പ​ത്ത​നാ​പു​ര​ത്തേ​ക്ക് താ​ത്കാ​ലി​ക പാ​ത​യൊ​രു​ങ്ങു​ന്നു

ആ​ല​ത്തൂ​ർ: കാ​വ​ശ്ശേ​രി പ​ഞ്ചാ​യ​ത്തി​ലെ വ​ട​ക്കേ​ന​ട പ​ത്ത​നാ​പു​രം റോ​ഡി​ൽ ഗാ​യ​ത്രി പു​ഴ​ക്ക് കു​റു​കെ താ​ത്കാ​ലി​ക പാ​ത നി​ർ​മാ​ണം അ​വ​സാ​ന​ഘ​ട്ട​ത്തി​ൽ. നി​ല​വി​ലെ ഉ​യ​രം​കു​റ​ഞ്ഞ പ​ഴ​യ​പാ​ലം പൊ​ളി​ച്ച് പു​തി​യ​ത് നി​ർ​മി​ക്കു​ന്ന​തി​ന്‍റെ ഭാ​ഗ​മാ​യാ​ണ് താ​ത്കാ​ലി​ക പാ​ത നി​ർ​മാ​ണം. പ്ര​വൃ​ത്തി പൂ​ർ​ത്തി​യാ​കു​ന്ന​തോ​ടെ പ​ഴ​യ​പാ​ലം പൊ​ളി​ച്ചു തു​ട​ങ്ങും. 8.82 കോ​ടി ചെ​ല​വി​ലാ​ണ് പു​തി​യ പാ​ലം നി​ർ​മി​ക്കു​ന്ന​ത്.

26 മീ​റ്റ​ർ നീ​ളം വ​രു​ന്ന മൂ​ന്ന് സ്പാ​നു​ക​ളി​ലാ​യി 78 മീ​റ്റ​ർ നീ​ള​വും ഇ​രു​വ​ശ​ങ്ങ​ളി​ലും ന​ട​പ്പാ​ത ഉ​ൾ​പ്പെ​ടെ 11 മീ​റ്റ​ർ വീ​തി​യി​ലും വെ​ള്ളം ക​യ​റാ​ത്ത വി​ധം ഉ​യ​ര​ത്തി​ലു​മാ​യി​രി​ക്കും നി​ർ​മാ​ണം. ഊ​രാ​ളു​ങ്ക​ൽ ലേ​ബ​ർ കോ​ൺ​ട്രാ​ക്ട് സൊ​സൈ​റ്റി​ക്കാ​ണ് നി​ർ​മാ​ണ ചു​മ​ത​ല. 18 മാ​സ​മാ​ണ് കാ​ലാ​വ​ധി. പ്ര​വൃ​ത്തി​യെ തു​ട​ർ​ന്ന് ഗ​താ​ഗ​ത നി​യ​ന്ത്ര​ണം ഏ​ർ​പ്പെ​ടു​ത്തി.

പ​ത്ത​നാ​പു​രം, തോ​ണി​പ്പാ​ടം ഭാ​ഗ​ത്തേ​ക്കു​ള്ള ഇ​രു​ച​ക്ര​വാ​ഹ​ന​ങ്ങ​ൾ ഉ​ൾ​പ്പെ​ടെ​യു​ള്ള ചെ​റി​യ വാ​ഹ​ന​ങ്ങ​ൾ​ക്ക് സ​ഞ്ച​രി​ക്കാ​നാ​ണ് താ​ത്കാ​ലി​ക പാ​ത. വ​ലി​യ വാ​ഹ​ന​ങ്ങ​ൾ വ​ട​ക്കേ​ന​ട ക​ഴ​നി​ച്ചു​ങ്കം അ​ത്തി​പ്പൊ​റ്റ വ​ഴി തി​രി​ച്ചു പോ​കേ​ണ്ട​താ​ണ്. ആ​ല​ത്തൂ​രി​ൽ​നി​ന്ന് വെ​ങ്ങ​ന്നൂ​ർ, ആ​റാ​പ്പു​ഴ വ​ഴി​യും ചെ​റി​യ വാ​ഹ​ന​ങ്ങ​ൾ​ക്ക് തോ​ണി​പ്പാ​ട​ത്തേ​ക്ക് സ​ഞ്ച​രി​ക്കാം.