ക​ട​ക്കെ​ണി​യി​ലും ഒ​ന്നാംവി​ള​ക്ക് ഒ​രു​ക്കം ത​കൃ​തി

പാ​ല​ക്കാ​ട്: പ്ര​തി​സ​ന്ധി​ക​ൾ​ക്കി​ട​യി​ലും ആ​ത്മ​വി​ശ്വാ​സം കൈ​വി​ടാ​തെ ക​ർ​ഷ​ക​ർ പ്ര​തീ​ക്ഷ​യോ​ടെ ഒ​ന്നാം​വി​ള​ക്ക് ഒ​രു​ക്കം തു​ട​ങ്ങി. സ​ർ​ക്കാ​റി​ന് നെ​ല്ല് ന​ൽ​കി പ​ണം ല​ഭി​ക്കാ​തെ ക​ട​ക്കെ​ണി​യി​ൽ കു​ടു​ങ്ങി​ക്കി​ട​ക്കു​മ്പോ​ഴും വ​യ​ലു​ക​ളി​ൽ ഒ​ന്നാം വി​ള​ക്കു​ള്ള ഒ​രു​ക്കം പ​തി​വു​പോ​ലെ ആ​രം​ഭി​ച്ചു. താ​ങ്ങു​വി​ല​ക്ക് നെ​ല്ലു​സം​ഭ​രി​ച്ച സ​പ്ലൈ​കോ ക​ഴി​ഞ്ഞ സീ​സ‍ണി​ലെ പ​ണം ഇ​തു​വ​രെ​യും കൊ​ടു​ത്തു​തീ​ർ​ത്തി​ട്ടി​ല്ല.

ജി​ല്ല​യി​ൽ ഒ​ന്നാം​വി​ള സാ​ധാ​ര​ണ പൊ​ടി​വി​ത ന​ട​ത്തി​യാ​ണ് കൃ​ഷി​യി​റ​ക്കു​ന്ന​ത്. വി​ഷു​ക​ഴി​ഞ്ഞ ഉ​ട​നെ കാ​ലാ​വ​സ്ഥ അ​നു​കൂ​ല​മാ​യാ​ൽ ക​ർ​ഷ​ക​ർ പാ​ട​ങ്ങ​ളി​ൽ കൃ​ഷി​പ്പ​ണി​ക​ൾ​ക്ക് തു​ട​ക്കം കു​റി​ക്കു​ന്ന​ത് പ​തി​വാ​ണ്.

വേ​ന​ൽ​മ​ഴ ജി​ല്ല​യി​ലെ പ​ല​യി​ട​ത്തും വ്യ​ത്യ​സ്ത തോ​തി​ൽ ല​ഭി​ച്ച​തി​നാ​ൽ ക​ർ​ഷ​ക​ർ​ക്ക് ഏ​കീ​ക​രി​ച്ച് വി​ള​യി​റ​ക്കാ​ൻ ക​ഴി​യാ​ത്ത സ്ഥി​തി​യു​ണ്ട്. വി​ത ആ​രം​ഭി​ക്കു​ന്ന​തി​ന് മു​മ്പാ​യി പാ​ട​ശേ​ഖ​ര​ങ്ങ​ളി​ലെ വ​ര​മ്പു​ക​ൾ വൃ​ത്തി​യാ​ക്കി ട്രാ​ക്ട​ർ ഉ​പ​യോ​ഗി​ച്ച് നി​ലം ഉ​ഴു​ത് മ​റി​ച്ച് വി​ത്ത് എ​റി​യു​ന്ന​തി​ന് പാ​ക​മാ​ക്കു​ന്ന പ്ര​വൃ​ത്തി​ക​ളാ​ണ് ഇ​പ്പോ​ൾ ന​ട​ക്കു​ന്ന​ത്. ഉ​മ, ജ്യോ​തി തു​ട​ങ്ങി​യ വി​ത്തു​ക​ളാ​ണ് സാ​ധാ​ര​ണ​യാ​യി ഒ​ന്നാം​വി​ള​ക്ക് ഉ​പ​യോ​ഗി​ക്കു​ന്ന​ത്.

ഇ​തി​ൽ ഉ​മ​ക്ക് 120 ദി​വ​സ​വും ജ്യോ​തി​ക്ക് 90 ദി​വ​സ​ത്തെ കാ​ലാ​വ​ധി​യു​മാ​ണു​ള്ള​ത്. ഒ​ന്നാം വി​ള​യി​ൽ മ​ഴ ല​ഭ്യ​ത കു​ടൂ​ത​ൽ ല​ഭി​ക്കു​ന്ന​തി​നാ​ൽ ചെ​ടി​ക​ൾ മ​ഴ​യ​ത്ത് വീ​ഴാ​തെ നി​ൽ​ക്കു​ന്ന വി​ത്തു​ക​ളാ​ണ് ക​ർ​ഷ​ക​ർ തെ​ര​ഞ്ഞ​ടു​ക്കു​ന്ന​ത്. കാ​ലാ​വ​സ്ഥ അ​നു​കൂ​ല​മാ​യാ​ൽ ഒ​ന്നാം വി​ള ശ​രാ​ശ​രി 26000 മു​ത​ൽ 30,000 ഹെ​ക്ട​ർ വ​രെ സ്ഥ​ല​ത്ത് കൃ​ഷി​യി​റ​ക്കും. അ​തേ​സ​മ​യം, ര​ണ്ടാം വി​ള നെ​ല്ലി​ന്‍റെ പ​ണം ഇ​തു​വ​രെ ല​ഭി​ക്കാ​ത്ത​ത് ക​ർ​ഷ​ക​രെ ഏ​റെ പ്ര​തി​സ​ന്ധി​യി​ലാ​ക്കു​ന്നു​ണ്ട്.