86ാം വ​യ​സ്സി​ലും നീലിയമ്മായി പാ​ട​ത്ത് സ​ജീ​വ​മാ​ണ്​

കാ​ർ​ഷി​ക​രം​ഗ​ത്ത് നീ​ലി അ​മ്മാ​യി​ക്ക് പ്രാ​യം വെ​റും അ​ക്ക​ങ്ങ​ൾ മാ​ത്ര​മാ​ണ്. മൂ​ന്ന് ത​ല​മു​റ​ക​ൾ​ക്ക് കാ​ർ​ഷി​ക​വൃ​ത്തി​യി​ൽ വ​ഴി​കാ​ട്ടി​യാ​യ നീ​ലി 86ാം വ​യ​സ്സി​ലും പാ​ട​ത്ത് സ​ജീ​വ​സാ​ന്നി​ധ്യ​മാ​ണ്.

നാ​ട്ടു​കാ​രു​ടെ നീ​ലി അ​മ്മാ​യി 11ാം വ​യ​സ്സി​ലാ​ണ് പാ​ട​ത്തേ​ക്കി​റ​ങ്ങി​യ​ത്. കോ​ല​ള​മ്പ് ചേ​മ്പി​ൽ​പ​ടി സ്വ​ദേ​ശി​യാ​യ പ​ള്ളി​ത്തി​ലാ​യി​ൽ നീ​ലി 11ാം വ​യ​സ്സി​ലാ​ണ് വി​വാ​ഹി​ത​യാ​യി പൊ​ന്നാ​നി ചെ​റു​വാ​യ്ക്ക​ര​യി​ൽ എ​ത്തി​യ​ത്.

അ​ക്കാ​ല​ത്ത് ച​മ്ര​വ​ട്ടം ജ​ങ്ഷ​ൻ മു​ത​ൽ ബി​യ്യം വ​രെ​യു​ള്ള എ​ല്ലാ പാ​ട​ശേ​ഖ​ര​ങ്ങ​ളി​ലും ഞാ​റു​ന​ടീ​ലും കൊ​യ്ത്തും മ​റ്റു കൃ​ഷി​പ്പ​ണി​ക​ളു​മാ​യി നീ​ലി കാ​ർ​ഷി​ക​രം​ഗ​ത്ത് സ​ജീ​വ​മാ​യി. മൂ​ന്ന് ത​ല​മു​റ​ക​ൾ​ക്കൊ​പ്പം കൃ​ഷി​ചെ​യ്ത പാ​ര​മ്പ​ര്യ​മു​ണ്ട് നീ​ലി അ​മ്മാ​യി​ക്ക്.

ഊ​പ്പാ​ല അ​റു​മു​ഖ​നും മ​ക​ൻ ഊ​പ്പാ​ല ര​വീ​ന്ദ്ര​നു​മൊ​പ്പം കാ​ർ​ഷി​ക​രം​ഗ​ത്ത് സ​ജീ​വ​മാ​യ ഇ​വ​ർ ഇ​പ്പോ​ൾ അ​റു​മു​ഖ​െൻറ കൊ​ച്ചു​മ​ക​ൻ ര​ജീ​ഷി​നൊ​പ്പ​വും സ​ജീ​വ​മാ​ണ്. പ​ഴ​യ​കാ​ല​ത്ത് രാ​വി​ലെ മു​ത​ൽ വൈ​കീ​ട്ടു വ​രെ ജോ​ലി ചെ​യ്താ​ൽ മൂ​ന്നു​നാ​ഴി അ​രി മാ​ത്രം ല​ഭി​ച്ചി​രു​ന്നി​ട​ത്തു​നി​ന്ന് ഇ​പ്പോ​ൾ കാ​ർ​ഷി​ക​രം​ഗ​ത്ത് മി​ക​ച്ച കൂ​ലി ല​ഭി​ക്കു​ന്നു​ണ്ടെ​ന്ന് നീ​ലി അ​മ്മാ​യി പ​റ​യു​ന്നു.

പ്രാ​യം 86 പി​ന്നി​ട്ടെ​ങ്കി​ലും കാ​ര്യ​മാ​യ അ​സു​ഖ​ങ്ങ​ളൊ​ന്നു​മി​ല്ലാ​ത്ത​ത് ത​െൻറ കാ​ർ​ഷി​ക​യി​ട​ത്തി​ലെ ജോ​ലി​യാ​ണെ​ന്നാ​ണ് നീ​ലി​യു​ടെ വാ​ദം. ആ​രോ​ഗ്യ​മു​ള്ളി​ട​ത്തോ​ളം കാ​ലം കൃ​ഷി​യി​ൽ ത​ന്നെ ചെ​ല​വ​ഴി​ക്കാ​ൻ ക​ഴി​യ​ണ​മെ​ന്നാ​ണ് നീ​ലി അ​മ്മാ​യി​യു​ടെ പ്രാ​ർ​ഥ​ന.