Top
Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKozhikodechevron_rightകോവിഡിനിടയിലും...

കോവിഡിനിടയിലും തെരെഞ്ഞെടുപ്പിന് കോപ്പുകൂട്ടി എസ്.എൻ ട്രസ്​റ്റ്

text_fields
bookmark_border
എസ്​.എൻ.ഡി.പിയുടെ കൊടി
cancel

കോഴിക്കോട്: മഹാമാരിയുടെ ഭീതിക്കിടയിലും എസ്.എൻ. ട്രസ്​റ്റ്​ തെരഞ്ഞെടുപ്പ് നടപടികളുമായി മു​ന്നോട്ട്​. പതിനായിരങ്ങൾ സമ്മതിദാനാവകാശം രേഖപ്പെടുത്തേണ്ട തെരഞ്ഞെടുപ്പിൽ കോവിഡ്​ ചട്ടങ്ങൾ നിലനിർത്താൻ കഴിയില്ലെന്ന ആശങ്കയിലാണ്​ വോട്ടർമാർ. കണ്ണൂർ മുതൽ ചെമ്പഴന്തി വരെയുള്ള 10 കോളജുകളിൽ ആയിരങ്ങൾ ഒറ്റ ദിവസം ഒത്തുകൂടുന്ന തെരഞ്ഞെടുപ്പ് കോവിഡ് കാലഘട്ടം തീരുന്നതുവരെ മാറ്റി​െവച്ചില്ലെങ്കിൽ സമ്പർക്ക വ്യാപനത്തിനിടയാക്കുമെന്നാണ് ആശങ്ക.

തെരഞ്ഞെടുപ്പിൽ പത്രിക സമർപ്പിക്കേണ്ട അവസാന ദിവസം ആഗസ്​​റ്റ്​ 21 ആണ്. വോട്ടെടുപ്പ് സെപ്റ്റംബർ 18 നാണ്. എസ്.എൻ ട്രസ്​റ്റ്​ തെരഞ്ഞെടുപ്പിൽ കേരളത്തിലെ മുഴുവൻ ജില്ലകളിലും രാജ്യത്തിനകത്തും പുറത്തും 1.36 ലക്ഷത്തിലേറെ സമ്മതിദായകരുണ്ട്​. വലിയൊരു വിഭാഗം 65 വയസ്സ്​ കഴിഞ്ഞവരുമാണ്. ജൂലൈ 17 നായിരുന്നു വോട്ടർ പട്ടിക പരിശോധിക്കുവാനുള്ള അവസാന തീയതി. ട്രസ്​റ്റ്​ ആസ്ഥാനമുൾപ്പെടെയുള്ള പല സൻെററുകളും ആ സമയത്ത് ക​െണ്ടയ്​ൻമൻെറ്​ സോണായിരുന്നു.

എസ്.എൻ ട്രസ്​റ്റ്​ തെരഞ്ഞെടുപ്പ് പത്തു മേഖലയിലായാണ് നടത്തുന്നത്. ഇതിൽ പലമേഖലയും വള​െര വലുതാണ്​. പുനലൂർ എസ്​.എൻ കോളജിൽ നടക്കുന്ന തെരഞ്ഞെടുപ്പിൽ വോട്ടർമാരും സ്ഥാനാർഥികളും ഇടുക്കി, പത്തനംതിട്ട ജില്ല മുഴുവനും, കൊല്ലം ജില്ലയിലെ കുന്നത്തൂർ, കെട്ടാരക്കര, പത്തനാപുരം താലൂക്കുകളിൽ ഉൾപ്പെട്ടവരുമാണ്. 250 കി.മീറ്ററോളം ചുറ്റളവിലുള്ളവർ പുനലൂരിൽ വന്ന് പത്രിക നൽകുകയും വോട്ട്​ ചെയ്യുകയും വേണം. മറ്റ​ു മേഖലകളുടെ സ്​ഥിതിയും ഏതാണ്ട്​ ഇതുതന്നെ.

രണ്ടാംഘട്ട തെരഞ്ഞെടുപ്പ് സെപ്റ്റംബർ 26 നാണ്. ഇത് ഒരു കേന്ദ്രത്തിലാണ്​ നടക്കുക. 3000 ത്തോളം പേരാണ്​ ഇതിൽ വോട്ട്​ ചെയ്യേണ്ടത്​. മൂന്നാം ഘട്ടമായ ഭാരവാഹി തെരഞ്ഞെടുപ്പിൽ 2000 ത്തോളം ട്രസ്​റ്റ്​ ബോർഡ് അംഗങ്ങൾ പങ്കെടുക്കും. കൂടാതെ എസ്.എൻ.ഡി.പിക്കാരായ ആയിരക്കണക്കിനാളുകൾ വേറെയും ഒത്തുകൂടും.

Show Full Article
TAGS:
Next Story