ബി.ജെ.പിയുടെ പാത പിന്തുടർന്ന്​ സംഘടനസംവിധാനം വിപുലമാക്കി ബി.ഡി.ജെ.എസ്​

കോ​ട്ട​യം: സം​സ്ഥാ​ന​ത്ത്​ ബി.​ജെ.​പി ന​ട​പ്പാ​ക്കി​യ ജി​ല്ല ക​മ്മി​റ്റി വി​പു​ലീ​ക​ര​ണം മാ​തൃ​ക​യാ​ക്കി എ​ൻ.​ഡി.​എ ഘ​ട​ക​ക​ക്ഷി​യാ​യ ബി.​ഡി.​ജെ.​എ​സും. ബി.​ജെ.​പി ജി​ല്ല ക​മ്മി​റ്റി​ക​ളു​ടെ എ​ണ്ണം മു​പ്പ​താ​ക്കി മാ​റ്റി​യു​ള്ള പ്ര​വ​ർ​ത്ത​ന​മാ​ണ്​ ഇ​പ്പോ​ൾ ന​ട​ക്കു​ന്ന​ത്.

അ​തി​ന്​ സ​മാ​ന​മാ​യ നി​ല​യി​ലാ​ണ്​ ബി.​ഡി.​ജെ.​എ​സും അ​വ​രു​ടെ സം​ഘ​ട​ന സം​വി​ധാ​ന​ത്തി​ൽ മാ​റ്റം​വ​രു​ത്തി​യ​ത്. ആ​ല​പ്പു​ഴ, എ​റ​ണാ​കു​ളം, തൃ​ശൂ​ർ, കൊ​ല്ലം, കോ​ട്ട​യം, തി​രു​വ​ന​ന്ത​പു​രം ജി​ല്ല ക​മ്മി​റ്റി​ക​ളെ വി​ഭ​ജി​ച്ചാ​ണ്​ പ്ര​വ​ർ​ത്ത​നം കൂ​ടു​ത​ൽ വ്യാ​പ​ക​മാ​ക്കു​ന്ന​ത്. ചി​ല​യി​ട​ങ്ങ​ളി​ലെ ജി​ല്ല ക​മ്മി​റ്റി​ക​ളെ മൂ​ന്നാ​യും മ​റ്റ്​ ചി​ല​യി​ട​ങ്ങ​ളി​ൽ ര​ണ്ടാ​യു​മാ​ണ്​ വി​ഭ​ജി​ച്ച​ത്. മ​റ്റ്​ ജി​ല്ല​ക​ളി​ലെ ക​മ്മി​റ്റി​ക​ൾ ഒ​ന്നാ​യി തു​ട​രും. പാ​ർ​ട്ടി​ക്ക്​ സ്വാ​ധീ​ന​മു​ള്ള ജി​ല്ല​ക​ളി​ലാ​ണ്​ സം​ഘ​ട​നാ​സം​വി​ധാ​നം വി​പു​ല​മാ​ക്കി​യ​ത്. 14 ജി​ല്ല​യി​ലാ​യി 23 ജി​ല്ല ക​മ്മി​റ്റി​ക​ളാ​കും ബി.​ഡി.​ജെ.​എ​സി​ന്​ ഇ​നി​യു​ണ്ടാ​കു​ക.

തി​രു​വ​ന​ന്ത​പു​രം, എ​റ​ണാ​കു​ളം, തൃ​​ശൂ​ർ ജി​ല്ല​ക​ളി​ൽ മൂ​ന്ന്​ വീ​ത​വും കൊ​ല്ലം, ആ​ല​പ്പു​ഴ, കോ​ട്ട​യം ജി​ല്ല ക​മ്മി​റ്റി​ക​ളെ ര​ണ്ടാ​യു​മാ​യാ​ണ്​ വി​ഭ​ജി​ച്ച​ത്. ബി.​ഡി.​ജെ.​എ​സി​ന്​ വ്യ​ക്ത​മാ​യ സ്വാ​ധീ​ന​മു​ള്ള ആ​റ്​ ജി​ല്ല​യി​ലാ​ണ്​ ജി​ല്ല ക​മ്മി​റ്റി​ക​ളെ ഇ​ത്ത​ര​ത്തി​ൽ വി​ഭ​ജി​ച്ച​ത്. സം​ഘ​ട​നാ​പ്ര​വ​ർ​ത്ത​നം കൂ​ടു​ത​ൽ സു​താ​ര്യ​വും ഊ​ർ​ജ്ജ​സ​ല​വു​മാ​യി ന​ട​പ്പാ​ക്കാ​നാ​ണ്​ ഈ ​സം​വി​ധാ​നം കൊ​ണ്ടു​വ​ന്ന​തെ​ന്ന്​ പാ​ർ​ട്ടി വൃ​ത്ത​ങ്ങ​ൾ വ്യ​ക്ത​മാ​ക്കി.

