അ​ന്ത​ർ​സം​സ്ഥാ​ന റോ​ഡി​ൽ അപ​ക​ട​ങ്ങ​ൾ പെ​രു​കു​ന്നു

നെ​ന്മാ​റ: അ​ന്ത​ർ​സം​സ്ഥാ​ന റോ​ഡി​ൽ വാ​ഹ​നാ​പ​ക​ട​ങ്ങ​ൾ വ​ർ​ധി​ക്കു​ന്നു. റോ​ഡ​രി​കി​ലെ മു​ന്ന​റി​യി​പ്പ് ബോ​ർ​ഡു​ക​ൾ മി​ക്ക​തും ത​ക​ർ​ന്ന​താ​ണ് അ​പ​ക​ട​ങ്ങ​ൾ പെ​രു​കാ​ൻ കാ​ര​ണം. ഗോ​വി​ന്ദാ​പു​രം മു​ത​ൽ കൊ​ല്ല​ങ്കോ​ട്, നെ​ന്മാ​റ, വ​ട​ക്ക​ഞ്ചേ​രി, മം​ഗ​ലം വ​രെ​യു​ള്ള റോ​ഡി​ന് ഇ​രു​വ​ശ​ങ്ങ​ളി​ലും കു​ടി​വെ​ള്ള പൈ​പ്പി​നാ​യി കു​ഴി​ക​ൾ നി​ർ​മി​ച്ച​തോ​ടെ മു​ന്ന​റി​യി​പ്പ് ബോ​ർ​ഡു​ക​ൾ മി​ക്ക​വ​യും നി​ലം പ​തി​ച്ചു. നെ​ന്മാ​റ-​പാ​ല​ക്കാ​ട് റോ​ഡി​ൽ മു​ന്ന​റി​യി​പ്പ് ബോ​ർ​ഡു​ക​ൾ കാ​ടു​ക​യ​റി മ​റ​ഞ്ഞ നി​ല​യി​ലാ​ണ്.

ത​മി​ഴ്നാ​ട്ടി​ൽ നി​ന്നു​ള്ള തീ​ർ​ഥാ​ട​ക​രു​ടെ വാ​ഹ​ന​ങ്ങ​ൾ നി​യ​ന്ത്ര​ണം തെ​റ്റി വൈ​ദ്യു​ത പോ​സ്റ്റി​ലും മ​ര​ങ്ങ​ളി​ലും ഇ​ടി​ച്ച് ത​ക​രു​ന്ന അ​വ​സ്ഥ പ​തി​വാ​ണ്. ക​ൾ​വെ​ർ​ട്ട്, പാ​ല​ങ്ങ​ൾ, വ​ള​വു​ക​ൾ, അ​പ​ക​ട​മേ​ഖ​ല എ​ന്നി​വ​ഉ​ണ്ടെ​ന്ന് മു​ന്ന​റി​യി​പ്പ് ന​ൽ​കു​ന്ന​തി​നാ​യി സ്ഥാ​പി​ച്ച ബോ​ർ​ഡു​ക​ളാ​ണ് മി​ക്ക സ്ഥ​ല​ങ്ങ​ളി​ലും പൈ​പ്പി​ടാ​നാ​യി സ്ഥാ​പി​ച്ച കു​ഴി മൂ​ലം നി​ലം ന​ശി​ച്ച​ത്.

നി​ലം​പ​തി​ച്ച പൊ​തു​മ​രാ​മ​ത്ത് വ​കു​പ്പി​ന്റെ ബോ​ർ​ഡു​ക​ൾ ചി​ല​ർ ആ​ക്രി​ക്ക​ട​ക​ളി​ൽ വി​ൽ​ക്കു​ന്നു​മു​ണ്ട്. പ​ക്ഷേ, ഇ​വ​യൊ​ന്നും പ​രി​ശോ​ധി​ക്കാ​ൻ അ​ധി​കൃ​ത​ർ എ​ത്തു​ന്നി​ല്ലെ​ന്ന് നാ​ട്ടു​കാ​ർ പ​റ​യു​ന്നു. മു​ന്ന​റി​യി​പ്പ് ന​ൽ​കു​ന്ന​തി​നാ​യി റി​ഫ്ല​ക്റ്റീ​വ് സ്റ്റി​ക്ക​റു​ക​ൾ പ​തി​ച്ച മു​ന്ന​റി​യി​പ്പ് ബോ​ർ​ഡു​ക​ൾ നാ​ലെ​ണ്ണം വീ​തം ഓ​രോ ക​ൺ​വെ​ർ​ട്ടി​ലും സ്ഥാ​പി​ച്ചി​ട്ടു​ണ്ടെ​ങ്കി​ലും ഇ​വ​യും മി​ക്ക സ്ഥ​ല​ങ്ങ​ളി​ലും അ​പ്ര​ത്യ​ക്ഷ​മാ​യി​.

പൊ​തു​മ​രാ​മ​ത്ത് വ​കു​പ്പ് ഉ​ദ്യോ​ഗ​സ്ഥ​രു​ടെ അ​നാ​സ്ഥ​യാ​ണ് ഇ​തി​ന് കാ​ര​ണ​മെ​ന്ന് നാ​ട്ടു​കാ​ർ പ​റ​യു​ന്നു. നി​ലം പ​തി​ച്ച മു​ന്ന​റി​യി​പ്പ് ബോ​ർ​ഡു​ൾ പു​നഃ​സ്ഥാ​പി​ക്കേ​ണ്ട​ത് കു​ടി​വെ​ള്ള പൈ​പ്പി​നാ​യി ക​രാ​ർ എ​ടു​ത്ത ക​മ്പ​നി​യും അ​ത് നി​രീ​ക്ഷി​ക്കേ​ണ്ട​ത് പൊ​തു​മ​രാ​മ​ത്ത് വ​കു​പ്പും ആ​ണ്. എ​ന്നാ​ൽ ര​ണ്ടു വി​ഭാ​ഗ​ങ്ങ​ളി​ലും ഉ​ണ്ടാ​യ അ​നാ​സ്ഥ​യാ​ണ് വാ​ഹ​നാ​പ​ക​ട ങ്ങ​ൾ വ​ർ​ധി​ക്കാ​ൻ ഇ​ട​യാ​ക്കി​യ​ത്.

കൂ​ടാ​തെ റോ​ഡ​രി​കി​ലെ കു​ഴി​ക​ൾ മി​ക്ക സ്ഥ​ല​ങ്ങ​ളി​ലും താ​ഴ്ന്ന​തി​നാ​ൽ വാ​ഹ​ന​ങ്ങ​ൾ കു​ടു​ങ്ങു​ന്ന​തും പ​തി​വ് കാ​ഴ്ച​യാ​ണ്. മ​ഴ എ​ത്തു​ന്ന​തോ​ടെ പ്ര​ശ്നം കൂ​ടു​ത​ൽ വ​ഷ​ളാ​കു​മെ​ന്നും ബോ​ർ​ഡു​ക​ൾ പു​നഃ​സ്ഥാ​പി​ക്ക​ണ​മെ​ന്നും നാ​ട്ടു​കാ​ർ ആ​വ​ശ്യ​പ്പെ​ട്ടു.