പുതുപൊന്നാനി ആയുർവേദ ആശുപത്രിക്ക് പുതിയ കെട്ടിടം

പൊ​ന്നാ​നി: നൂ​റു​ക​ണ​ക്കി​ന് രോ​ഗി​ക​ൾ ആ​ശ്ര​യി​ക്കു​ന്ന പു​തു​പൊ​ന്നാ​നി ഗ​വ. ആ​യു​ർ​വേ​ദ ആ​ശു​പ​ത്രി​യു​ടെ പു​തി​യ കെ​ട്ടി​ട​നി​ർ​മാ​ണ​ത്തി​നു​ള്ള ത​ട​സ്സ​ങ്ങ​ൾ നീ​ങ്ങു​ന്നു. കെ​ട്ടി​ടനി​ർ​മാ​ണം ഫെ​ബ്രു​വ​രി 15ന് ​ആ​രം​ഭി​ക്കാ​ൻ പി. ​ന​ന്ദ​കു​മാ​ർ എം.​എ​ൽ.​എ​യു​ടെ അ​ധ്യ​ക്ഷ​ത​യി​ൽ ചേ​ർ​ന്ന യോ​ഗ​ത്തി​ൽ തീ​രു​മാ​ന​മാ​യി.

ഈ ​മാ​സം 20ന് ​ആ​ശു​പ​ത്രി പ്ര​വ​ർ​ത്ത​നം താ​ൽ​ക്കാ​ലി​ക കെ​ട്ടി​ട​ത്തി​ലേ​ക്ക് മാ​റ്റും. 30ന​കം നി​ല​വി​ലെ കെ​ട്ടി​ടം പൊ​ളി​ച്ചു​നീ​ക്ക​ൽ പൂ​ർ​ത്തീ​ക​രി​ക്കും. നി​ർ​മാ​ണ​വു​മാ​യി ബ​ന്ധ​പ്പെ​ട്ട മു​ഴു​വ​ൻ സാ​ങ്കേ​തി​ക ത​ട​സ്സ​ങ്ങ​ളും നീ​ക്കാ​ൻ വി​വി​ധ വ​കു​പ്പ് ഉ​ദ്യോ​ഗ​സ്ഥ​രു​ടെ യോ​ഗ​ത്തി​ൽ തീ​രു​മാ​ന​മാ​യി. ഫെ​ബ്രു​വ​രി 15ന് ​ത​റ​ക്ക​ല്ലി​ട​ൽ ക​ഴി​ഞ്ഞാ​ൽ ഒ​മ്പ​ത് മാ​സ​ത്തി​ന​കം ആ​ദ്യ​ഘ​ട്ട പ്ര​വ​ർ​ത്ത​ന​ങ്ങ​ൾ പൂ​ർ​ത്തീ​ക​രി​ക്കാ​ൻ എം.​എ​ൽ.​എ നി​ർ​ദേ​ശം ന​ൽ​കി. നാ​ഷ​ന​ൽ ആ​യു​ഷ് മി​ഷ​ന്റെ 2022-23 വ​ർ​ഷ​ത്തെ ഒ​രു​കോ​ടി രൂ​പ ചെ​ല​വ​ഴി​ച്ചാ​ണ് ആ​ദ്യ​ഘ​ട്ട നി​ർ​മാ​ണം ന​ട​ത്തു​ക. തു​ട​ർ​ന്ന് ന​ഗ​ര​സ​ഭ​യു​ടെ ത​ന​ത് ഫ​ണ്ടി​ൽ നി​ന്ന​നു​വ​ദി​ച്ച ഒ​രു​കോ​ടി രൂ​പ ചെ​ല​വി​ൽ ര​ണ്ടാം​ഘ​ട്ട പ്ര​വ​ർ​ത്ത​ന​ങ്ങ​ളും ന​ട​ക്കും. കെ.​എ​ച്ച്.​ആ​ർ.​ഡ​ബ്ല്യൂ.​എ​സി​നാ​ണ് നി​ർ​മാ​ണ ചു​മ​ത​ല.

ജി​ല്ല​യി​ലെ തീ​ര​ദേ​ശ​ത്തു​ള്ള ഏ​ക ആ​യു​ർ​വേ​ദ ആ​ശു​പ​ത്രി​യാ​യ പു​തു​പൊ​ന്നാ​നി ആ​ശു​പ​ത്രി​യെ ചാ​വ​ക്കാ​ട് മു​ത​ൽ, തി​രൂ​ർ വ​രെ​യു​ള്ള മ​ത്സ്യ​ത്തൊ​ഴി​ലാ​ളി​ക​ൾ ആ​ശ്ര​യി​ക്കു​ന്നു​ണ്ട്. ഏ​റെ സ്ഥ​ല​പ​രി​മി​തി​ക​ൾ​ക്കി​ട​യി​ലാ​ണ് ആ​ശു​പ​ത്രി പ്ര​വ​ർ​ത്തി​ക്കു​ന്ന​ത്.

2010-15 കാ​ല​യ​ള​വി​ൽ നി​ർ​മി​ച്ച മു​ക​ൾ​നി​ല​യി​ലെ കെ​ട്ടി​ടം സ്ഥ​ല​പ​രി​മി​തി മൂ​ലം ഉ​പ​യോ​ഗ​ശൂ​ന്യ​മാ​ണ്. ഇ​ടു​ങ്ങി​യ മു​റി​ക​ളി​ലാ​ണ് ഒ.​പി പ​രി​ശോ​ധ​ന ഉ​ൾ​പ്പെ​ടെ ന​ട​ക്കു​ന്ന​ത്. യോ​ഗ​ത്തി​ൽ പൊ​ന്നാ​നി ന​ഗ​ര​സ​ഭ ചെ​യ​ർ​മാ​ൻ ശി​വ​ദാ​സ് ആ​റ്റു​പു​റം, സ്ഥി​രം​സ​മി​തി അ​ധ്യ​ക്ഷ​രാ​യ ഷീ​ന സു​ദേ​ശ​ൻ, ര​ജീ​ഷ് ഊ​പ്പാ​ല, കൗ​ൺ​സി​ല​ർ ബാ​ദു​ഷ, മെ​ഡി​ക്ക​ൽ ഓ​ഫി​സ​ർ ഡോ. ​സി​ജി​ൻ, നാ​ഷ​ന​ൽ ആ​യു​ഷ് മി​ഷ​ൻ ജി​ല്ല പ്രോ​ജ​ക്ട് മാ​നേ​ജ​ർ ക​ബീ​ർ, എ​ൻ​ജി​നീ​യ​ർ അ​ക്ഷ​യ്, നാ​ഷ​ന​ൽ ഹെ​ൽ​ത്ത് മി​ഷ​ൻ എ​ൻ​ജി​നീ​യ​ർ ഷ​ഹീ​ർ എ​ന്നി​വ​ർ പ​ങ്കെ​ടു​ത്തു.