പൊ​ന്നാ​നി​യി​ൽ കു​ടി​നീ​രെ​ത്തും

പൊ​ന്നാ​നി: തീ​ര​ദേ​ശ മേ​ഖ​ല​യി​ലെ കു​ടി​വെ​ള്ള ക്ഷാ​മ​ത്തി​ന് പ​രി​ഹാ​ര​മാ​കു​ന്നു. ര​ണ്ടാ​ഴ്ച‌​ക്കു​ള്ളി​ൽ അ​റു​നൂ​റോ​ളം കു​ടും​ബ​ങ്ങ​ൾ​ക്ക് ശു​ദ്ധ​ജ​ലം ല​ഭി​ക്കും. അ​മൃ​ത് ശു​ദ്ധ​ജ​ല പ​ദ്ധ​തി​യു​ടെ ഭാ​ഗ​മാ​യു​ള്ള പ്ര​വ​ർ​ത്ത​ന​ങ്ങ​ളാ​ണ് പു​രോ​ഗ​മി​ക്കു​ന്ന​ത്. പൊ​ന്നാ​നി​യി​ലെ തീ​ര​ദേ​ശ മേ​ഖ​ല​യി​ൽ അ​യ്യാ​യി​രം കു​ടും​ബ​ങ്ങ​ൾ​ക്ക് ശു​ദ്ധ​ജ​ല ക​ണ​ക്ഷ​ൻ ന​ൽ​കു​ന്ന പ​ദ്ധ​തി പു​രോ​ഗ​മി​ക്കു​ക​യാ​ണ്. ഇ​ട​ക്ക് സാ​ങ്കേ​തി​ക പ്ര​ശ്‌​ന​ങ്ങ​ൾ കാ​ര​ണം പ​ദ്ധ​തി പാ​തി​വ​ഴി​യി​ൽ നി​ന്നെ​ങ്കി​ലും പ്ര​തി​സ​ന്ധി​ക​ൾ മ​റി​ക​ട​ന്ന് അ​തി​വേ​ഗം ശു​ദ്ധ​ജ​ല​മെ​ത്തി​ക്കാ​നു​ള്ള ശ്ര​മ​ത്തി​ലാ​ണ് ജ​ല അ​തോ​റി​റ്റി അ​ധി​കൃ​ത​ർ. നേ​ര​ത്തെ ശു​ദ്ധ​ജ​ല ക​ണ​ക്ഷ​ൻ എ​ത്തി​ച്ച വീ​ടു​ക​ളി​ലേ​ക്കാ​ണ് ജ​ല​വി​ത​ര​ണം തു​ട​ങ്ങാ​ൻ തീ​രു​മാ​നി​ച്ചി​രി​ക്കു​ന്ന​ത്.

പൊ​ന്നാ​നി ക​ട​ലോ​ര മേ​ഖ​ല​യി​ലും ക​ട​വ​നാ​ട് മേ​ഖ​ല​യി​ലു​മാ​ണ് അ​മൃ​ത് പ​ദ്ധ​തി​യു​ടെ ഭാ​ഗ​മാ​യി കു​ടും​ബ​ങ്ങ​ൾ​ക്ക് പു​തി​യ ശു​ദ്ധ​ജ​ല ക​ണ​ക്ഷ​ൻ ന​ൽ​കു​ന്ന​ത്. ന​ഗ​ര​സ​ഭ​യി​ലെ നാ​ലാം വാ​ർ​ഡി​ലാ​ണ് ആ​ദ്യ​ഘ​ട്ട​പ​ണി​ക​ൾ തു​ട​ങ്ങി​യി​രു​ന്ന​ത്. തീ​ര​ദേ​ശ മേ​ഖ​ല​യി​ലെ 13 വാ​ർ​ഡു​ക​ളി​ൽ പ​ദ്ധ​തി എ​ത്തി​ക്കും. തീ​ര​മേ​ഖ​ല​യി​ൽ ക​ടു​ത്ത ശു​ദ്ധ​ജ​ല​ക്ഷാ​മം നേ​രി​ടു​ന്ന​തി​ന് പ​രി​ഹാ​ര​മാ​യാ​ണ് പ​ദ്ധ​തി ന​ട​പ്പാ​ക്കു​ന്ന​ത്. പ​ദ്ധ​തി​യു​ടെ ഭാ​ഗ​മാ​യി 34 കി​ലോ​മീ​റ്റ​ർ നീ​ള​ത്തി​ലാ​ണ് ശു​ദ്ധ​ജ​ല പൈ​പ്പ് സ്ഥാ​പി​ക്കു​ന്ന​ത്. തൃ​ക്കാ​വി​ലെ ശു​ദ്ധ​ജ​ല ടാ​ങ്കി​ൽ​നി​ന്നാ​ണ് മേ​ഖ​ല​യി​ലേ​ക്ക് വെ​ള്ള​മെ​ത്തി​ക്കു​ക.

തീ​ര​ദേ​ശ​ത്തെ ബി.​പി.​എ​ൽ കു​ടും​ബ​ങ്ങ​ൾ​ക്ക് 30,000 ലി​റ്റ​ർ ശു​ദ്ധ​ജ​ലം ​പ്ര​തി​മാ​സം സൗ​ജ​ന്യ​മാ​യി ന​ൽ​കു​ന്ന ത​ര​ത്തി​ലാ​ണ് പ​ദ്ധ​തി വി​ഭാ​വ​നം ചെ​യ്യു​ന്ന​ത്. അ​മൃ​ത് പ​ദ്ധ​തി​ക്കു പു​റ​മേ പൊ​ന്നാ​നി​യി​ൽ മു​ഴു​വ​ൻ വീ​ടു​ക​ളി​ലും ശു​ദ്ധ​ജ​ല​മെ​ത്തി​ക്കാ​ൻ ജ​ൽ​ജീ​വ​ൻ പ​ദ്ധ​തി​യു​ടെ പ്ര​വൃ​ത്തി​ക​ളും പു​രോ​ഗ​മി​ക്കു​ന്നു​ണ്ട്.