ചോക്കാട് വിത്തുൽപാദന കേന്ദ്രം ഉപയോഗപ്പെടുത്തി സായാഹ്ന ടൂറിസം സ്പോട്ട് വേണമെന്ന ആവശ്യം

കാ​ളി​കാ​വ്: മ​ല​യോ​ര ഹൈ​വേ​യോ​ടൊ​പ്പം ചോ​ക്കാ​ട് വി​ത്തു​ൽ​പാ​ദ​ന കേ​ന്ദ്ര​ത്തെ ഉ​പ​യോ​ഗ​പ്പെ​ടു​ത്തി സാ​യാ​ഹ്ന ടൂ​റി​സം സ്പോ​ട്ട് ഒ​രു​ക്ക​ണ​മെ​ന്ന ആ​വ​ശ്യ​മു​യ​രു​ന്നു. ന​യ​ന മ​നോ​ഹ​ര​മാ​യ നെ​ൽ​പാ​ട​ങ്ങ​ളും പ​ശ്ചി​മ​ഘ​ട്ട​വും ചോ​ക്കാ​ട​ൻ പു​ഴ​യും എ​ല്ലാം മ​നം കു​ളി​ർ​ക്കു​ന്ന കാ​ഴ്ച​യാ​ണ്. മ​ല​യോ​ര ഹൈ​വേ നി​ർ​മാ​ണം പു​രോ​ഗ​മി​ച്ചു​കൊ​ണ്ടി​രി​ക്കു​ക​യാ​ണ്.

നി​ല​മ്പൂ​ർ തേ​ക്ക് മ്യൂ​സി​യം, ഊ​ട്ടി, മൈ​സൂ​ർ, ബാം​ഗ്ലൂ​ർ, വ​യ​നാ​ട് തു​ട​ങ്ങി നി​ര​വ​ധി സ്ഥ​ല​ങ്ങ​ളി​ലേ​ക്ക് യാ​ത്ര പോ​കു​ന്ന​വ​രു​ടെ പ്ര​ധാ​ന​പ്പെ​ട്ട പാ​ത​യാ​ണ് മ​ല​യോ​ര ഹൈ​വേ. ചോ​ക്കാ​ട് അ​ങ്ങാ​ടി​ക്ക് സ​മീ​പ​മു​ള്ള വി​ശാ​ല​മാ​യി കി​ട​ക്കു​ന്ന വി​ത്തു​ൽ​പാ​ദ​ന കേ​ന്ദ്ര​വും കി​ഴ​ക്ക് പ​ശ്ചി​മ​ഘ​ട്ട​വും ചോ​ക്കാ​ട​ൻ പു​ഴ​യും എ​ല്ലാം ഒ​ത്തി​ണ​ങ്ങി​യ പ്ര​ദേ​ശ​മാ​ണ് ഇ​വി​ടം. മ​നം​കു​ളി​രെ കാ​ണാ​നും അ​ൽ​പ​നേ​രം വി​ശ്ര​മി​ക്കാ​നും മ​റ്റും എ​ത്തു​ന്ന​വ​ർ​ക്കാ​യി ത​ദ്ദേ​ശ​സ്ഥാ​പ​ന​ങ്ങ​ളും വ്യാ​പാ​രി​ക​ളും ഒ​ത്തൊ​രു​മി​ച്ചാ​ൽ വി​ശ്ര​മ​കേ​ന്ദ്ര​മാ​യും മി​നി ടൂ​റി​സം മേ​ഖ​ല​യാ​യും വ​ള​ർ​ത്തി​യെ​ടു​ക്കാ​ൻ ക​ഴി​യും. ടി.​കെ കോ​ള​നി​യും കൊ​ട്ട​ൻ ചോ​ക്കാ​ട​ൻ മ​ല​വാ​ര​വും ചി​ങ്ക​ക​ല്ലും എ​ല്ലാം ചോ​ക്കാ​ടി​ന്റെ സ​മീ​പ​പ്ര​ദേ​ശ​ങ്ങ​ളാ​ണ്.

അ​നൗ​ദ്യോ​ഗി​ക ടൂ​റി​സം കേ​ന്ദ്ര​ങ്ങ​ളാ​ണ് ഇ​വ​യെ​ല്ലാം. ഇ​തും കൂ​ടി പ്ര​യോ​ജ​ന​പ്പെ​ടു​ത്തി ഔ​ദ്യോ​ഗി​ക ടൂ​റി​സം കേ​ന്ദ്ര​മാ​ക്കു​ക​യും ചോ​ക്കാ​ട് അ​ങ്ങാ​ടി​യോ​ട് ചേ​ർ​ന്ന് ഉ​ൽ​പാ​ദ​ന കേ​ന്ദ്ര​ത്തി​ന് സ​മീ​പ​ത്തെ റോ​ഡി​നോ​ട് ചേ​ർ​ന്ന് വി​ശ്ര​മി​ക്കാ​നു​ള്ള കേ​ന്ദ്ര​ങ്ങ​ൾ ആ​ക്കി​യാ​ൽ ചോ​ക്കാ​ടി​ലെ വ്യാ​പാ​ര മേ​ഖ​ല​ക്കും ഒ​രു വ​ലി​യ കൈ​ത്താ​ങ്ങാ​യി മാ​റും. വി​ത്തു​ൽ​പാ​ദ​ന കേ​ന്ദ്ര​ത്തി​ലെ നെ​ൽ​പാ​ട​ങ്ങ​ളും ചെ​ണ്ടു​മ​ല്ലി പൂ​ക്ക​ളും യാ​ത്ര​ക്കാ​രു​ടെ മ​നം ക​വ​രു​ന്ന കാ​ഴ്ച​യാ​ണ്.