ഗ്രീൻഫീൽഡ് പാത: നീതിക്കായി ഇരകൾ വീണ്ടും തെരുവിലേക്ക്

പ​ന്തീ​രാ​ങ്കാ​വ്: വി​ക​സ​ന​ത്തി​ന്റെ പേ​രി​ൽ കി​ട​പ്പാ​ടം ന​ഷ്ട​പ്പെ​ട്ട​വ​ർ ന​ഷ്ട​പ​രി​ഹാ​ര​ത്തി​നാ​യി വീ​ണ്ടും തെ​രു​വി​ലി​റ​ങ്ങു​ന്നു. ഉ​റ​പ്പു​ക​ൾ നി​ര​ന്ത​ര​മാ​യി ലം​ഘി​ക്ക​പ്പെ​ടു​ക​യും പ്ര​ഖ്യാ​പി​ച്ച ന​ഷ്ട​പ​രി​ഹാ​ര​ത്തി​ൽ മാ​റ്റം വ​രു​മെ​ന്ന ആ​ശ​ങ്ക ഉ​യ​രു​ക​യും ചെ​യ്ത സാ​ഹ​ച​ര്യ​ത്തി​ലാ​ണ് ഗ്രീ​ൻ​ഫീ​ൽ​ഡ് പാ​ത കോ​ഴി​ക്കോ​ട് ജി​ല്ല ആ​ക്ഷ​ൻ ക​മ്മി​റ്റി പ്ര​തി​ഷേ​ധ പ​രി​പാ​ടി​ക​ൾ ച​ർ​ച്ച ചെ​യ്യു​ന്ന​തി​ന് ഞാ​യ​റാ​ഴ്ച യോ​ഗം​ചേ​രു​ന്ന​ത്.

വൈ​കീ​ട്ട് മൂ​ന്നി​ന് പെ​രു​മ​ണ്ണ സ​ർ​വി​സ് സ​ഹ​ക​ര​ണ ബാ​ങ്ക് ഹാ​ളി​ലാ​ണ് യോ​ഗം. 360ഓ​ളം സ്ഥ​ല​മു​ട​മ​ക​ൾ​ക്കാ​ണ് ജി​ല്ല​യി​ൽ ന​ഷ്ട​പ​രി​ഹാ​രം ല​ഭി​ക്കേ​ണ്ട​ത്. ഉ​ദ്ദേ​ശം 650 കോ​ടി​യോ​ളം രൂ​പ​യാ​ണ് ഇ​തി​ന് ചെ​ല​വ്. എ​ന്നാ​ൽ, പ​കു​തി​യോ​ളം ആ​ളു​ക​ൾ​ക്കേ തു​ക ന​ൽ​കി​യി​ട്ടു​ള്ളൂ. പു​തി​യ വീ​ടി​ന് ആ​ദ്യ​ഗ​ഡു ന​ൽ​കി​യ​വ​രും വി​വാ​ഹ​ച്ച​ട​ങ്ങു​ക​ൾ തീ​രു​മാ​നി​ക്ക​പ്പെ​ട്ട​വ​രും ഉ​ട​ൻ പ​ണം പ്ര​തീ​ക്ഷി​ച്ച് നി​ൽ​ക്കു​മ്പോ​ഴാ​ണ് ന​ഷ്ട​പ​രി​ഹാ​ര വി​ത​ര​ണം നി​ർ​ത്തി​വെ​ച്ച​ത്.

കി​ട​പ്പാ​ടം ന​ഷ്ട​പ്പെ​ട്ട് തെ​രു​വി​ലി​റ​ങ്ങേ​ണ്ട​വ​രു​ടെ ആ​ശ​ങ്ക മ​ന​സ്സി​ലാ​ക്കാ​തെ​യാ​ണ് അ​ധി​കൃ​ത​ർ പെ​രു​മാ​റു​ന്ന​തെ​ന്ന് ഇ​ര​ക​ൾ പ​റ​യു​ന്നു. വ്യ​ക്ത​മാ​യ മ​റു​പ​ടി ന​ൽ​കാ​ൻ​പോ​ലും അ​ധി​കൃ​ത​ർ ത​യാ​റാ​വു​ന്നി​ല്ല. മ​ല​പ്പു​റം, പാ​ല​ക്കാ​ട് ജി​ല്ല​ക​ളി​ൽ ന​ഷ്ട​പ​രി​ഹാ​ര തു​ക കു​റ​വാ​ണെ​ന്ന പ​രാ​തി​യെ തു​ട​ർ​ന്ന് കോ​ഴി​ക്കോ​ട് ജി​ല്ല​യി​ൽ ന​ഷ്ട​പ​രി​ഹാ​രം നി​ർ​ണ​യി​ച്ച മാ​ന​ദ​ണ്ഡം പു​ന​ര​വ​ലോ​ക​നം ചെ​യ്യു​മെ​ന്ന വാ​ർ​ത്ത ഭൂ ​ഉ​ട​മ​ക​ളെ ആ​ശ​ങ്ക​പ്പെ​ടു​ത്തു​ന്നു.

നേ​ര​ത്തെ പ്ര​ഖ്യാ​പി​ച്ച വി​ല കൂ​ടു​ത​ലാ​ണെ​ന്ന് ഗ​വേ​ഷ​ണം ന​ട​ത്തി ഒ​രു​ത​വ​ണ ന​ഷ്ട​പ​രി​ഹാ​രം കു​റ​ച്ചി​രു​ന്നു. കു​റ​വ് വ​രു​ത്തി​യ പ​ണം വാ​ങ്ങി പു​തി​യ താ​മ​സ സൗ​ക​ര്യ​മൊ​രു​ക്കാ​ൻ ശ്ര​മി​ക്കു​ന്ന​തി​നി​ട​യി​ലാ​ണ് വീ​ണ്ടും ന​ഷ്ട​പ​രി​ഹാ​ര വി​ത​ര​ണം നി​ർ​ത്തി​യ​ത്. നീ​തി​ക്കാ​യി പ്ര​തി​ഷേ​ധം ശ​ക്ത​മാ​ക്കു​ന്ന​തി​ന് സ​മ​ര​പ​രി​പാ​ടി​ക​ൾ ഇ​ന്ന​ത്തെ യോ​ഗ​ത്തി​ൽ തീ​രു​മാ​നി​ക്കു​മെ​ന്ന് ആ​ക്ഷ​ൻ ക​മ്മി​റ്റി ഭാ​ര​വാ​ഹി​ക​ൾ പ​റ​ഞ്ഞു.