ഏറ്റുമാനൂർ-എറണാകുളം സംസ്ഥാന പാത നവീകരിക്കുന്നു

ഏറ്റുമാനൂർ: കോട്ടയം-എറണാകുളം റൂട്ടിൽ പട്ടിത്താനം ജങ്​ഷൻ മുതൽ കടുത്തുരുത്തി ബ്ലോക്ക് ജങ്​ഷൻവരെ ബി.സി നിലവാരത്തിൽ നവീകരിക്കുന്നു.

ഇതിനായി പൊതുമരാമത്ത് വകുപ്പ് അഞ്ചുകോടി അനുവദിച്ചു. മോൻസ് ജോസഫ് എം.എൽ.എ നടത്തിയ ചർച്ചയുടെ അടിസ്ഥാനത്തിലാണ് സർക്കാർ ഫണ്ട് അനുവദിച്ചത്.

കടുത്തുരുത്തി ബ്ലോക്ക് ജങ്​ഷൻ-ആപ്പാഞ്ചിറ-സിലോൺ കവല റീച്ചിൽ 1.75 കോടിയുടെ വികസന പദ്ധതി നേര​േത്ത അനുവദിച്ചിരുന്നു. ഇത് രണ്ടും ഒന്നിച്ച് നടപ്പാക്കുന്നതിലൂടെ 6.75 കോടിയുടെ റോഡ് നവീകരണമാണ് കടുത്തുരുത്തി മണ്ഡലത്തിൽ ഈ പദ്ധതിയിലൂടെ യാഥാർഥ്യമാകുന്നത്.

പട്ടിത്താനം മുതൽ വൈക്കംവരെ ബി.എം ആൻഡ്​ ബി.സി ഉന്നത നിലവാരത്തിൽ സംസ്ഥാന ഹൈവേ ആദ്യം നവീകരിച്ചത് 2008ൽ മോൻസ് ജോസഫ് പൊതുമരാമത്ത് മന്ത്രിയായിരുന്ന സന്ദർഭത്തിലാണ്.

പട്ടിത്താനം, കാണക്കാരി, കോതനല്ലൂര്‍, കുറുപ്പന്തറ, മുട്ടുചിറ, കടുത്തുരുത്തി ടൗൺ എന്നീ ജങ്​ഷനുകളിൽ വീതികൂട്ടി ടാറിങ്​ നടത്തും. ശബരിമല തീർഥാടനത്തിനു മുന്നോടിയായി വികസന പ്രവർത്തനങ്ങൾ നടപ്പാക്കുന്നതിനുള്ള നടപടി പൊതുമരാമത്ത് ആരംഭിച്ചതായും എം.എല്‍.എ പറഞ്ഞു.