പന്തീരാങ്കാവിൻെറ പാട്ട​ുമുറ്റത്തിനി പി.എം.സിയില്ല

പ​ന്തീ​രാ​ങ്കാ​വ്: ഒ​ന്ന​ര പ​തി​റ്റാ​ണ്ടാ​യി മു​ട​ക്ക​മി​ല്ലാ​തെ തു​ട​ർ​ന്ന പ​ന്തീ​രാ​ങ്കാ​വി​‍െൻറ പാ​ട്ട് മു​റ്റ​ത്തി​നി പി.​എം.​സി​യി​ല്ല, റ​ഫി​യും കി​ഷോ​റും മു​കേ​ഷു​മൊ​ക്കെ പ​തി​വ് തെ​റ്റാ​തെ പെ​യ്തി​റ​ങ്ങി​യ ഞാ​യ​റാ​ഴ്ച​ക​ളെ ഒ​രി​ക്ക​ൽ പോ​ലും മു​ട​ക്ക​മി​ല്ലാ​തെ ഒ​രു​ക്കി​യ നാ​ട്ടു​കാ​രു​ടെ പി.​എം.​സി എ​ന്ന പു​ൽ​പ​റ​മ്പി​ൽ മേ​ത്ത​ൽ ച​ന്ദ്ര​ൻ യാ​ത്ര പ​റ​ഞ്ഞു. പ​ന്തീ​രാ​ങ്കാ​വ് പ്ര​ഭാ​ത് ആ​ട്സ് ക്ല​ബ് പ്ര​വ​ർ​ത്ത​ക​നാ​യി​രു​ന്ന ച​ന്ദ്ര​ൻ സു​ഹൃ​ത്തു​ക്ക​ളോ​ടൊ​പ്പം നാ​ല് പ​തി​റ്റാ​ണ്ട് മു​മ്പ് ക്ല​ബ് ഓ​ഫി​സി​ൽ തു​ട​ങ്ങി​യ പാ​ട്ടു​കൂ​ട്ടാ​യ്മ​യാ​ണ് പി​ന്നീ​ട് ഒ​ന്ന​ര പ​തി​റ്റാ​ണ്ട് മു​മ്പ് സ്വ​ന്തം വീ​ട്ടു​മു​റ്റ​ത്തേ​ക്ക് മാ​റ്റി​യ​ത്.

പ്ര​ഭാ​തി​ലെ പ​ഴ​യ സു​ഹൃ​ത്തു​ക്ക​ൾ​ക്കൊ​പ്പം സ​മീ​പ​പ്ര​ദേ​ശ​ങ്ങ​ളി​ൽ​നി​ന്നു​ള്ള​വ​രും വീ​ട്ടു​കാ​രു​മൊ​ക്കെ ചേ​ർ​ന്ന് ഞാ​യ​റാ​ഴ്ച സാ​യാ​ഹ്ന​ങ്ങ​ൾ ആ​സ്വാ​ദ്യ​ക​ര​മാ​ക്കി. സാ​ധാ​ര​ണ ഞാ​യ​റാ​ഴ്ച​ക​ളി​ൽ മു​റ്റ​ത്തോ​ട് ചേ​ർ​ന്ന ഒ​രു മു​റി​യി​ലാ​ണ് പ​രി​പാ​ടി ന​ട​ത്തി​യ​ത്. ഓ​ണം, വി​ഷു, പെ​രു​ന്നാ​ൾ തു​ട​ങ്ങി എ​ല്ലാ ആ​ഘോ​ഷ വേ​ള​ക​ളി​ലും വീ​ട്ടു മു​റ്റ​ത്ത് ത​ന്നെ വേ​ദി​യൊ​രു​ക്കി. സ്ത്രീ​ക​ളും കു​ട്ടി​ക​ളു​മ​ട​ക്കം പാ​ട്ട് പാ​ടു​ന്ന​വ​രും ഉ​പ​ക​ര​ണ വാ​യ​ന​ക്കാ​രും ആ​സ്വാ​ദ​ക​രു​മാ​യി വ​ലി​യ സ​ദ​സ്സ്​​ ഞാ​യ​റാ​ഴ്ച​ക​ളി​ൽ സ്ഥി​ര​സാ​ന്നി​ധ്യ​മാ​യി​രു​ന്നു. കെ.​എ​സ്.​ഇ.​ബി​യി​ൽ നി​ന്നും വി​ര​മി​ച്ച ച​ന്ദ്ര​ൻ, പാ​ട്ട് സ​ദ്യ മു​ട​ങ്ങാ​തി​രി​ക്കാ​ൻ സ്വ​ന്ത​മാ​യി പ​ണം മു​ട​ക്കി ജ​ന​റേ​റ്റ​റും വാ​ങ്ങി​യാ​ണ് ത​‍െൻറ സം​ഗീ​ത​സ​ദ്യ മു​ട​ക്കം വ​രാ​തെ മു​ന്നോ​ട്ടു​കൊ​ണ്ടു​പോ​യ​ത്.

കേ​ട്ട​റി​ഞ്ഞെ​ത്തു​ന്ന ആ​രെ​യും നി​രാ​ശ​രാ​ക്കാ​തെ പാ​ട്ടി​നൊ​പ്പം ചാ​യ​യും പ​ല​ഹാ​ര​ങ്ങ​ളു​മൊ​രു​ക്കി വീ​ട്ടു​ക​രും ച​ന്ദ്ര​‍െൻറ പാ​ട്ട് സ​ദ്യ​യി​ൽ സ​ജീ​വ​മാ​യി​രു​ന്നു. ഹൃ​ദ്രോ​ഗ ബാ​ധ​യെ തു​ട​ർ​ന്ന് സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യി​ലാ​യി​രു​ന്ന ച​ന്ദ്ര​ൻ ശ​നി​യാ​ഴ്ച വൈ​കീ​ട്ടോ​ടെ​യാ​ണ് മ​രി​ച്ച​ത്. പ്ര​ഭാ​ത് ആ​ർ​ട്സ് ക്ല​ബ്, ഗ്രാ​മ​സേ​വി​നി വാ​യ​ന​ശാ​ല, എ​ഴു​ത്തു​പു​ര എ​ന്നി​വ​യു​ടെ ഭാ​ര​വാ​ഹി​യാ​യി പ്ര​വ​ർ​ത്തി​ച്ചി​ട്ടു​ണ്ട്. ശ്രീ​ക​ണ്ഠേ​ശ്വ​ര ക്ഷേ​ത്ര യോ​ഗം പ്ര​വ​ർ​ത്ത​ക സ​മി​തി അം​ഗ​മാ​യി​രു​ന്നു.