സ്വന്തം കാര്യം വന്നപ്പോൾ റെയിൽവേ ഉണർന്നു; പാലരുവിക്ക്​ ഏറ്റുമാനൂരിൽ സ്റ്റോപ്​

കോ​ട്ട​യം: യാ​ത്ര​ക്കാ​ർ നി​ര​ന്ത​രം ആ​വ​ശ്യ​പ്പെ​ട്ടി​ട്ടും കു​ലു​ങ്ങാ​തി​രു​ന്ന റെ​യി​ൽ​വേ, സ്വ​ന്തം കാ​ര്യ​മാ​യ​പ്പോ​ൾ ഉ​ണ​ർ​ന്നു. പാ​ല​രു​വി എ​ക്സ്പ്ര​സി​ന്​​ ഏ​റ്റു​മാ​നൂ​രി​ൽ താ​​ൽ​ക്കാ​ലി​ക സ്​​റ്റോ​പ്. ഏ​റ്റു​മാ​നൂ​രി​ൽ​നി​ന്ന് എ​റ​ണാ​കു​ള​ത്തേ​ക്ക്​ യാ​ത്ര ചെ​യ്യു​ന്ന റെ​യി​ൽ​വേ ജീ​വ​ന​ക്കാ​രു​ടെ സൗ​ക​ര്യ​ർ​ഥ​മാ​ണ്​ ജൂ​ൺ 30വ​രെ ഏ​റ്റു​മാ​നൂ​രി​ൽ ട്രെ​യി​ൻ നി​ർ​ത്താ​ൻ തീ​രു​മാ​ന​മാ​യ​ത്.

യാ​ത്ര​ക്കാ​ർ പാ​ല​രു​വി​ക്ക്​ ഏ​റ്റു​മാ​നൂ​രി​ൽ സ്​​റ്റോ​പ് അ​നു​വ​ദി​ക്ക​ണ​മെ​ന്ന്​ ആ​വ​ശ്യ​പ്പെ​ട്ട്​ ജ​ന​പ്ര​തി​നി​ധി​ക​ൾ​ക്കും ഉ​ദ്യോ​ഗ​സ്ഥ​ർ​ക്കും നി​വേ​ദ​നം ന​ൽ​കു​ക​യും പ​ല​ത​വ​ണ പ്ലാ​റ്റ് ഫോ​മി​ൽ പ്ര​തി​ഷേ​ധി​ക്കു​ക​യും ചെ​യ്തി​ട്ടും അ​ധി​കൃ​ത​ർ മൗ​നം പാ​ലി​ച്ച​താ​യി യാ​ത്ര​ക്കാ​രു​ടെ കൂ​ട്ടാ​യ്​​മ​ക​ൾ ചൂ​ണ്ടി​ക്കാ​ട്ടു​ന്നു.

അ​തേ​സ​മ​യം, താ​ൽ​ക്കാ​ലി​ക സ്​​റ്റോ​പ് അ​നു​വ​ദി​ച്ച സ​ർ​ക്കു​ല​ർ ഇ​റ​ങ്ങി​യി​ട്ടി​ല്ലെ​ന്ന​തി​നാ​ൽ ഏ​റ്റു​മാ​നൂ​രി​ൽ​നി​ന്നു​ള്ള യാ​ത്ര​ക്കാ​ർ ഇ​പ്പോ​ഴും കോ​ട്ട​യ​ത്തു​നി​ന്നു​മാ​ണ് ട്രെ​യി​ൻ ക​യ​റു​ന്ന​ത്. രാ​വി​ലെ 7.35ന് ​ഏ​റ്റു​മാ​നൂ​ർ വ​ഴി ക​ട​ന്നു​പോ​കു​ന്ന പാ​ല​രു​വി എ​ക്സ്പ്ര​സി​ന്​ ഒ​രു മി​നി​റ്റ് സ്​​റ്റോ​പ് അ​നു​വ​ദി​ച്ചാ​ലു​ം നി​ല​വി​ലെ സ​മ​യ​ക്ര​മം ത​ന്നെ പാ​ലി​ക്കാ​ൻ ക​ഴി​യു​മെ​ന്ന്​ യാ​ത്ര​ക്കാ​ർ ചൂ​ണ്ടി​ക്കാ​ട്ടു​ന്നു. വൈ​കീ​ട്ട് 6.45ന് ​എ​റ​ണാ​കു​ള​ത്ത്നി​ന്ന്​ പു​റ​പ്പെ​ടു​ന്ന പാ​ല​രു​വി എ​ക്സ്പ്ര​സ്​ സ്വ​കാ​ര്യ ജോ​ലി​ക്കാ​ർ​ക്ക് ഏ​റെ സ​ഹാ​യ​ക​മാ​ണ്.

