ഇരുന്ന് ഭക്ഷണം കൊടുക്കാൻ അനുമതിക്കായി ഹോട്ടലുടമയുടെ നിരാഹാരം

കോ​ഴി​ക്കോ​ട്: ഹോ​ട്ട​ലു​ക​ളി​ൽ ഹോം ​ഡെ​ലി​വ​റി, പാ​ർ​സ​ൽ സൗ​ക​ര്യ​ങ്ങ​ൾ മാ​ത്രം അ​നു​വ​ദി​ച്ച​തി​നെ​തി​രെ നി​രാ​ഹാ​ര സ​മ​ര​വു​മാ​യി ഹോ​ട്ട​ലു​ട​മ.

മെ​ഡി​ക്ക​ൽ കോ​ള​ജ് തൃ​പ്തി ഹോ​ട്ട​ൽ ഉ​ട​മ അ​ശോ​ക​നാ​ണ്​ കോ​വി​ഡ് മാ​ന​ദ​ണ്ഡം പാ​ലി​ച്ച് ഹോ​ട്ട​ലു​ക​ളി​ൽ ഇ​രു​ന്ന് ഭ​ക്ഷ​ണം ക​ഴി​ക്കാ​ൻ അ​നു​വ​ദി​ക്ക​ണ​മെ​ന്നാ​വ​ശ്യ​പ്പെ​ട്ട്​ പ്ര​തി​ഷേ​ധി​ച്ച​ത്. ഈ ​ആ​വ​ശ്യം അ​നു​വ​ദി​ക്കും വ​രെ രാ​വി​ലെ എ​ട്ടു​മു​ത​ൽ രാ​ത്രി എ​ട്ടു​വ​രെ നി​രാ​ഹാ​ര​മി​രി​ക്കു​മെ​ന്നും അ​​ദ്ദേ​ഹം പ​റ​ഞ്ഞു.

അ​ശോ​ക​ൻ ഹോ​ട്ട​ലി​ൽ​നി​ന്ന്​ സൗ​ജ​ന്യ​മാ​യി ഭ​ക്ഷ​ണ​വും ന​ൽ​കു​ന്നു​ണ്ട്. ഹോ​ട്ട​ലി​ന് മു​ന്നി​ൽ ത െൻറ ജീ​പ്പ് നി​ർ​ത്തി​യി​ട്ട് , ആ​വ​ശ്യ​മു​ള്ള​വ​ർ​ക്ക് ജീ​പ്പി​ലി​രു​ന്ന് ഭ​ക്ഷ​ണം ക​ഴി​ക്കാ​നും അ​ദ്ദേ​ഹം സൗ​ക​ര്യം ന​ൽ​കു​ന്നു​ണ്ട്. ഹോ​ട്ട​ൽ ഭ​ക്ഷ​ണം ഹോം ​ഡെ​ലി​വ​റി ചെ​യ്യാ​ൻ മാ​ത്രം അ​നു​മ​തി ന​ൽ​കു​ന്ന​ത്​ വ​ൻ​കി​ട ഹോ​ട്ട​ലു​കാ​ർ​ക്ക് മാ​ത്ര​മേ ഉ​പ​ക​രി​ക്കു​ക​യു​ള്ളു​വെ​ന്ന് അ​ശോ​ക​ൻ പ​റ​ഞ്ഞു. മെ​ഡി​ക്ക​ൽ കോ​ള​ജ്​ പോ​ലു​ള്ള സ്ഥ​ല​ത്ത് വ​രു​ന്ന​വ​ർ​ക്ക് പാ​ർ​സ​ൽ ഭ​ക്ഷ​ണം വാ​ങ്ങി​ക്ക​ഴി​ക്കാ​നു​ള്ള സൗ​ക​ര്യ​മി​ല്ല.

ദി​വ​സ​ങ്ങ​ൾ​ക്കു​മു​മ്പ് മെ​ഡി​ക്ക​ൽ കോ​ള​ജി​ൽ എ​ത്തി​യ ഗ​ർ​ഭി​ണി​യാ​യ സ്ത്രീ​ക്കും മാ​താ​വി​നും ത​ന്റെ ഹോ​ട്ട​ലി​ൽ ഇ​രു​ന്ന് ഭ​ക്ഷ​ണം ക​ഴി​ക്കാ​ൻ അ​നു​വാ​ദം ന​ൽ​കി​യി​രു​ന്നു. അ​തി​നെ തു​ട​ർ​ന്ന് ആ​ളു​ക​ൾ ഭ​ക്ഷ​ണം ക​ഴി​ക്കാ​ൻ വ​രു​ക​യും ചെ​യ്തു.

പി​ന്നാ​ലെ, ഹോ​ട്ട​ലി​ൽ ഇ​രു​ത്തി ഭ​ക്ഷ​ണം ന​ൽ​ക​ന്നു​ണ്ടെ​ന്ന പ​രാ​തി​യു​ണ്ടെ​ന്ന് ആ​രോ​ഗ്യ​വ​കു​പ്പി​ൽ​നി​ന്ന് അ​റി​യി​പ്പ് വ​ന്നു. അ​തോ​ടെ വി​ൽ​പ​ന നി​ർ​ത്തി സൗ​ജ​ന്യ​മാ​യി ഭ​ക്ഷ​ണം ന​ൽ​കി. സൗ​ജ​ന്യ​മാ​ണെ​ങ്കി​ലും ഹോ​ട്ട​ലി​ൽ ഇ​രു​ന്ന് ഭ​ക്ഷ​ണം ക​ഴി​ക്കാ​ൻ അ​നു​വാ​ദ​മി​ല്ലെ​ന്നാ​ണ് ആ​രോ​ഗ്യ വ​കു​പ്പ് അ​റി​യി​ച്ച​ത്. തു​ട​ർ​ന്നാ​ണ് സൗ​ജ​ന്യ ഭ​ക്ഷ​ണം പാ​ർ​സ​ലാ​യി ന​ൽ​കാ​ൻ തു​ട​ങ്ങി​യ​തെ​ന്ന് അ​ശോ​ക​ൻ പ​റ​ഞ്ഞു.

30 വ​ർ​ഷ​ത്തോ​ള​മാ​യി മെ​ഡി​ക്ക​ൽ കോ​ള​ജ് പ​രി​സ​ര​ത്ത് ഹോ​ട്ട​ൽ ന​ട​ത്തു​ക​യാ​ണ് അ​ശോ​ക​ൻ. ചെ​റി​യ തു​ക​ക്ക് ഭ​ക്ഷ​ണം ന​ൽ​കു​ന്ന​തി​നൊ​പ്പം മെ​ഡി​ക്ക​ൽ കോ​ള​ജി​ലെ രോ​ഗി​ക​ൾ​ക്കാ​യി സൗ​ജ​ന്യ ക​ഞ്ഞി വി​ത​ര​ണ​മു​ൾ​പ്പെ​ടെ ന​ട​ത്തു​ന്നു​ണ്ട്.