ത​ദ്ദേ​ശ പോ​രി​ലും സ്നേ​ഹം കൊ​രു​ത്ത മ​ല​പ്പു​റം ഖി​സ​ക​ൾ

മ​ല​പ്പു​റം: പ​ന്തു​ക​ളി​ക്കി​റ​ങ്ങു​ന്ന​വ​രെ ക​ണ്ടി​ട്ടി​ല്ലേ, എ​തി​രാ​ളി ഉ​റ്റ​കൂ​ട്ടു​കാ​രാ​ണെ​ങ്കി​ൽ പോ​ലും മൈ​താ​ന​ത്ത​വ​ർ കീ​രി​യും പാ​മ്പു​മാ​വും. ക​ളി ക​ഴി​ഞ്ഞാ​ലോ വീ​ണ്ടും തോ​ളി​ൽ കൈ​യി​ട്ട് സൊ​റ പ​റ​യും. സ്പോ​ർ​ട്സ്മാ​ൻ സ്പി​രി​റ്റെ​ന്നൊ​ക്കെ പ​റ​യും. ക​ഴി​ഞ്ഞ ദി​വ​സ​ങ്ങ​ളി​ൽ മ​ല​പ്പു​റ​ത്തെ തെ​രു​വു​ക​ളി​ലൂ​ടെ ഒ​ന്ന് റോ​ന്തു​ചു​റ്റി​യാ​ൽ അ‍ക്ഷ​രാ​ർ​ഥ​ത്തി​ൽ അ​ത് അ​നു​ഭ​വി​ച്ച​റി​യാ​മാ​യി​രു​ന്നു. ചെ​റി​യൊ​രു വ്യ​ത്യാ​സം മാ​ത്രം. ഇ​ത് പ​ന്തു​ക​ളി​ക​ഥ​യ​ല്ല. സ്പോ​ർ​ട്സ് മാ​ൻ സ്പി​രി​റ്റി​ൽ ത​ദ്ദേ​ശ തെ​ര​ഞ്ഞെ​ടു​പ്പി​നെ നേ​രി​ട്ട സ്നേ​ഹ​ക​ഥ.

ഒ​രു മാ​സം നീ​ണ്ടു​നി​ന്ന തെ​ര​ഞ്ഞ​ടു​പ്പാ​ര​വ​ത്തി​ന് കൊ​ടി​യി​റ​ങ്ങി. വാ​ക്പോ​രും പ​ന്ത​യ​വും വാ​ഗ്വാ​ദ​ങ്ങ​ളും നി​റ​ഞ്ഞ പ്ര​ചാ​ര​ണം. മു​ന്ന​ണി​ക​ളു​ടെ വി​ജ​യ​ത്തി​നാ​യി കൈ​മെ​യ് മ​റ​ന്ന് അ​ധ്വാ​നി​ച്ച​വ​ർ. അ​ഭി​മാ​ന​പോ​രാ​ട്ട​ത്തി​ന് സ​ക​ല​തും ത്യ​ജി​ച്ച​വ​ർ. എ​ന്നാ​ൽ എ​ത്ര വേ​ഗ​മാ​ണ് ഇ​ന്ന​ലെ വ​രെ ച​ർ​ച്ച ചെ​യ്ത രാ​ഷ്ട്രീ​യ​വും അ​ഭി​പ്രാ​യ വ്യ​ത്യാ​സ​ങ്ങ​ളു​മെ​ല്ലാം ഈ ​മ​നു​ഷ്യ​ർ മ​റ​ന്നി​രി​ക്കു​ന്ന​ത്. ക​ന​ത്ത മ​ത്സ​രാ​വേ​ശ​ത്തി​ലും സൗ​ഹൃ​ദം കൈ​വെ​ടി​യാ​ത്ത​വ​ർ. തെ​ര​ഞ്ഞെ​ടു​പ്പി​ന് മു​ന്നേ ഒ​രു സ്കൂ​ട്ട​റി​ൽ ക​യ​റി വോ​ട്ട് ചോ​ദി​ക്കാ​ൻ പോ​യ ര​ണ്ട് സ്ഥാ​നാ​ർ​ഥി​ക​ൾ പൂ​ക്കോ​ട്ടൂ​രി​ലെ കാ​ഴ്ച​യാ​യി​രു​ന്നു. പ​തി​നൊ​ന്നാം വാ​ർ​ഡി​ലെ യു.​ഡി.​എ​ഫ് സ്ഥാ​നാ​ർ​ഥി മു​ജ്ത​ബ​യും എ​ൽ.​ഡി.​എ​ഫി​ന്‍റെ സ്ഥാ​നാ​ർ​ഥി ഹ​ബീ​ബു​മാ​ണ് ഒ​രു​മി​ച്ച് വോ​ട്ട​ഭ്യാ​ർ​ഥ​ന​യു​മാ​യി ഇ​റ​ങ്ങി​യ​ത്. വോ​ട്ടെ​ടു​പ്പി​ന്‍റെ ദി​വ​സം ഒ​രു​മി​ച്ചി​രു​ന്ന് ഭ​ക്ഷ​ണം ക​ഴി​ക്കു​ന്ന വി​വി​ധ​യി​ട​ങ്ങ​ളി​ലെ സ്ഥാ​നാ​ർ​ഥി​ക​ളു​ടെ ചി​ത്ര​ങ്ങ​ളും ഒ​രു​പാ​ടു​ണ്ടാ​യി​രു​ന്നു.

