റോഡിലെ കുഴികൾ; മാസങ്ങളായിട്ടും പരിഹാരമായില്ല

കു​ന്ദ​മം​ഗ​ലം: ക​ട്ടാ​ങ്ങ​ൽ-​ക​മ്പ​നി​മു​ക്ക്, ക​മ്പ​നി​മു​ക്ക്-​മു​ത്തേ​രി റോ​ഡി​ൽ വാ​ഹ​ന യാ​ത്ര​ക്കാ​ർ​ക്ക് ഭീ​ഷ​ണി​യാ​യി മാ​റി​യ കു​ഴി​ക​ൾ മാ​സ​ങ്ങ​ളാ​യി​ട്ടും അ​ട​ച്ചി​ല്ല. മ​ന്ത്രി​ക്ക് പ​രാ​തി ന​ൽ​കി ഒ​രു മാ​സ​മാ​യി​ട്ടും പ​രി​ഹാ​ര​മാ​യി​ല്ലെ​ന്ന് പ​രാ​തി​ക്കാ​ര​ൻ പ​റ​ഞ്ഞു.

സ്വ​കാ​ര്യ ക​മ്പ​നി​യു​ടെ കേ​ബ്ൾ ന​ട​ത്തി​പ്പി​നു​വേ​ണ്ടി കു​ഴി​ച്ച കു​ഴി​ക​ളി​ൽ പി.​ഡ​ബ്ല്യു.​ഡി ഇ​ട​പെ​ട്ട് അ​റ്റ​കു​റ്റ​പ്പ​ണി ന​ട​ത്തി​യ സ്ഥ​ല​ങ്ങ​ളി​ൽ മ​ഴ പെ​യ്ത​തോ​ടെ കു​ഴി​ക​ളാ​യി രൂ​പാ​ന്ത​ര​പ്പെ​ട്ടി​രു​ന്നു. ഇ​തു​മാ​യി ബ​ന്ധ​പ്പെ​ട്ട് സ്ഥി​ര​മാ​യി അ​പ​ക​ട​ങ്ങ​ൾ ഉ​ണ്ടാ​യ​പ്പോ​ൾ ജൂ​ലൈ 26ന് ​പൊ​തു​പ്ര​വ​ർ​ത്ത​ക​നാ​യ ഷെ​രീ​ഫ് മ​ല​യ​മ്മ വ​കു​പ്പു​മ​ന്ത്രി പി.​എ. മു​ഹ​മ്മ​ദ് റി​യാ​സി​ന് പ​രാ​തി അ​യ​ക്കു​ക​യും ചെ​യ്തു. ഇ​തി​നു മ​റു​പ​ടി​യും ല​ഭി​ച്ചു.

ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ർ കാ​ര്യ​ങ്ങ​ൾ തി​ര​ക്കു​ക​യും ചെ​യ്തി​രു​ന്നു. എ​ന്നാ​ൽ, ഒ​രു മാ​സ​ത്തി​ല​ധി​ക​മാ​യി​ട്ടും പ്ര​വൃ​ത്തി മു​ന്നോ​ട്ടു​പോ​യി​ട്ടി​ല്ല. പ​ല​പ്പോ​ഴും പ​ല വാ​ഹ​ന​ങ്ങ​ളും പ്ര​ത്യേ​കി​ച്ച് ഇ​രു​ച​ക്ര വാ​ഹ​ന​ങ്ങ​ൾ ഈ ​കു​ഴി​ക​ളി​ൽ വീ​ണ് അ​പ​ക​ട​ങ്ങ​ൾ ഉ​ണ്ടാ​യി​ട്ടു​ണ്ട്. ഇ​നി​യും തീ​രു​മാ​നം ഉ​ണ്ടാ​യി​ട്ടി​ല്ലെ​ങ്കി​ൽ സ​മ​ര​പ​രി​പാ​ടി​ക​ളി​ലേ​ക്ക് നീ​ങ്ങാ​നു​ള്ള ത​യാ​റെ​ടു​പ്പി​ലാ​ണ് നാ​ട്ടു​കാ​ർ.