താഹ ഫസൽ വീട്ടിലെത്തി

പന്തീരാങ്കാവ്: പന്തീരാങ്കാവ്​ യു.എ.പി.എ കേസിൽ ജാമ്യം ലഭിച്ച താഹ ഫസൽ വീടണഞ്ഞു. വെള്ളിയാഴ്ച രാത്രി 11 മണിയോടെയാണ് താഹ, സഹോദരനും ബന്ധുക്കൾക്കുമൊപ്പം വീട്ടിലെത്തിയത്​. എൽ.ഡി.എഫ് സർക്കാറിനുള്ള തിരിച്ചടിയാണ് ത‍െൻറ ജാമ്യമെന്ന്​ വീട്ടിൽവെച്ചും താഹ ഫസൽ ആവർത്തിച്ചു.

വൈകീട്ടോടെയാണ് നടപടികൾ പൂർത്തിയാക്കി താഹ ഫസൽ ജയിലിൽ നിന്നിറങ്ങിയത്.എൻ.ഐ.എ കോടതി 2020 സെപ്റ്റംബറിൽ താഹ ഫസലിന്​ ജാമ്യം നൽകിയിരുന്നു. എന്നാൽ, ഈ വർഷം ജനുവരി അഞ്ചിന്​ ഹൈകോടതി ജാമ്യം റദ്ദാക്കിയതോടെ വീണ്ടും ജയിലിലായി. ഇതിനെതിരെ സുപ്രീം കോടതിയെ സമീപിച്ചാണ് കഴിഞ്ഞ ദിവസം ജാമ്യം നേടിയത്​.