കി​ണ​റി​ലേ​ക്ക് വീ​ഴാ​റാ​യ കാ​ർ സു​ര​ക്ഷി​ത​മാ​യി പു​റ​ത്തെ​ടു​ത്തു

അ​ല​ന​ല്ലൂ​ർ: കോ​ട്ടോ​പ്പാ​ടം കൊ​ടു​വാ​ളി​പ്പു​റ​ത്ത് വീ​ട്ടി​ലെ ഷെ​ഡി​ല്‍ പാ​ര്‍ക്ക് ചെ​യ്യാ​ന്‍ ശ്ര​മി​ക്കു​ന്ന​തി​നി​ടെ മ​തി​ല്‍ ത​ക​ര്‍ത്ത് അ​ടു​ത്ത വ​ള​പ്പി​ലെ പൊ​ട്ട​ക്കി​ണ​റി​ലേ​ക്ക് വീ​ഴാ​റാ​യ കാ​ര്‍ അ​ഗ്നി​ര​ക്ഷാ സേ​ന നാ​ട്ടു​കാ​രു​ടെ സ​ഹാ​യ​ത്തോ​ടെ സു​ര​ക്ഷി​ത​മാ​യി പു​റ​ത്തെ​ടു​ത്തു.

കഴിഞ്ഞദിവസം രാ​ത്രി പ​ത്തേ​കാ​ലോ​ടെ​യാ​യി​രു​ന്നു സം​ഭ​വം. ഓ​ങ്ങ​ല്ലൂ​ര്‍ വീ​ട്ടി​ല്‍ മു​ഹ​മ്മ​ദ​ലി​യു​ടെ കാ​റാ​ണ് അ​പ​ക​ട​ത്തി​ല്‍പെ​ട്ട​ത്. കു​ടും​ബ​വു​മൊ​ത്ത് പു​റ​ത്തു​പോ​യി വ​ന്ന​ശേ​ഷം അ​ടു​ക്ക​ള ഭാ​ഗ​ത്തു​ള്ള ഷെ​ഡി​ല്‍ വാ​ഹ​നം പാ​ര്‍ക്ക് ചെ​യ്യാ​ന്‍ ശ്ര​മി​ക്കു​ന്ന​തി​നി​ടെ​യാ​ണ് അ​പ​ക​ടം. ഭാ​ര്യ​യും കു​ട്ടി​ക​ളേ​യും വീ​ടി​നു​മു​ന്നി​ല്‍ ഇ​റ​ക്കി​യ ശേ​ഷ​മാ​ണ് കാ​ര്‍ നി​ര്‍ത്തി​യി​ടാ​ന്‍ പോ​യ​ത്. മ​തി​ലി​ന് അ​രി​കി​ലാ​യാ​ണ് ഏ​ക​ദേ​ശം ഇ​രു​പ​ത​ടി​യോ​ളം താ​ഴ്ച​യു​ള്ള കി​ണ​റു​ണ്ടാ​യി​രു​ന്ന​ത്. ആ​ള്‍മ​റ​യു​ണ്ടാ​യി​രു​ന്നി​ല്ല. നി​ലം ഇ​ടി​യു​ക​യും കാ​ര്‍ മു​ന്നോ​ട്ടാ​ഞ്ഞ് മ​തി​ലി​ടി​ച്ച് ത​ക​ര്‍ത്ത് താ​ഴേ​ക്ക് നീ​ങ്ങു​ക​യാ​യി​രു​ന്നു. ത​ക​ര്‍ന്ന മ​തി​ലി​ന്റെ ക​ല്ലു​ക​ള്‍ കൂ​ടി​കി​ട​ന്ന​ത് തു​ണ​യാ​യി. പി​ന്‍ച​ക്ര​ങ്ങ​ള്‍ ഷെ​ഡി​ന​ടു​ത്തും മു​ന്നി​ലെ ഒ​രു​ച​ക്രം കി​ണ​റി​ന​ടു​ത്ത് ത​റ​നി​ര​പ്പി​ലും നി​ന്ന​തി​ല്‍ വ​ന്‍ദു​ര​ന്തം ഒ​ഴി​വാ​യി. മു​ഹ​മ്മ​ദാ​ലി ഉ​ട​ന്‍ കാ​റി​ല്‍നി​ന്നും പു​റ​ത്തി​റ​ങ്ങി​യ​തി​നാ​ല്‍ ര​ക്ഷ​പ്പെ​ട്ടു. വി​വ​ര​മ​റി​യി​ച്ച പ്ര​കാ​രം വ​ട്ട​മ്പ​ല​ത്തു​നി​ന്നും സീ​നി​യ​ർ ഫ​യ​ർ ആ​ൻ​ഡ് റെ​സ്ക്യു ഓ​ഫി​സ​ർ കെ. ​അ​ജി​ത് മോ​ന്റെ നേ​തൃ​ത്വ​ത്തി​ലെ​ത്തി​യ സേ​ന അം​ഗ​ങ്ങ​ളാ​യ സി. ​റി​ജേ​ഷ്, എം. ​ര​മേ​ഷ്, ആ​ര്‍. രാ​ഹു​ല്‍, ജി. ​അ​ജീ​ഷ്, എ​ന്‍. അ​നി​ല്‍കു​മാ​ര്‍, കെ.​എം. ന​സീ​ര്‍ എ​ന്നി​വ​ര്‍ നാ​ട്ടു​കാ​രു​ടെ സ​ഹാ​യ​ത്തോ​ടെ കാ​ര്‍ പു​റ​ത്തെ​ടു​ത്തു.