ഐ.സി.യു പീഡനക്കേസ്; അതിജീവിതക്കുനേരെ മനുഷ്യാവകാശ ലംഘനമുണ്ടായില്ലെന്ന് പൊലീസ് മേധാവി

കോ​ഴി​ക്കോ​ട്: ഗ​വ. മെ​ഡി​ക്ക​ൽ കോ​ള​ജ് ഐ.​സി.​യു​വി​ൽ പീ​ഡ​ന​ത്തി​ന് ഇ​ര​യാ​യ യു​വ​തി പൊ​ലീ​സി​ന് സ​മ​ർ​പ്പി​ച്ച എ​ല്ലാ പ​രാ​തി​ക​ളി​ലും കൃ​ത്യ​മാ​യ അ​ന്വേ​ഷ​ണം ന​ട​ത്തി ന​ട​പ​ടി സ്വീ​ക​രി​ച്ചി​ട്ടു​ണ്ടെ​ന്ന് ജി​ല്ല പൊ​ലീ​സ് മേ​ധാ​വി മ​നു​ഷ്യാ​വ​കാ​ശ ക​മീ​ഷ​നെ അ​റി​യി​ച്ചു. പൊ​ലീ​സ് അ​ന്വേ​ഷ​ണ​ത്തി​ൽ അ​ലം​ഭാ​വ​മു​ണ്ടാ​യ സാ​ഹ​ച​ര്യ​ത്തി​ലാ​ണ് ക​മീ​ഷ​ണ​ർ ഓ​ഫി​സി​ന് മു​ന്നി​ൽ അ​തി​ജീ​വി​ത​ക്ക് സ​മ​രം ചെ​യ്യേ​ണ്ടി​വ​ന്ന​തെ​ന്ന് ആ​രോ​പി​ച്ച് സ​മ​ർ​പ്പി​ച്ച പ​രാ​തി​യി​ൽ ക​മീ​ഷ​ൻ ജു​ഡീ​ഷ്യ​ൽ അം​ഗം കെ. ​ബൈ​ജു​നാ​ഥ് ജി​ല്ല പൊ​ലീ​സ് മേ​ധാ​വി​യി​ൽ​നി​ന്ന് വി​ശ​ദീ​ക​ര​ണം തേ​ടി​യി​രു​ന്നു.

2023 മാ​ർ​ച്ച് 18ന് ​തൈ​റോ​യ്ഡ് ശ​സ്ത്ര​ക്രി​യ​ക്കു ശേ​ഷ​മാ​ണ് ആ​ശു​പ​ത്രി​യി​ലെ മെ​യി​ൽ അ​റ്റ​ൻ​ഡ​റി​ൽ നി​ന്ന് അ​തി​ജീ​വി​ത​ക്ക് ലൈം​ഗി​കാ​തി​ക്ര​മം ഉ​ണ്ടാ​യ​തെ​ന്ന് റി​പ്പോ​ർ​ട്ടി​ൽ പ​റ​യു​ന്നു. മാ​ർ​ച്ച് 19ന് ​കേ​സ് ര​ജി​സ്റ്റ​ർ ചെ​യ്തു. ജൂ​ൺ എ​ട്ടി​ന് കോ​ട​തി​യി​ൽ കു​റ്റ​പ​ത്രം സ​മ​ർ​പ്പി​ച്ചു. 2023 ജൂ​ലൈ 27ന് ​അ​തി​ജീ​വി​ത ജി​ല്ല പൊ​ലീ​സ് മേ​ധാ​വി​ക്ക് സ​മ​ർ​പ്പി​ച്ച പ​രാ​തി​യി​ൽ മെ​ഡി​ക്ക​ൽ കോ​ള​ജ് അ​സി. ക​മീ​ഷ​ണ​ർ അ​ന്വേ​ഷ​ണം ന​ട​ത്തി​യി​രു​ന്നു.

മ​നു​ഷ്യാ​വ​കാ​ശ ക​മീ​ഷ​ൻ, വ​നി​താ ക​മീ​ഷ​ൻ, സം​സ്ഥാ​ന പൊ​ലീ​സ് മേ​ധാ​വി എ​ന്നി​വ​ർ​ക്ക് അ​തി​ജീ​വി​ത ന​ൽ​കി​യ പ​രാ​തി​ക​ളി​ലും അ​ന്വേ​ഷ​ണം ന​ട​ത്തി​യി​ട്ടു​ണ്ട്. പൊ​ലീ​സ് ന​ട​ത്തി​യ അ​ന്വേ​ഷ​ണ​ങ്ങ​ളു​ടെ​യെ​ല്ലാം റി​പ്പോ​ർ​ട്ടു​ക​ൾ അ​തി​ജീ​വി​ത​ക്ക് ന​ൽ​കി. തു​ട​ർ​ന്ന് പൊ​ലീ​സ് ക​മീ​ഷ​ണ​ർ ആ​സ്ഥാ​ന​ത്ത് അ​തി​ജീ​വി​ത ന​ട​ത്തി​യ സ​മ​രം അ​വ​സാ​നി​പ്പി​ച്ചു​വെ​ന്നും അ​തി​ജീ​വി​ത​ക്കു​നേ​രെ പൊ​ലീ​സി​ന്റെ ഭാ​ഗ​ത്തു​നി​ന്ന് മ​നു​ഷ്യാ​വ​കാ​ശ ലം​ഘ​ന​ങ്ങ​ൾ ഉ​ണ്ടാ​യി​ട്ടി​ല്ലെ​ന്നും റി​പ്പോ​ർ​ട്ടി​ൽ പ​റ​യു​ന്നു. റി​പ്പോ​ർ​ട്ടി​ന്റെ അ​ടി​സ്ഥാ​ന​ത്തി​ൽ പ​രാ​തി തീ​ർ​പ്പാ​ക്കി. മ​നു​ഷ്യാ​വ​കാ​ശ പ്ര​വ​ർ​ത്ത​ക​നാ​യ നൗ​ഷാ​ദ് തെ​ക്ക​യി​ൽ സ​മ​ർ​പ്പി​ച്ച പ​രാ​തി​യി​ലാ​ണ് ന​ട​പ​ടി.