കക്കറയിലും കൽക്കുണ്ടിലും വീണ്ടും പുലിയിറങ്ങി

ക​രു​വാ​ര​കു​ണ്ട്: ക​ൽ​ക്കു​ണ്ട്, ക​ക്ക​റ എ​ന്നി​വി​ട​ങ്ങ​ളി​ലെ ജ​ന​വാ​സ കേ​ന്ദ്ര​ങ്ങ​ളി​ൽ വീ​ണ്ടും പു​ലി​ക​ളെ​ത്തി. ക​ൽ​ക്കു​ണ്ട് ചേ​രി​പ്പ​ടി​യി​ൽ​നി​ന്ന് അ​ജ്ഞാ​ത ജീ​വി വീ​ട്ടി​ലെ വ​ള​ർ​ത്തു​നാ​യെ കൊ​ണ്ടു​പോ​യി. ക​ക്ക​റ മു​ണ്ട​യി​ൽ ടാ​പ്പി​ങ് തൊ​ഴി​ലാ​ളി​ക​ൾ ര​ണ്ട് പു​ലി​ക​ളു​ടെ മു​ന്നി​ൽ​പെ​ട്ടു.

ചേ​രി​പ്പ​ടി​യി​ലെ ജോ​യ് വ​ള്ളി​ക്കാ​പ്പ​െൻറ വീ​ട്ടി​ലെ നാ​യെ​യാ​ണ് ചൊ​വ്വാ​ഴ്ച അ​ർ​ധ​രാ​ത്രി കൊ​ണ്ടു​പോ​യ​ത്. പു​ലി ത​ന്നെ​യാ​ണെ​ന്ന് ജോ​യ് പ​റ​യു​ന്നു. എ​ട്ടു​മാ​സം പ്രാ​യ​മാ​യ രാ​ജ​പാ​ള​യം ഇ​ന​ത്തി​ൽ​പെ​ട്ട​താ​യി​രു​ന്നു നാ​യ്. മു​ണ്ട അ​ല​മ്പീ​ര എ​സ്​​റ്റേ​റ്റി​ലാ​ണ് ടാ​പ്പി​ങ് തൊ​ഴി​ലാ​ളി​ക​ൾ ര​ണ്ട് പു​ലി​ക​ളെ ക​ണ്ട​ത്. ബു​ധ​നാ​ഴ്ച പു​ല​ർ​ച്ച ആ​റോ​ടെ ടാ​പ്പി​ങ്ങി​നെ​ത്തി​യ പാ​ലാ​ട്ടി​ൽ സ​മീ​ർ ബാ​ബു​വാ​ണ് എ​സ്​​റ്റേ​റ്റി​ലെ ക്വാ​ർ​ട്ടേ​ഴ്സി​ന് സ​മീ​പം ജീ​വി​ക​ളെ ക​ണ്ട​ത്. ടോ​ർ​ച്ച് വെ​ളി​ച്ച​ത്തി​ൽ ഇ​വ പു​ലി​ക​ളാ​ണെ​ന്ന് വ്യ​ക്ത​മാ​യ​തോ​ടെ തി​രി​ഞ്ഞോ​ടി. ബാ​ബു​വി​ന് പി​ന്നാ​ലെ​യു​ണ്ടാ​യി​രു​ന്ന പു​ത്ത​ൻ​വീ​ട്ടി​ൽ ബി​ജു, പേ​ങ്ങ​യി​ൽ റ​ഫീ​ഖ് എ​ന്നി​വ​രും ഇ​വ​യെ ക​ണ്ടു. ശ​ബ്​​ദ​മു​ണ്ടാ​ക്കി​യ​തോ​ടെ ഇ​വ ര​ണ്ടു​വ​ഴി​ക്ക് ഓ​ടി​മ​റ​യു​ക​യാ​യി​രു​ന്നു. പു​ലി​ക​ളെ ക​ണ്ട വി​വ​ര​മ​റി​ഞ്ഞ​തോ​ടെ മ​റ്റു തൊ​ഴി​ലാ​ളി​ക​ളും ടാ​പ്പി​ങ് നി​ർ​ത്തി മ​ട​ങ്ങി. ഒ​രാ​ഴ്ച മു​മ്പ് പു​ലി വ​ള​ർ​ത്തു​നാ​യെ പി​ടി​ച്ച​തും ഇ​തി​ന​ടു​ത്തു​ള്ള വീ​ട്ടി​ൽ നി​ന്നാ​യി​രു​ന്നു.