വോ​ട്ട​ർ​മാ​രെ ഒ​രു​മി​ച്ച് സ്വീ​ക​രി​ക്കു​ന്ന​വ​ർ, ഒ​രു​മി​ച്ച് സെ​ൽ​ഫി​യെ​ടു​ക്കു​ന്ന​വ​ർ.... പ​ര​സ്പ​രം മ​ത്സ​രി​ക്കു​ന്ന​വ​രെ ക​ണ്ടാ​ൽ ഉ​റ്റ​ച​ങ്ങാ​തി​മാ​രെ പോ​ലെ.

ഫ​ലം വ​ന്ന​തോ​ടെ വീ​ണ്ടും മ​ന​സ്സു​നി​റ​ക്കു​ന്ന ചി​ത്ര​ങ്ങ​ൾ. ന​ന്ന​മ്പ്ര​യി​ൽ ക​ണ്ട​ത് തോ​റ്റ സ്ഥാ​നാ​ർ​ഥി​യെ കെ​ട്ടി​പ്പി​ടി​ച്ചു ക​ര​യു​ന്ന കൂ​ട്ടു​കാ​ര​നാ​യ ജ​യി​ച്ച സ്ഥാ​നാ​ർ​ഥി​യെ​യാ​ണ്. വി​ജ​യി​ച്ച സ്ഥാ​നാ​ർ​ഥി​യു​ടെ ആ​ഹ്ലാ​ദ പ്ര​ക​ട​ന​ത്തി​ലേ​ക്ക് ഇ​റ​ങ്ങി​ച്ചെ​ന്ന് അ​ഭി​ന​ന്ദി​ക്കു​ന്ന തോ​റ്റ സ്ഥാ​നാ​ർ​ഥി​ക​ൾ. മ​ഞ്ചേ​രി വ​ട്ട​പ്പാ​റ​യി​ലും പാ​ല​ക്കു​ള​ത്തും പൂ​ക്കോ​ട്ടൂ​രി​ലും തു​ട​ങ്ങി ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ​നി​ന്ന് ചി​ത്ര​ങ്ങ​ളും വി​ഡി​യോ​ക​ളും വ​ന്നു. പൂ​ക്കോ​ട്ടൂ​ർ ഏ​ഴാം വാ​ർ​ഡി​ലെ ജ​യി​ച്ച യു.​ഡി.​എ​ഫി​ന്‍റെ സ​മ​ദ് പ​റ​യ​ങ്ങാ​ട​നെ ചു​വ​ന്ന മാ​ല​യ​ണി​യി​ച്ച​ത് എ​ൽ.​ഡി.​എ​ഫ് സ്ഥാ​നാ​ർ​ഥി​യാ​യി​രു​ന്ന അ​ൻ​സാ​റി​ന്‍റെ മ​ക്ക​ൾ. ഇ​വി​ടെ എ​ല്ലാ​വ​ർ​ക്കും ഒ​രൊ​റ്റ രാ​ഷ്ട്രീ​യ​മേ​യു​ള്ളൂ. അ​തി​നെ സ്നേ​ഹ​മെ​ന്ന പേ​രി​ട്ട് വി​ളി​ക്കാ​നാ​വും. ഐ​ക്യ​പ്പെ​ടാ​ൻ ആ​യി​രം കാ​ര​ണ​ങ്ങ​ളു​ണ്ടാ​യി​രി​ക്കെ ചെ​റി​യ കാ​ര്യ​ങ്ങ​ളി​ൽ അ​നൈ​ക്യ​ത്തി​ന്‍റെ വി​ത്തു​പാ​കു​ന്ന​വർ ഈ ​നാ​ടി​നെ വീ​ണ്ടും അ​റി​യേ​ണ്ട​തു​ണ്ട്, നാ​ട്ടു​കാ​രെ​യും.