ബ​സി​ൽ വ​യോ​ധി​ക​ന് മ​ർ​ദ​നം: പ്ര​തി​യെ ത​മി​ഴ്‌​നാ​ട്ടി​ൽനി​ന്ന് പി​ടി​കൂ​ടി

പെ​രി​ന്ത​ൽ​മ​ണ്ണ: നി​സാ​ര കാ​ര​ണ​ത്തി​ന്റെ പേ​രി​ൽ സ്വ​കാ​ര്യ ബ​സി​ൽ വ​യോ​ധി​ക​നെ ക്രൂ​ര​മാ​യി മ​ര്‍ദി​ച്ച യു​വാ​വി​നെ പെ​രി​ന്ത​ൽ​മ​ണ്ണ പൊ​ലീ​സ് ത​മി​ഴ്നാ​ട്ടി​ലെ ക​മ്പ​ത്ത് എ​ത്തി പി​ടി​കൂ​ടി. താ​ഴേ​ക്കോ​ട് ബി​ടാ​ത്തി മ​ര​മി​ല്ലി​ന് സ​മീ​പ​ത്തു​ള്ള​യാ​ളും ഇ​പ്പോ​ൾ അ​ര​ക്കു​പ​റ​മ്പ് മാ​ട്ട​റ​യി​ൽ വാ​ട​ക​ക്ക് താ​മ​സ​ക്കാ​ര​നു​മാ​യ ഷ​ഹീ​ർ​ബാ​വ (34) ആ​ണ് അ​റ​സ്റ്റി​ലാ​യ​ത്. താ​ഴേ​ക്കോ​ട് മാ​രാ​മ്പ​റ്റ​ക്കു​ന്ന് സ്വ​ദേ​ശി പേ​രാ​ഞ്ചി വീ​ട്ടി​ൽ ഹം​സ​യെ (65) ആ​ണ് യു​വാ​വ് ക്രൂ​ര​മാ​യി മ​ര്‍ദി​ച്ച​ത്. ഹം​സ​യു​ടെ മൂ​ക്ക് ഇ​ടി​ച്ചു ത​ക​ര്‍ത്ത് ഗു​രു​ത​ര പ​രി​ക്കേ​ൽ​പ്പി​ച്ചി​രു​ന്നു.

പെ​രി​ന്ത​ൽ​മ​ണ്ണ​യി​ൽ നി​ന്നും അ​ര​ക്കു​പ​റ​മ്പി​ലേ​ക്ക് പോ​വു​ക​യാ​യി​രു​ന്ന ബ​സി​ൽ മു​തി​ർ​ന്ന​വ​ര​ട​ക്കം നി​റ​യെ യാ​ത്ര​ക്കാു​ടെ മു​മ്പി​ൽ വെ​ച്ചാ​ണ് യു​വാ​വ് ഹം​സ​യെ മ​ർ​ദി​ച്ച് പ​രി​ക്കേ​ൽ​പ്പി​ച്ച​ത്. ത​ല​യി​ലും മു​ഖ​ത്തും കൈ​കൊ​ണ്ട് അ​ടി​ച്ചും ബ​സി​ൽ​നി​ന്ന് പി​ൻ​വാ​തി​ൽ വ​ഴി പു​റ​ത്തേ​ക്ക് വ​ലി​ച്ചി​ട്ടും മ​ർ​ദി​ച്ച​താ​യാ​ണ് കേ​സ്.

ബ​സി​ന്‍റെ പി​ൻ​ഡോ​റി​ന് സ​മീ​പ​മാ​ണ് യു​വാ​വ് നി​ന്നി​രു​ന്ന​ത്. വ​യോ​ധി​ക​നെ അ​സ​ഭ്യം വി​ളി​ച്ച​ശേ​ഷം പ​ല​ത​വ​ണ മ​ര്‍ദി​ക്കു​ന്ന​ത് സി.​സി.​ടി.​വി ദൃ​ശ്യ​ത്തി​ലു​ണ്ട്. വെ​ള്ളി​യാ​ഴ്ച വൈ​കീ​ട്ട് നാ​ലി​ന് ന​ട​ന്ന സം​ഭ​വ​ത്തി​ന്‍റെ സി.​സി.​ടി.​വി ദൃ​ശ്യ​ങ്ങ​ളും പു​റ​ത്തു​വ​ന്ന​തോ​ടെ​യാ​ണ് പൊ​ലീ​സ് ഗൗ​ര​വ​പൂ​ർ​വം കേ​സെ​ടു​ത്ത് ഊ​ർ​ജി​ത അ​ന്വേ​ഷ​ണം ന​ട​ത്തി​യ​ത്. മൂ​ക്കി​ന്‍റെ എ​ല്ലു​പൊ​ട്ടി​യ ഹം​സ​യെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചി​രു​ന്നു. വി​ദ്യാ​ർ​ഥി​ക​ള​ട​ക്കം തി​ങ്ങി​ഞെ​രു​ങ്ങി യാ​ത്ര ചെ​യ്യു​ന്ന​തി​നി​ടെ അ​ൽ​പം മാ​റി നി​ൽ​ക്കാ​ൻ പ​റ​ഞ്ഞ​തോ​ടെ തു​ട​ങ്ങി​യ സം​ഘ​ർ​ഷം മ​ർ​ദ​ന​ത്തി​ൽ ക​ലാ​ശി​ക്കു​ക​യാ​യി​രു​ന്നു. സം​ഭ​വ​ശേ​ഷം ഒ​ളി​വി​ൽ​പോ​യ പ്ര​തി ത​മി​ഴ്നാ​ട്ടി​ലു​ണ്ടെ​ന്ന് ക​ണ്ടെ​ത്തി ക​സ്റ്റ​ഡി​യി​ൽ എ​ടു​ത്ത് സ്റ്റേ​ഷ​നി​ലെ​ത്തി​ച്ചു. സാ​ക്ഷി​ക​ളു​ടെ സാ​നി​ധ്യ​ത്തി​ൽ തി​രി​ച്ച​റി​ഞ്ഞ​ശേ​ഷം പെ​രി​ന്ത​ൽ​മ​ണ്ണ ഒ​ന്നാം​ക്ലാ​സ് മ​ജി​സ്ട്രേ​ട്ട് കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.