പു​തു​താ​യി രൂ​പ​വ​ത്​​ക​രി​ച്ച ജി​ല്ല ക​മ്മി​റ്റി​ക​ൾ​ക്കാ​യി പ്ര​സി​ഡ​ന്‍റു​മാ​രെ​യും നി​യോ​ഗി​ച്ചി​ട്ടു​ണ്ട്. ഓ​രോ ജി​ല്ല ക​മ്മി​റ്റി​ക്കും സം​സ്ഥാ​ന നേ​താ​ക്ക​ളു​ടെ ചു​മ​ത​ല​യും ല​ഭ്യ​മാ​ക്കി​യി​ട്ടു​ണ്ട്. അ​തി​ന്​ ആ​നു​പാ​തി​ക​മാ​യി മ​റ്റ്​ ഭാ​ര​വാ​ഹി​ക​ളെ​യും നി​യോ​ഗി​ക്കും.

ബി.​ജെ.​പി​യും പ്ര​ധാ​ന ഘ​ട​ക​ക​ക്ഷി​യാ​യ ബി.​ഡി.​ജെ.​എ​സും ജി​ല്ല ക​മ്മി​റ്റി​ക​ളു​ടെ എ​ണ്ണം​കൂ​ട്ടി​യ സാ​ഹ​ച​ര്യ​ത്തി​ൽ അ​തി​ന​നു​സ​രി​ച്ച്​ എ​ൻ.​ഡി.​എ മു​ന്ന​ണി സം​വി​ധാ​ന​ത്തി​ലും മാ​റ്റം​വ​രും. എ​ൻ.​ഡി.​എ ജി​ല്ല ക​മ്മി​റ്റി​ക​ളു​ടെ എ​ണ്ണ​ത്തി​ലും മാ​റ്റ​മു​ണ്ടാ​കും.

ത​ദ്ദേ​ശ തെ​ര​ഞ്ഞെ​ടു​പ്പി​ൽ പാ​ർ​ട്ടി​ക്ക്​ സ്വാ​ധീ​ന​മു​ള്ള ജി​ല്ല​ക​ളി​ൽ കൂ​ടു​ത​ൽ സീ​റ്റു​ക​ൾ ആ​വ​ശ്യ​പ്പെ​ടാ​നും മ​ത്സ​രി​ക്കാ​നു​മാ​ണ്​ ബി.​ഡി.​ജെ.​എ​സ്​ തീ​രു​മാ​നം. കോ​ട്ട​യം, ആ​ല​പ്പു​ഴ, കൊ​ല്ലം, തി​രു​വ​ന​ന്ത​പു​രം ജി​ല്ല​ക​ളി​ൽ വ്യ​ക്ത​മാ​യ സ്വാ​ധീ​ന​മു​ള്ള ഇ​ട​ങ്ങ​ളു​ടെ പ​ട്ടി​ക​യും പാ​ർ​ട്ടി ത​യാ​റാ​ക്കി​യി​ട്ടു​ണ്ട്.

മു​ൻ​കാ​ല​ങ്ങ​ളി​ൽ​നി​ന്ന്​ വ്യ​ത്യ​സ്ത​മാ​യി ബി.​ജെ.​പി പ​ല​യി​ട​ങ്ങ​ളി​ലും സ്വാ​ധീ​നം ചെ​ലു​ത്താ​ൻ ക​ഴി​യു​ന്ന ശ​ക്തി​യാ​യി മാ​റി​യെ​ന്നും അ​വ​രു​ടെ പി​ന്തു​ണ​യോ​ടെ കൂ​ടു​ത​ൽ സീ​റ്റു​ക​ളി​ൽ വി​ജ​യി​ക്കാ​നാ​കു​മെ​ന്നാ​ണ്​ ബി.​ഡി.​ജെ.​എ​സി​ന്‍റെ പ്ര​തീ​ക്ഷ. എ​ൻ.​ഡി.​എ ഘ​ട​ക​ക​ക്ഷി​ക​ളാ​യി​രു​ന്ന പ​ല​രും മു​ന്ന​ണി വി​ട്ടി​ട്ടും പാ​ർ​ട്ടി ബി.​ജെ.​പി​ക്കൊ​പ്പം നി​ല​കൊ​ള്ളു​ക​യാ​ണെ​ന്നും അ​തി​നാ​ൽ അ​ർ​ഹി​ക്കു​ന്ന സീ​റ്റു​ക​ൾ ഇ​ക്കു​റി ല​ഭി​ക്കു​മെ​ന്ന പ്ര​തീ​ക്ഷ​യാ​ണു​ള്ള​തെ​ന്നും ബി.​ഡി.​ജെ.​എ​സ്​ വൃ​ത്ത​ങ്ങ​ൾ വ്യ​ക്ത​മാ​ക്കി.