സി​നി​മ തി​യ​റ്റ​റി​ൽ ആ​ക്ര​മ​ണം: നാ​ലു​പേ​ർ അ​റ​സ്റ്റി​ൽ

ചെ​ർ​പ്പു​ള​ശ്ശേ​രി: സി​നി​മ തി​യ​റ്റ​റി​ൽ ആ​ക്ര​മ​ണം ന​ട​ത്തി​യ അ​ഞ്ചു​പേ​ർ​ക്കെ​തി​രെ പൊ​ലീ​സ് കേ​സെ​ടു​ത്തു. നാ​ലു​പേ​രെ അ​റ​സ്റ്റ് ചെ​യ്തു. ചെ​ർ​പ്പു​ള​ശ്ശേ​രി ഗ്രാ​ന്‍റ് തി​യ​റ്റ​റി​ൽ ഒ​ക്ടോ​ബ​ർ 25നാ​ണ് കേ​സി​നാ​സ്പ​ദ​മാ​യ സം​ഭ​വം.

വൈ​കീ​ട്ട് ആ​റി​ന് ആ​രം​ഭി​ക്കു​ന്ന ഫ​സ്റ്റ് ഷോ​ക്കി​ടെ വൈ​ദ്യു​തി നി​ല​ച്ച​തി​ൽ പ്ര​കോ​പി​ത​രാ​യി സി​നി​മ കാ​ണാ​നെ​ത്തി​യ അ​ഞ്ചം​ഗ സം​ഘം തി​യ​റ്റ​ർ അ​സി. മാ​നേ​ജ​രെ​യും ജീ​വ​ന​ക്കാ​രെ​യും ആക്ര​മി​ക്കു​ക​യാ​യി​രു​ന്നു. ഓ​ഫി​സി​ന​ക​ത്തെ ചി​ല്ലു​ക​ൾ, ക​മ്പ്യൂ​ട്ട​ർ പ്രി​ന്റ​ർ, ഫ​ർ​ണി​ച്ച​ർ, മ​റ്റു ഉ​പ​ക​ര​ണ​ങ്ങ​ൾ എ​ന്നി​വ​യും ത​ല്ലി​ത്ത​ക​ർ​ത്തി​രു​ന്നു.

മു​ള​യ​ങ്കാ​വ് സ്വ​ദേ​ശി​ക​ളാ​യ ക​ണ്ണേ​രി വി​ജേ​ഷ് (26), ചാ​ത്തം​കു​ളം നൗ​ഫ​ൽ (22), വീ​ട്ടു​ക്കാ​ട് പ്ര​ശാ​ന്ത് (22), പു​ത്ത​ൻ​പു​ര​യി​ൽ മു​ഹ​മ്മ​ദ് ഷ​ഫീ​ഖ് (27) എ​ന്നി​വ​രെ​യാ​ണ് ഇ​ൻ​സ്പെ​ക്ട​ർ ടി. ​ശ​ശി​കു​മാ​റി​ന്‍റെ നേ​തൃ​ത്വ​ത്തി​ൽ അ​റ​സ്റ്റ് ചെ​യ്ത​ത്. കേ​സി​ലെ ര​ണ്ടാം പ്ര​തി മു​ള​യ​ങ്കാ​വ് ക​ള​ത്തി​ൽ റ​ഷീ​ദ് (36) ഒ​ളി​വി​ലാ​ണ്. ഇ​യാ​ൾ ഗ​ൾ​ഫി​ലേ​ക്ക് ക​ട​ന്ന​താ​യാ​ണ് സൂ​ച​ന.

തൃ​ശൂ​ർ ജി​ല്ല​യി​ലെ മ​റ്റൊ​രു കേ​സി​ൽ റ​ഷീ​ദ് ജാ​മ്യ​ത്തി​ലാ​ണ​ന്ന് പൊ​ലീ​സ് പ​റ​ഞ്ഞു. ആ​ക്ര​മി​ക​ൾ സ​ഞ്ച​രി​ച്ച കാ​റും പൊ​ലീ​സ് ക​സ്റ്റ​ഡി​യി​ലെ​ടു​ത്തി​ട്ടു​ണ്ട്.