ട്ടു​ണ്ടാ​ക്കു​ന്നു​ണ്ട്. നാ​യ്ക്ക​ൾ കു​റു​കെ ചാ​ടു​ന്ന​തും വാ​ഹ​ന​ത്തി​ന് പു​റ​കേ കു​ര​ച്ചു​കൊ​ണ്ട് ഓ​ടു​ന്ന​ത് അ​പ​ക​ട​ങ്ങ​ൾ​ക്ക് കാ​ര​ണ​മാ​കു​ന്നു​ണ്ട്.