​േന​ര​ത്തേ ഒ​രു പ്ലാ​റ്റ് ഫോം ​മാ​ത്ര​മു​ണ്ടാ​യി​രു​ന്ന കാ​ര​ണ​ത്താ​ലാ​ണ് ഇ​വി​ടെ സ്​​റ്റോ​പ്​ അ​നു​വ​ദി​ക്കാ​തി​രു​ന്ന​ത​ത്രെ. ഇ​ര​ട്ട​പ്പാ​ത​യു​െ​ട ഭാ​ഗ​മാ​യി സ്​​റ്റേ​ഷ​ൻ ന​വീ​ക​രി​ച്ച​തോ​ടെ നി​ല​വി​ൽ നാ​ല്​ പ്ലാ​റ്റ് ഫോ​മു​ക​ളാ​ണു​ണ്ട്​. കോ​ട്ട​യം ക​ഴി​ഞ്ഞാ​ൽ ജി​ല്ല​യി​ൽ ഏ​റ്റ​വും കൂ​ടു​ത​ൽ വ​രു​മാ​ന​മു​ള്ള സ്​​റ്റേ​ഷ​നാ​ണ് ഏ​റ്റു​മാ​നൂ​ർ. പാ​ലാ, പേ​രൂ​ർ, നീ​ണ്ടൂ​ർ, ആ​ർ​പ്പൂ​ക്ക​ര, മാ​ന്നാ​നം, അ​യ​ർ​ക്കു​ന്നം എ​ന്നി​വി​ട​ങ്ങ​ളി​ൽ നി​ന്നു​ള്ള​വ​ർ ഇ​വി​ടേ​ക്ക്​ എ​ളു​പ്പ​ത്തി​ൽ എ​ത്താ​നും ക​ഴി​യും.

എം.​ജി സ​ർ​വ​ക​ലാ​ശാ​ല, ഐ.​ടി.​ഐ, കെ.​ഇ കോ​ള​ജ്, ഏ​റ്റു​മാ​നൂ​ര​പ്പ​ൻ കോ​ള​ജ്, മെ​ഡി​ക്ക​ൽ കോ​ള​ജ്, ഐ.​സി.​എ​ച്ച്, കാ​രി​ത്താ​സ്, തീ​ർ​ഥാ​ട​ന കേ​ന്ദ്ര​മാ​യ അ​തി​ര​മ്പു​ഴ പ​ള്ളി, ഏ​റ്റു​മാ​നൂ​ർ ക്ഷേ​ത്രം എ​ന്നി​വി​ട​ങ്ങ​ളി​ലേ​ക്കു​ള്ള യാ​ത്ര​ക്കാ​രും ഏ​റ്റു​മാ​നൂ​ർ റെ​യി​ൽ​വേ സ്​​റ്റേ​ഷ​നെ ആ​ശ്ര​യി​ക്കു​ന്ന​ത്. ഈ ​സാ​ഹ​ച​ര്യ​ത്തി​ൽ പാ​ല​രു​വി​ക്ക്​ ഏ​റ്റു​മാ​നൂ​രി​ൽ സ്ഥി​രം സ്​​റ്റോ​പ്​ അ​നു​വ​ദി​ക്ക​ണ​മെ​ന്നാ​ണ്​ യാ​ത്ര​ക്കാ​രു​ടെ ആ​വ​ശ്യം.