മ​ഞ്ഞ​ക്കു​ളം ഭാ​ഗ​ത്തു​നി​ന്നും മാ​ർ​ക്ക​റ്റ് റോ​ഡി​ലേ​ക്കു​ള്ള​ത് റോ​ഡോ തോ​ടോ?

പാ​ല​ക്കാ​ട്: റോ​ഡാ​ണോ തോ​ടാ​ണോ എ​ന്ന് തി​രി​ച്ച​റി​യാ​നാ​വാ​ത്ത ത​ര​ത്തി​ലാ​ണ് മേ​ലാ​മു​റി പ​ച്ച​ക്ക​റി മാ​ർ​ക്ക​റ്റി​ലേ​ക്കു​ള്ള മി​ക്ക റോ​ഡു​ക​ളും. മ​ഞ്ഞ​ക്കു​ളം ഭാ​ഗ​ത്തു​നി​ന്ന് മാ​ർ​ക്ക​റ്റ് റോ​ഡി​ലേ​ക്ക് വ​രു​ന്ന റോ​ഡു​ക​ളു​ടെ സ്ഥി​തി പ​രി​താ​പ​ക​ര​മാ​ണ്.

മ​ഴ പെ​യ്ത​തോ​ടെ ച​ളി​ക്കു​ള​മാ​യ റോ​ഡി​ലൂ​ടെ മാ​ർ​ക്ക​റ്റി​ലേ​ക്ക് എ​ത്താ​ൻ അ​ൽ​പം അ​ഭ്യാ​സ​പ്ര​ക​ട​ന​ങ്ങ​ളും അ​റി​ഞ്ഞി​രി​ക്കേ​ണ്ട സ്ഥി​തി​യാ​ണ്. കു​ഴി​യി​ൽ ചാ​ടാ​തി​രി​ക്കാ​ൻ ഇ​രു​ച​ക്ര​വാ​ഹ​ന​ങ്ങ​ൾ വെ​ട്ടി​ച്ചും കാ​ൽ​ന​ട​യാ​ത്ര​ക്കാ​ർ വെ​ള്ളം കാ​ണു​മ്പോ​ൾ ചാ​ടി​യു​മാ​ണ് പ​ല​പ്പോ​ഴും ര​ക്ഷ​പ്പെ​ടു​ന്ന​ത്. മ​ഞ്ഞ​ക്കു​ളം ടി.​ബി റോ​ഡ് ബൈ​പാ​സും (സു​ലൈ​മാ​ൻ സാ​ഹി​ബ് റോ​ഡ്) ബൈ​പാ​സി​ൽ​നി​ന്ന് മാ​ർ​ക്ക​റ്റി​ലേ​ക്കു​ള്ള റോ​ഡും ചെ​റു​തും വ​ലു​തു​മാ​യ നി​ര​വ​ധി കു​ഴി​ക​ൾ കൊ​ണ്ട് നി​റ​ഞ്ഞി​രി​ക്കു​ക​യാ​ണ്.

മാ​ർ​ക്ക​റ്റ് റോ​ഡി​ൽ​നി​ന്നും മ​ഞ്ഞ​ക്കു​ളം ബൈ​പാ​സി​ലേ​ക്ക് വ​രു​ന്ന സെ​ൻ​ട്ര​ൽ ബ​സാ​ർ റോ​ഡി​ൽ കു​റ​ച്ച് ഭാ​ഗം ര​ണ്ടു​വ​ർ​ഷം മു​മ്പ് ന​ന്നാ​ക്കി​യി​രു​ന്നു. എ​ന്നാ​ൽ സെ​ൻ​ട്ര​ൽ ബ​സാ​ർ റോ​ഡി​ലെ തോ​ട്ടു​പാ​ലം മു​ത​ൽ മ​ഞ്ഞ​ക്കു​ളം ബൈ​പാ​സ് വ​രെ​യു​ള്ള ഭാ​ഗം വ​ർ​ഷ​ങ്ങ​ളാ​യി ത​ക​ർ​ന്നു കി​ട​ക്കു​ക​യാ​ണ്. മ​ഞ്ഞ​ക്കു​ളം മാ​ർ​ക്ക​റ്റ് റോ​ഡി​ൽ നി​ന്നും മം​ഗ​ളം ട​വ​ർ വ​രെ​യു​ള്ള ടി.​ബി റോ​ഡ് ബൈ​പാ​സ് പ​ദ്ധ​തി ര​ണ്ടു പ​തി​റ്റാ​ണ്ടി​ലേ​റെ ചു​വ​പ്പു​നാ​ട​യി​ലാ​ണ്.

