യാ​ത്ര​ക്കാ​ർ ചോ​ദി​ക്കു​ന്നു; എ​ന്ന് തു​ട​ങ്ങും, പൊ​ന്നാ​നി -​പ​ടി​ഞ്ഞാ​റെ​ക്ക​ര ജ​ങ്കാ​ർ സ​ർ​വി​സ്

പൊ​ന്നാ​നി: പൊ​ന്നാ​നി​യേ​യും പ​ടി​ഞ്ഞാ​റെ​ക്ക​ര​യും ബ​ന്ധി​പ്പി​ക്കു​ന്ന അ​ഴി​മു​ഖ​ത്തെ ജ​ങ്കാ​ർ സ​ർ​വീ​സ് പു​ന​രാ​രം​ഭി​ക്കാ​ത്ത​തി​നാ​ൽ യാ​ത്ര​ക്കാ​ർ ദു​രി​ത​ത്തി​ൽ. ഏ​റ്റ​വു​മൊ​ടു​വി​ൽ മാ​ർ​ച്ച് ഒ​ന്നി​ന് സ​ർ​വി​സ് ആ​രം​ഭി​ക്കു​മെ​ന്നാ​ണ് അ​റി​യി​ച്ചി​രു​ന്ന​ത്. ക​രാ​റു​കാ​ർ​ക്ക് ജ​ങ്കാ​ർ ല​ഭി​ക്കാ​ത്ത​താ​ണ് പ്ര​തി​സ​ന്ധി​ക്ക് കാ​ര​ണ​മെ​ന്നാ​ണ് വി​വ​രം.

ഒ​ന്ന​ര വ​ർ​ഷ​ത്തി​ല​ധി​ക​മാ​യി നി​ല​ച്ചു കി​ട​ക്കു​ന്ന ജ​ങ്കാ​ർ സ​ർ​വി​സ് തു​ട​ങ്ങാ​ൻ ന​ഗ​ര​സ​ഭ പ​ര​മാ​വ​ധി ശ്ര​മ​ങ്ങ​ൾ ന​ട​ത്തി​യി​രു​ന്നു. ഏ​റ്റ​വു​മൊ​ടു​വി​ലാ​ണ് മാ​ർ​ച്ച് ഒ​ന്നി​ന് സ​ർ​വീ​സ് തു​ട​ങ്ങാ​മെ​ന്ന് ധാ​ര​ണ​യി​ലെ​ത്തി​യ​ത്. യാ​ത്രാ​നി​ര​ക്കും ന​ഗ​ര​സ​ഭ​യു​മാ​യു​ള്ള ക​രാ​ർ വ്യ​വ​സ്ഥ​യു​മെ​ല്ലാം ച​ർ​ച്ച ചെ​യ്‌​തു തീ​രു​മാ​നി​ച്ച​താ​യി​രു​ന്നു.

അ​ഴി​മു​ഖ​ത്ത് യാ​ത്രാ​ബോ​ട്ട് സ​ർ​വീ​സ് ത​ന്നെ തു​ട​രാ​നാ​ണ് സാ​ധ്യ​ത. ഇ​രു​ച​ക്ര വാ​ഹ​ന​ങ്ങ​ൾ​ക്ക് പോ​ലും അ​ഴി​മു​ഖം യാ​ത്ര സാ​ധ്യ​മാ​കാ​ത്ത​തി​നാ​ൽ ഒ​ട്ടേ​റെ പ​തി​വ് യാ​ത്ര​ക്കാ​ർ വ​ലി​യ യാ​ത്രാ ദു​രി​തം നേ​രി​ടു​ന്നു​ണ്ട്. ജ​ങ്കാ​ർ സ​ർ​വീ​സ് പു​ന​രാ​രം​ഭി​ക്കു​ക​യെ​ന്ന​ത് മാ​ത്ര​മാ​യി​രു​ന്നു യാ​ത്രാ ദു​രി​ത​മ​ക​റ്റാ​നു​ള്ള പ്ര​ധാ​ന ആ​വ​ശ്യം. ദീ​ർ​ഘ ദൂ​ര വാ​ഹ​ന​ങ്ങ​ൾ​ക്കു വ​രെ ജ​ങ്കാ​ർ സ​ർ​വീ​സ് വ​ലി​യ ആ​ശ്വാ​സ​മാ​ണ്. വാ​ഹ​ന​ങ്ങ​ൾ ക​യ​റ്റാ​നാ​കു​ന്ന ജ​ങ്കാ​ർ കി​ട്ടാ​നി​ല്ലാ​ത്ത​ത് വ​ലി​യ പ്ര​തി​സ​ന്ധി​യാ​ണ്. പൊ​ന്നാ​നി അ​ഴി​മു​ഖം തൂ​ക്കു​പാ​ലം യാ​ഥാ​ർ​ഥ്യ​മാ​യാ​ലേ ഇ​വി​ട​ത്തെ യാ​ത്രാ പ്ര​ശ്ന‌ം പൂ​ർ​ണ​മാ​യി പ​രി​ഹ​രി​ക്ക​പ്പെ​ടൂ. എ​ന്നാ​ൽ, തൂ​ക്കു​പാ​ലം നി​ർ​മാ​ണ​വു​മാ​യി ബ​ന്ധ​പ്പെ​ട്ട ന​ട​പ​ടി​ക​ൾ ഇ​ഴ​ഞ്ഞു നീ​ങ്ങു​ക​യാ​ണ്. സ്‌​ഥ​ല​മേ​റ്റെ​ടു​പ്പ് ഇ​തു​വ​രെ​യും പൂ​ർ​ത്തി​യാ​ക്കാ​ൻ ക​ഴി​ഞ്ഞി​ട്ടി​ല്ല.