പൊ​ന്നാ​നി; ഇ​രു മു​ന്ന​ണി​ക​ളേ​യും തു​ണ​ച്ച മ​ണ്ഡ​ലം

പൊ​ന്നാ​നി: ലോ​ക്സ​ഭ മ​ണ്ഡ​ല​ത്തി​ന്‍റെ പേ​രും നി​യ​മ​സ​ഭ മ​ണ്ഡ​ല​ത്തി​ന്‍റെ പേ​രും ഒ​ന്നാ​യ പൊ​ന്നാ​നി, നാ​ട്ടു​കാ​രാ​യ ത​ല​യെ​ടു​പ്പു​ള്ള നേ​താ​ക്ക​ളെ തോ​ൽ​പ്പി​ക്കു​ക​യും ജ​യി​പ്പി​ക്കു​ക​യും ചെ​യ്ത മ​ണ്ഡ​ല​മാ​ണ്. മു​ൻ മ​ന്ത്രി​യും പൊ​ന്നാ​നി​ക്കാ​ര​നു​മാ​യ ഇ.​കെ. ഇ​മ്പി​ച്ചി​ബാ​വ ര​ണ്ടു ത​വ​ണ പൊ​ന്നാ​നി​യി​ൽ​നി​ന്ന് തോ​ൽ​വി​യ​റി​ഞ്ഞി​ട്ടു​ണ്ട്. 1977ൽ ​കോ​ൺ​ഗ്ര​സ്​ സ്ഥാ​നാ​ർ​ഥി എം.​പി. ഗം​ഗാ​ധ​ര​നോ​ടും 87ൽ ​നാ​ട്ടു​കാ​ര​നാ​യ പി.​ടി. മോ​ഹ​ന കൃ​ഷ്ണ​നോ​ടു​മാ​ണ് ഇ​മ്പി​ച്ചി​ബാ​വ തോ​ൽ​വി ഏ​റ്റു​വാ​ങ്ങി​യ​ത്. എ​ന്നാ​ൽ, 1991ൽ ​പി.​ടി.​മോ​ഹ​ന​കൃ​ഷ്ണ​നെ പ​രാ​ജ​യ​പ്പെ​ടു​ത്തി അ​ദ്ദേ​ഹം മ​ണ്ഡ​ലം തി​രി​ച്ചു പി​ടി​ച്ചു. 1957 മു​ത​ല്‍ ​2019 വ​രെ ന​ട​ന്ന 16 തെ​ര​ഞ്ഞെ​ടു​പ്പു​ക​ളി​ല്‍ ഏ​ഴു ത​വ​ണ കോ​ണ്‍ഗ്ര​സ്​ സ്ഥാ​നാ​ർ​ഥി​ക​ളും ഏ​ഴ് ത​വ​ണ ത​വ​ണ സി.​പി.​എം. സ്ഥാ​നാ​ർ​ഥി​ക​ളും ഒ​രു ത​വ​ണ മു​സ്​​ലിം​ലീ​ഗ് സ്ഥാ​നാ​ർ​ഥി​യും ഒ​രു ത​വ​ണ സ്വ​ത​ന്ത്ര​നും ഇ​വി​ടെ​നി​ന്നും വി​ജ​യി​ച്ചി​ട്ടു​ണ്ട്. സി.​പി.​എ​മ്മി​ലെ പി. ​ന​ന്ദ​കു​മാ​റാ​ണ് ഇ​പ്പോ​ള്‍ പൊ​ന്നാ​നി മ​ണ്ഡ​ല​ത്തെ നി​യ​മ​സ​ഭ​യി​ൽ പ്ര​തി​നി​ധീ​ക​രി​ക്കു​ന്ന​ത്. മ​ല​പ്പു​റം ജി​ല്ല​യി​ലെ പൊ​ന്നാ​നി ന​ഗ​ര​സ​ഭ​യും പൊ​ന്നാ​നി താ​ലൂ​ക്കി​ലെ ആ​ല​ങ്കോ​ട്, മാ​റ​ഞ്ചേ​രി, ന​ന്നം​മു​ക്ക്, പെ​രു​മ്പ​ട​പ്പ്, വെ​ളി​യം​കോ​ട് ഗ്രാ​മ​പ​ഞ്ചാ​യ​ത്തു​ക​ളും ഉ​ൾ​പ്പെ​ടു​ന്ന നി​യ​മ​സ​ഭാ മ​ണ്ഡ​ല​ത്തി​ൽ വെ​ളി​യ​ങ്കോ​ട് ഒ​ഴി​കെ മ​റ്റി​ട​ങ്ങ​ളി​ലെ​ല്ലാം എ​ൽ.​ഡി.​എ​ഫാ​ണ് ഭ​ര​ണം കൈ​യാ​ളു​ന്ന​ത്.