മ​ഞ്ഞ​ക്കു​ളം പ​ള്ളി​ക്ക് മു​ന്നി​ൽ നി​ന്നും ഈ ​ബൈ​പാ​സി​ലേ​ക്കു​ള്ള പോ​ക്ക​റ്റ് റോ​ഡി​ന്റെ സ്ഥി​തി​യും ദ​യ​നീ​യ​മാ​ണ്. ടാ​റി​ങ് ന​ട​ത്താ​ത്ത​തി​നാ​ൽ ഈ ​റോ​ഡു​ക​ളി​ലെ​ല്ലാം മ​ഴ​ക്കാ​ല​മാ​യാ​ൽ വെ​ള്ള​ക്കെ​ട്ടും ച​ളി​യു​മാ​ണ്.

ടൗ​ൺ നോ​ർ​ത്ത് പൊ​ലീ​സ് സ്റ്റേ​ഷ​ൻ, മീ​ൻ മാ​ർ​ക്ക​റ്റ്, ബി.​ഒ.​സി റോ​ഡ് എ​ന്നി​വി​ട​ങ്ങ​ളി​ൽ നി​ന്നും മ​ഞ്ഞ​ക്കു​ളം ഭാ​ഗ​ത്തേ​ക്ക് പോ​കു​ന്ന പ്ര​ധാ​ന റോ​ഡ് കൂ​ടി​യാ​യ​തി​നാ​ൽ റോ​ഡി​ന്റെ ത​ക​ർ​ച്ച​യും മ​ഴ​ക്കാ​ല​ത്തു​ള്ള വെ​ള്ള​ക്കെ​ട്ടും വാ​ഹ​ന​യാ​ത്ര​ക്കാ​രെ മാ​ത്ര​മ​ല്ല വ്യാ​പാ​രി​ക​ളെ​യും ദു​രി​ത​ത്തി​ലാ​ക്കു​ന്നു​ണ്ട്.

നി​ര​വ​ധി വ്യാ​പാ​ര സ്ഥാ​പ​ന​ങ്ങ​ൾ, പ​ള്ളി, സ്കൂ​ൾ, ക​ൺ​വെ​ൻ​ഷ​ൻ സെ​ന്റ​ർ എ​ന്നി​വ​യെ​ല്ലാം ഉ​ള്ള​തി​നാ​ൽ നി​ര​വ​ധി ആ​ളു​ക​ൾ ആ​ശ്ര​യി​ക്കു​ന്ന റോ​ഡു​ക​ളാ​ണി​വ. പാ​ല​ക്കാ​ട് ന​ഗ​ര​സ​ഭ​ക്ക് കീ​ഴി​ൽ വ​രു​ന്ന പ്ര​ദേ​ശ​മാ​യ​തി​നാ​ൽ റോ​ഡു​ക​ളു​ടെ കാ​ര്യ​ത്തി​ൽ ന​ട​പ​ടി സ്വീ​ക​രി​ക്കേ​ണ്ട​ത് ന​ഗ​ര​സ​ഭ അ​ധി​കൃ​ത​രാ​ണ്.

മ​ഞ്ഞ​ക്കു​ളം ടി.​ബി റോ​ഡ് ബൈ​പാ​സ് തെ​രു​വു​നാ​യ്ക്ക​ളു​ടെ​യും ക​ന്നു​കാ​ലി​ക​ളു​ടെ​യും വി​ഹാ​ര​കേ​ന്ദ്രം കൂ​ടി​യാ​ണ്. വ​ലി​യ​ങ്ങാ​ടി​യി​ലെ സെ​ൻ​ട്ര​ൽ ബ​സാ​ർ റോ​ഡും മ​ഞ്ഞ​ക്കു​ളം ടി.​ബി റോ​ഡ് ബൈ​പാ​സും എ​ത്ര​യും വേ​ഗം ടാ​റി​ങ് ന​ട​ത്തി ന​വീ​ക​രി​ക്ക​ണ​മെ​ന്നാ​ണ് യാ​ത്ര​ക്കാ​രു​ടെ​യും വ്യാ​പാ​രി​ക​ളു​ടെ​യും ആ​വ​ശ്യം.