വ​ളാ​ഞ്ചേ​രി-അ​ങ്ങാ​ടി​പ്പു​റം റോ​ഡ്: 12 കോ​ടി​യു​ടെ ടെ​ൻ​ഡ​ർ തെ​ര​ഞ്ഞെ​ടു​പ്പി​ന് ശേ​ഷം

അ​ങ്ങാ​ടി​പ്പു​റം: പാ​ടേ ത​ക​ർ​ന്ന വ​ളാ​ഞ്ചേ​രി-അ​ങ്ങാ​ടി​പ്പു​റം റോ​ഡി​ൽ അ​വ​സാ​നം അ​നു​വ​ദി​ച്ച 12 കോ​ടി രൂ​പ​യു​ടെ ടെ​ൻ​ഡ​ർ ന​ട​പ​ടി​ക​ൾ തെ​ര​ഞ്ഞെ​ടു​പ്പി​ന് ശേ​ഷം ന​ട​ക്കും. ആ​കെ 13 കി​ലോ​മീ​റ്റ​ർ ഭാ​ഗ​ത്ത് ശേ​ഷി​ക്കു​ന്ന ഭാ​ഗ​ത്തേ​ക്കാ​ണ് ആ​ഴ്ച​ക​ൾ മു​മ്പ് ആ​ദ്യം ഏ​ഴു കോ​ടി​യു​ടെ​യും തൊ​ട്ടു​പി​റ​കെ അ​ഞ്ചു കോ​ടി​യു​ടെ​യും ര​ണ്ടു പ​ദ്ധ​തി​ക​ൾ​ക്ക് ഭ​ര​ണാ​നു​മ​തി​യാ​യ​ത്.

ത​ക​ർ​ന്ന റോ​ഡ് പു​ന​ർ​നി​ർ​മി​ക്ക​ണ​മെ​ന്ന് ആ​വ​ശ്യ​പ്പെ​ട്ട് അ​ഞ്ചു​വ​ർ​ഷ​മാ​യി നാ​ട്ടു​കാ​ർ മു​റ​വി​ളി കൂ​ട്ടു​ന്നു​ണ്ട്. ടെ​ൻ​ഡ​ർ ന​ട​ത്തി പ്ര​വൃ​ത്തി ആ​രം​ഭി​ക്കാ​ൻ മാ​സ​ങ്ങ​ൾ എ​ടു​ക്കു​മെ​ന്ന​തി​നാ​ൽ നി​ല​വി​ൽ അ​നു​വ​ദി​ച്ച റ​ണ്ണി​ങ് കോ​ൺ​ട്രാ​ക്ട​ർ പ്ര​വൃ​ത്തി​യാ​യി 97 ല​ക്ഷ​ത്തി​ന്റെ കു​ഴി​യ​ട​ക്ക​ൽ ഈ ​ഭാ​ഗ​ത്ത് ര​ണ്ടു ദി​വ​സ​ത്തി​ന് ശേ​ഷം തു​ട​ങ്ങും. വെ​ങ്ങാ​ട് മു​ത​ൽ പാ​ല​ച്ചോ​ട് വ​രെ​യാ​ണ് ഈ ​പ്ര​വൃ​ത്തി. ര​ണ്ടു വ​ർ​ഷം മു​മ്പ് അ​ങ്ങാ​ടി​പ്പു​റം മു​ത​ല്‍ പു​ത്ത​ന​ങ്ങാ​ടി പ​ള്ളി​പ്പ​ടി വ​രെ ന​വീ​ക​രി​ക്കാ​ൻ മൂ​ന്നു​കോ​ടി രൂ​പ അ​നു​വ​ദി​ച്ച് 1.4 കി.​മീ ഭാ​ഗം ഗ​താ​ഗ​ത​യോ​ഗ്യ​മാ​ക്കി​യി​രു​ന്നു.

പി​ന്നീ​ട് നാ​ലു കി.​മീ ഭാ​ഗം പു​ന​ർ​നി​ർ​മാ​ണ​ത്തി​ന് ക​ഴി​ഞ്ഞ സെ​പ്റ്റം​ബ​ർ ആ​ദ്യ​ത്തി​ലാ​ണ് അ​ഞ്ചു കോ​ടി രൂ​പ അ​നു​വ​ദി​ച്ച​ത്. ഈ ​പ്ര​വൃ​ത്തി​യാ​ണ് ഇ​പ്പോ​ൾ ആ​രം​ഭി​ച്ച​ത്. ബി.​എം ആ​ൻ​ഡ് ബി.​സി ചെ​യ്യേ​ണ്ട​തി​ൽ ബി.​സി പ്ര​വൃ​ക​ളാ​ണ് ഇ​തി​ൽ ശേ​ഷി​ക്കു​ന്ന​ത്. ശേ​ഷി​ക്കു​ന്ന വെ​ങ്ങാ​ട് മു​ത​ൽ കൊ​ള​ത്തൂ​ർ വ​രേ​ക്ക് ഏ​ഴു കോ​ടി​യും കൊ​ള​ത്തൂ​ർ മു​ത​ൽ പാ​ല​ച്ചോ​ട് വ​രേ​ക്ക് അ​ഞ്ചു കോ​ടി​യു​മാ​ണ് ഇ​പ്പോ​ൾ ടെ​ൻ​ഡ​ർ പ്ര​തീ​ക്ഷി​ച്ച് കി​ട​ക്കു​ന്ന​ത്.

പെ​രി​ന്ത​ൽ​മ​ണ്ണ മ​ണ്ഡ​ല​ത്തി​ൽ പെ​രി​ന്ത​ൽ​മ​ണ്ണ മു​ത​ൽ പു​ലാ​മ​ന്തോ​ൾ വ​രെ​യും മ​ങ്ക​ട​യി​ലെ അ​ങ്ങാ​ടി​പ്പു​റം മു​ത​ൽ വ​ളാ​ഞ്ചേ​രി വ​രെ​യും സ​മാ​ന രീ​തി​യി​ൽ ത​ക​ർ​ന്ന് ജ​ന​ങ്ങ​ൾ വ​ലി​യ മു​റ​വി​ളി കൂ​ട്ടി​യ​താ​ണ്. 13 കി.​മീ പാ​ത ബി.​എം ആ​ൻ​ഡ് ബി.​സി ചെ​യ്യാ​ൻ നാ​ലു വ​ർ​ഷം മു​മ്പ് 18 കോ​ടി​യു​ടെ എ​സ്റ്റി​മേ​റ്റ് ത​യാ​റാ​ക്കി ന​ൽ​കി​യ​താ​ണ് പി​ന്നീ​ട് എ​സ്റ്റി​മേ​റ്റ് വി​പു​ല​പ്പെ​ടു​ത്തി 20 കോ​ടി രൂ​പ​യാ​യ​ത്.