വളർത്തുമൃഗങ്ങൾക്ക്​ പേവിഷബാധ; തെരുവുനായ്ക്കളും കുറുക്കനും ഭീഷണി

കോ​ട്ട​യം: ജി​ല്ല​യി​ൽ വ​ള​ർ​ത്തു​മൃ​ഗ​ങ്ങ​ൾ പേ​വി​ഷ​ബാ​ധ​യേ​റ്റ് ചാ​കു​ന്ന​ത്​ വ്യാ​പ​ക​മാ​വു​ന്നു. തെ​രു​വു​നാ​യ്ക്ക​ൾ​ക്കു പു​റ​മെ കു​റു​ക്ക​നും വ​ള​ർ​ത്തു​മൃ​ഗ​ങ്ങ​ൾ​ക്ക്​ ഭീ​ഷ​ണി​യാ​കു​ന്നു​ണ്ട്​​. നെ​ടും​കു​ന്നം പ​ഞ്ചാ​യ​ത്തി​ലെ നെ​ടു​മ​ണ്ണി​ൽ ക്ഷീ​ര​ക​ർ​ഷ​ക​നാ​യ മാ​ത്യു വ​ർ​ഗീ​സ്​ പു​ല്ലൂ​രി​ന്‍റെ പ​ശു​വാ​ണ്​ അ​വ​സാ​നം ച​ത്ത​ത്. ഏ​ഴു​മാ​സം ഗ​ർ​ഭി​ണി​യാ​യി​രു​ന്നു ഈ ​പ​ശു. ര​ണ്ടാ​ഴ്​​ച മു​മ്പാ​ണ്​ കു​റു​ക്ക​ൻ ക​ടി​ച്ച​തെ​ന്നു ക​രു​തു​ന്നു.

പ​ക​ൽ പ​റ​മ്പി​ൽ ​കെ​ട്ടി​യി​രു​ന്ന പ​ശു​വി​ന്‍റെ ക​ര​ച്ചി​ൽ കേ​ട്ട്​ മാ​ത്യു വ​ർ​ഗീ​സ്​ നോ​ക്കി​യ​പ്പോ​ൾ നാ​ല്​ കു​റു​ക്ക​ൻ​മാ​രെ പ​രി​സ​ര​ത്തു ക​ണ്ടി​രു​ന്നു. എ​ന്നാ​ൽ പ​ശു​വി​ന്‍റെ ശ​രീ​ര​ത്തി​ൽ ക​ടി​ച്ച പാ​ട്​ ക​ണ്ടി​ല്ല. കു​റ​ച്ചു​ദി​വ​സം ക​ഴി​ഞ്ഞാ​ണ്​ പേ​വി​ഷ​ബാ​ധ​യു​ടെ ല​ക്ഷ​ണ​ങ്ങ​ൾ കാ​ണി​ച്ച്​ തു​ട​ങ്ങി​യ​ത്. പ​രി​ശോ​ധ​ന​യി​ൽ ഡോ​ക്ട​ർ പേ ​വി​ഷ​ബാ​ധ സ്ഥി​രീ​ക​രി​ച്ചു. പ​ശു​വി​നെ പ​രി​ച​രി​ച്ചി​രു​ന്ന​വ​ർ ഡോ​ക്ട​റു​ടെ നി​ർ​ദേ​ശ​പ്ര​കാ​രം​ പ്ര​തി​രോ​ധ​വാ​ക്സി​ൻ എ​ടു​ത്തു. മേ​ഖ​ല​യി​ൽ​ കു​റു​ക്ക​ന്‍റെ ശ​ല്യം രൂ​ക്ഷ​മാ​ണെ​ന്ന്​ പ്ര​ദേ​ശ​വാ​സി​ക​ൾ പ​റ​യു​ന്നു.

കാ​ടു​മൂ​ടി​യ പ​റ​മ്പു​ക​ളും റ​ബ​ർ എ​സ്​​റ്റേ​റ്റു​ക​ളു​മാ​ണ്​ കു​റു​ക്ക​ൻ​മാ​രു​ടെ കേ​ന്ദ്രം. വാ​ഴൂ​രി​ൽ ക​ഴി​ഞ്ഞ വ​ർ​ഷം ക്ഷീ​ര​ക​ർ​ഷ​ക​യു​ടെ മൂ​ന്നു​പ​ശു​ക്ക​ൾ​ക്കാ​ണ്​ കു​റു​ക്ക​ന്‍റെ ക​ടി​യേ​റ്റ​ത്. പേ​വി​ഷ​ബാ​ധ ല​ക്ഷ​ണം കാ​ണി​ച്ച​തോ​ടെ ര​ണ്ടു പ​ശു​ക്ക​ളെ​യും​ ഒ​രു കി​ടാ​വി​നെ​യും കു​ത്തി​വെ​ച്ചു കൊ​ല്ലു​ക​യാ​യി​രു​ന്നു. പാ​മ്പാ​ടി​യി​ൽ പേ​വി​ഷ​ബാ​ധ ല​ക്ഷ​ണ​ങ്ങ​ൾ കാ​ണി​ച്ച്​ പോ​ത്ത്​ ച​ത്തി​രു​ന്നു. ര​ണ്ടു​മാ​സം മു​മ്പാ​ണ്​ മ​റ​വ​ൻ​തു​രു​ത്ത് പ​ഞ്ചാ​യ​ത്തി​ലെ കോ​ഴി​ഫാ​മി​ൽ 450 ഓ​ളം കോ​ഴി​ക​ളെ തെ​രു​വു നാ​യ്ക്ക​ൾ ക​ടി​ച്ചു കൊ​ന്ന​ത്. വ​ള​ർ​ത്തു​മൃ​ഗ​ങ്ങ​ൾ ച​ത്തൊ​ടു​ങ്ങു​ന്ന​ത്​ ചെ​റു​കി​ട ക​ർ​ഷ​ക​ർ​ക്ക്​ വ​ലി​യ തി​രി​ച്ച​ടി​യാ​ണ്.