ഇ​രു​മു​ന്ന​ണി​ക​ളേ​യും വി​ജ​യി​പ്പി​ച്ച ച​രി​ത്ര​മു​ള്ള പൊ​ന്നാ​നി ഇ​പ്പോ​ൾ മ​ല​പ്പു​റം ജി​ല്ല​യി​ല്‍ ഇ​ട​തി​ന് കാ​ര്യ​മാ​യ വേ​രോ​ട്ട​മു​ള്ള മ​ണ്ഡ​ലം​കൂ​ടി​യാ​ണ്. 2006ൽ ​പാ​ലോ​ളി മു​ഹ​മ്മ​ദ്​​കു​ട്ടി​യി​ലൂ​ടെ ഇ​ട​തു​പ​ക്ഷം തി​രി​ച്ചു​പി​ടി​ച്ച മ​ണ്ഡ​ല​ത്തി​ൽ തു​ട​ർ​ച്ച​യാ​യി നാ​ല് ത​വ​ണ​യും എ​ൽ.​ഡി.​എ​ഫ് സ്ഥാ​നാ​ർ​ഥി​ക​ൾ ത​ന്നെ​യാ​ണ് വി​ജ​യി​ച്ച​ത്​. 2019ലെ ​പാ​ർ​ല​മെ​ന്‍റ്​ തെ​ര​ഞ്ഞെ​ടു​പ്പി​ൽ പൊ​ന്നാ​നി അ​സം​ബ്ലി മ​ണ്ഡ​ല​ത്തി​ൽ 9739 വോ​ട്ടു​ക​ളു​ടെ ലീ​ഡ് ഇ.​ടി. മു​ഹ​മ്മ​ദ് ബ​ഷീ​റി​ന്​ ഉ​ണ്ടാ​യി​രു​ന്നെ​ങ്കി​ലും 2021ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ൽ എ​ൽ.​ഡി.​എ​ഫ് 17043 വോ​ട്ടി​ന്‍റെ മി​ക​ച്ച ഭൂ​രി​പ​ക്ഷ​മാ​ണ് നേ​ടി​യ​ത്. ഇ​ട​തി​ന് വ്യ​ക്​​ത​മാ​യ മേ​ൽ​കൈ​യു​ള്ള മ​ണ്ഡ​ല​ത്തി​ൽ ലീ​ഗു​വി​ട്ടു​വ​ന്ന കെ.​എ​സ്. ഹം​സ ചെ​ലു​ത്തു​ന്ന സ്വാ​ധീ​ന​വും വോ​ട്ടാ​കു​മെ​ന്ന പ്ര​തീ​ക്ഷ എ​ൽ.​ഡി.​എ​ഫി​നു​ണ്ട്​.

അ​തേ​സ​മ​യം, അ​സം​ബ്ലി തെ​ര​ഞ്ഞെ​ടു​പ്പി​ലെ വോ​ട്ടി​ങ്​ പാ​റ്റേ​ൺ അ​ല്ല പാ​ർ​ല​മെ​ന്‍റ്​ തെ​ര​ഞ്ഞെ​ടു​പ്പി​​ലെ​ന്നും 2019ലെ ​വി​ജ​യം ആ​വ​ർ​ത്തി​ക്കു​മെ​ന്നും യു.​ഡി.​എ​ഫ്​ കേ​ന്ദ്ര​ങ്ങ​ൾ പ​റ​യു​ന്നു. രാ​ഷ്ട്രീ​യ​ത്തി​ന​തീ​ത​മാ​യ വോ​ട്ടു​ക​ൾ അ​ബ്​​ദു​ൽ സ​മ​ദ്​ സ​മ​ദാ​നി​ക്ക് വീ​ഴു​മെ​ന്ന പ്ര​തീ​ക്ഷ​യും യു.​ഡി.​എ​ഫി​നു​ണ്ട്. എ​ൻ.​ഡി.​എ സ്ഥാ​നാ​ർ​ഥി നി​വേ​ദി​ത സു​ബ്ര​ഹ്മ​ണ്യ​ൻ പ്ര​ചാ​ര​ണ​രം​ഗ​ത്ത്​ സ​ജീ​വ​മാ​ണ്. ക​ഴി​ഞ്ഞ അ​സം​ബ്ലി തെ​ര​ഞ്ഞെ​ടു​പ്പി​ൽ 7419 വോ​ട്ടു​ക​ളാ​ണ്​ ബി.​ഡി.​ജെ.​എ​സ്​ സ്ഥാ​നാ​ർ​ഥി നേ​ടി​യ​ത്. പൊ​ന്നാ​നി അ​ഴി​മു​ഖം മു​ത​ൽ, തൃ​ശൂ​ർ ജി​ല്ലാ​തി​ർ​ത്തി​യാ​യ കാ​പ്പി​രി​ക്കാ​ട് വ​രെ ജി​ല്ല​യി​ലെ ഏ​റ്റ​വും വ​ലി​യ ക​ട​ൽ തീ​ര​മു​ൾ​ക്കൊ​ള്ളു​ന്ന പൊ​ന്നാ​നി​യി​ൽ ക​ട​ൽ​ഭി​ത്തി​യു​ടെ അ​ഭാ​വ​വും, കോ​ൾ മേ​ഖ​ല​യി​ലെ മാ​ന്ദ്യ​വു​മാ​ണ് തെ​ര​ഞ്ഞെ​ടു​പ്പ്​ വേ​ദി​ക​ളി​ൽ പ്ര​ധാ​ന​മാ​യും ച​ർ​ച്ച​യാ​കു​ന്ന​ത്.