സൈബർ തട്ടിപ്പ്: പട്ടാമ്പി സ്വദേശിനിയിൽനിന്ന് 60.82 ലക്ഷം തട്ടിയയാൾ അറസ്റ്റിൽ

പാ​ല​ക്കാ​ട്: ഓ​ൺ​ലൈ​നാ​യി പാ​ർ​ട്ട്ടൈം ജോ​ലി ചെ​യ്ത് പ​ണ​മു​ണ്ടാ​ക്കാ​മെ​ന്ന് വി​ശ്വ​സി​പ്പി​ച്ച് പ​ട്ടാ​മ്പി സ്വ​ദേ​ശി​നി​യെ വാ​ട്‌​സ്ആ​പ്, ടെ​ല​ഗ്രാം എ​ന്നി​വ വ​ഴി ബ​ന്ധ​പ്പെ​ട്ട് 60.82 ല​ക്ഷം രൂ​പ ത​ട്ടി​യെ​ടു​ത്ത കേ​സി​ൽ തൃ​ശൂ​ർ സ്വ​ദേ​ശി അ​റ​സ്റ്റി​ൽ. തൃ​ശൂ​ർ വ​ട​ക്കേ​ക്കാ​ട് അ​ഞ്ഞൂ​ർ സ്വ​ദേ​ശി മു​നീ​റി​നെ​യാ​ണ് (27) പാ​ല​ക്കാ​ട് സൈ​ബ​ർ പൊ​ലീ​സ് അ​റ​സ്റ്റ് ചെ​യ്ത​ത്.

2025 സെ​പ്റ്റം​ബ​റി​ലാ​ണ് ത​ട്ടി​പ്പു​കാ​ർ പ​രാ​തി​ക്കാ​രി​യെ വാ​ട്സ്ആ​പ് വ​ഴി ബ​ന്ധ​പ്പെ​ട്ട് ഓ​ൺ​ലൈ​നാ​യി ഷെ​യ​ർ ട്രേ​ഡി​ങ് ചെ​യ്തു വ​ലി​യ വ​രു​മാ​ന​മു​ണ്ടാ​ക്കാ​മെ​ന്ന് വ്യാ​മോ​ഹി​പ്പി​ച്ച​ത്. ത​ട്ടി​പ്പു​കാ​ർ ടെ​ല​ഗ്രാം വ​ഴി ന​ൽ​കി​യ ലി​ങ്കി​ൽ ക​യ​റി പ​രാ​തി​ക്കാ​രി ജോ​ലി ചെ​യ്യു​ക​യും ത​ട്ടി​പ്പു​കാ​രു​ടെ ബാ​ങ്ക് അ​ക്കൗ​ണ്ടു​ക​ളി​ലേ​ക്ക് ചെ​റി​യ തു​ക​ക​ൾ നി​ക്ഷേ​പി​ക്കു​ക​യും ചെ​യ്തു. തു​ട​ക്ക​ത്തി​ൽ ചെ​റി​യ ലാ​ഭം ന​ൽ​കി ത​ട്ടി​പ്പു​കാ​ർ വി​ശ്വാ​സം നേ​ടി. പി​ന്നീ​ട് ഭീ​മ​മാ​യ തു​ക നി​ക്ഷേ​പം ന​ട​ത്തി​ച്ച് മു​ഴു​വ​ൻ തു​ക​യും ത​ട്ടി​യെ​ടു​ക്കു​ക​യാ​യി​രു​ന്നു.

പാ​ല​ക്കാ​ട് സൈ​ബ​ർ ക്രൈം ​പൊ​ലീ​സ് സ്റ്റേ​ഷ​നി​ൽ കേ​സ് ര​ജി​സ്റ്റ​ർ ചെ​യ്ത് അ​ന്വേ​ഷ​ണം ന​ട​ത്തി​വ​ര​വെ ഇ​ര​ക്ക് ന​ഷ്ട​പ്പെ​ട്ട തു​ക‍യി​ൽ​നി​ന്ന് നാ​ലു ല​ക്ഷം രൂ​പ പ്ര​തി​യു​ടെ ബാ​ങ്ക് അ​ക്കൗ​ണ്ടി​ലേ​ക്ക് ട്രാ​ൻ​സ്ഫ​ർ ചെ​യ്ത​താ​യും ഈ ​തു​ക ചെ​ക്കു​പ​യോ​ഗി​ച്ച് പി​ൻ​വ​ലി​ച്ച​താ​യും മ​ന​സ്സി​ലാ​യി. തു​ട​ർ​ന്ന് ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി പാ​ല​ക്കാ​ട് സൈ​ബ​ർ ക്രൈം ​പൊ​ലീ​സി​ന്‍റെ പി​ടി​യി​ലാ​യ​ത്.