വൈ​ദ്യു​തി സ്കൂ​ട്ട​ർ ന​ന്നാ​ക്കി ന​ൽ​കാ​ൻ വൈ​കി; ന​ഷ്ട​വും ചെ​ല​വും ന​ൽ​കാൻ ഉത്തരവ്

ആ​ല​ത്തൂ​ർ: പുതിയ വൈ​ദ്യു​തി സ്കൂ​ട്ട​ർ വാ​റ​ന്‍റി സ​മ​യ​ത്തി​ന​കം ന​ന്നാ​ക്കി ന​ൽ​കാ​ൻ വ​രു​ത്തി​യ കാ​ല​താ​മ​സ​ത്തി​ന് ന​ഷ്ട​വും ചെ​ല​വും ന​ൽ​കാ​ൻ ജി​ല്ല ഉ​പ​ഭോ​ക്തൃ ത​ർ​ക്ക പ​രി​ഹാ​ര ക​മീ​ഷ​ൻ ഉ​ത്ത​ര​വ്. ആ​ല​ത്തൂ​ർ കോ​ർ​ട്ട് റോ​ഡി​ലെ വൈ​ദ്യു​തി സ്കൂ​ട്ട​ർ ഡീ​ല​ർ മാ​നേ​ജ​ർ, ഇ​ല​ക്ട്രി​ക് ടെ​ക്നോ​ള​ജി പ്രൈ​വ​റ്റ് ലി​മി​റ്റ​ഡ് കോ​ഴി​ക്കോ​ട് എ​ന്നി​വ​ർ​ക്കെ​തി​രെ വെ​ങ്ങ​ന്നൂ​ർ പ​റ​യ​ൻ​ക്കോ​ട്ടി​ൽ എ. ​അ​ബ്ദു​ൽ ജ​ബ്ബാ​ർ ന​ൽ​കി​യ പ​രാ​തി​യി​ലാ​ണ് ജി​ല്ല ക​മീ​ഷ​ന്‍റെ ഉ​ത്ത​ര​വ്.

2023 സെ​പ്റ്റം​ബ​ർ 15ന് ​വാ​ങ്ങി​യ സ്കൂ​ട്ട​ർ ഉ​പ​യോ​ഗ​ത്തി​ലി​രി​ക്കെ ത​ക​രാ​റു​ക​ൾ ഇ​ട​ക്കി​ടെ കാ​ണി​ച്ച് തു​ട​ങ്ങി. ഈ ​സ​മ​യ​ത്തെ​ല്ലാം ഒ​ന്നാം എ​തി​ർ​ക​ക്ഷി സ്ഥാ​പ​ന​ത്തി​ൽ എ​ത്തി​ച്ച് ന​ന്നാ​ക്കി കൊ​ടു​ത്തി​രു​ന്നു. എ​ന്നാ​ൽ ഓ​രോ പ്രാ​വ​ശ്യ​വും കേ​ടാ​കു​മ്പോ​ഴും വാ​ഹ​നം പ​റ​യു​ന്ന സ​മ​യ​ത്തൊ​ന്നും ന​ന്നാ​ക്കി കൊ​ടു​ത്തി​രു​ന്നി​ല്ല. ഏ​റ്റ​വു​മൊ​ടു​വി​ൽ ന​ന്നാ​ക്കാ​ൻ കൊ​ടു​ത്ത സ്കൂ​ട്ട​ർ തി​രി​കെ ന​ൽ​കി​യ​ത് 38ാം ദി​വ​സ​മാ​ണ്. ഇ​താ​ണ് പ​രാ​തി​ക്കി​ട​യാ​ക്കി​യ​ത്.

ആ​ല​ത്തൂ​രി​ലെ ഫോ​റം ഫോ​ർ ക​ൺ​സ്യൂ​മ​ർ ജ​സ്റ്റി​സ് കാ​ര്യ​ങ്ങ​ൾ ഡീ​ല​റെ​യും ക​മ്പ​നി​യേ​യും ബോ​ധ്യ​പ്പെ​ടു​ത്തി​യെ​ങ്കി​ലും ചെ​വി​കൊ​ണ്ടി​ല്ല. തു​ട​ർ​ന്നാ​ണ് ക​മീ​ഷ​നി​ൽ പ​രാ​തി ന​ൽ​കി​യ​ത്. അ​ഡ്വ. എം.​ജെ. വി​ൻ​സ് പ​രാ​തി​ക്കാ​ര​ന് വേ​ണ്ടി ഹാ​ജ​രാ​യി. വൈ​കി​യ​തി​ന് ന​ഷ്ടം -12,000, പ​രാ​തി​പ്പെ​ടാ​ൻ വ​ന്ന ചെ​ല​വ് -5,000, മ​നോ​വി​ഷ​മ​ത്തി​ന് ന​ഷ്ടം -10,000 എ​ന്നി​ങ്ങ​നെ 27,000 രൂ​പ ന​ൽ​കാ​നാ​ണ് ഉ​ത്ത​ര​വ്.

45 ദി​വ​സ​ത്തി​ന​കം തു​ക ന​ൽ​ക​ണ​മെ​ന്നും വീ​ഴ്ച വ​രു​ത്തി​യാ​ൽ വൈ​കു​ന്ന ഓ​രോ മാ​സ​ത്തി​നും 500 രൂ​പ വീ​തം ഉ​ത്ത​ര​വ് തീ​യ​തി മു​ത​ൽ തു​ക കൊ​ടു​ക്കു​ന്ന തീ​യ​തി വ​രെ ന​ൽ​ക​ണ​മെ​ന്നും വി. ​വി​ന​യ് മേ​നോ​ൻ പ്ര​സി​ഡ​ന്‍റും എ. ​വി​ദ്യ, എ​ൻ.​കെ. കൃ​ഷ്ണ​ൻ​കു​ട്ടി അം​ഗ​ങ്ങ​ളു​മാ​യു​ള്ള ക​മീ​ഷ​ന്‍റെ ഉ​ത്ത​ര​വി​ൽ പ​റ​യു​ന്നു.