ആറ്റിൽ ചാടിയ യുവതിയെ നാട്ടുകാർ രക്ഷപ്പെടുത്തി; ഒ​ന്ന​ര മ​ണി​ക്കൂ​റോ​ളം മ​ര​ച്ചി​ല്ല​യി​ൽ പി​ടി​ച്ചു​കി​ട​ന്നു

ഓ​യൂ​ർ: ഇ​ത്തി​ക്ക​ര ആ​റ്റി​നോ​ട്​ ചേ​ർ​ന്ന്​ യു​വ​തി മ​ര​ച്ചി​ല്ല​യി​ൽ തൂ​ങ്ങി​ക്കി​ട​ന്ന​ത് ഒ​ന്ന​ര മ​ണി​ക്കൂ​റോ​ളം. നി​ല​വി​ളി കേ​ട്ടെ​ത്തി​യ നാ​ട്ടു​കാ​ർ യു​വ​തി​യെ ര​ക്ഷ​പ്പെ​ടു​ത്തി.

ശ​നി​യാ​ഴ്​​ച രാ​ത്രി ഏ​ഴ​ര​യോ​ടെ​യാ​യി​രു​ന്നു സം​ഭ​വം. കാ​ള​വ​യ​ൽ സ്വ​ദേ​ശി​നി​യാ​യ 23 കാ​രി​യാ​ണ് വൈ​കീ​ട്ട് ആ​റോ​ടെ ഇ​ത്തി​ക്ക​ര​യാ​റ്റി​ൽ വെ​ളി​ന​ല്ലൂ​ർ ശ്രീ​രാ​മ ക്ഷേ​ത്ര​ത്തി​ന് താ​ഴെ ഈ​ഴ​ത്ത​റ ക​ട​വി​ൽ നി​റ​ഞ്ഞൊ​ഴു​കു​ന്ന ആ​റ്റി​ലേ​ക്ക് ചാ​ടി​യ​താ​യി പ​റ​യ​പ്പെ​ടു​ന്ന​ത്. കു​ത്തൊ​ഴു​ക്കി​ൽ​പെ​ട്ട ഇ​വ​ർ​ക്ക്​ ആ​റ്റി​ലേ​ക്ക് ചാ​ഞ്ഞു​നി​ന്ന മ​ര​ത്തി​െൻറ കൊ​മ്പി​ൽ പി​ടി​കി​ട്ടി. നി​ല​വി​ളി പ​രി​സ​ര​വാ​സി​യാ​യ മ​ഹേ​ഷി​െൻറ ശ്ര​ദ്ധ​യി​ൽ​പെ​ട്ടു.

രാ​ത്രി 7.30 ക​ഴി​ഞ്ഞി​ട്ടും ക​ര​ച്ചി​ൽ നി​ല​ക്കാ​ത്ത​തി​നെ​ത്തു​ട​ർ​ന്ന് മ​ഹേ​ഷ് സു​ഹൃ​ത്തു​ക്ക​ളാ​യ ച​ന്ദ്ര​ബോ​സ്, രാ​ജേ​ഷ്, വി​ഷ്ണു, മ​നീ​ഷ് എ​ന്നി​വ​രെ വി​വ​ര​മ​റി​യി​ച്ചു. ഇ​വ​ർ ന​ട​ത്തി​യ അ​ന്വേ​ഷ​ണ​ത്തി​ൽ യു​വ​തി​യെ ക​ണ്ടെ​ത്തി. കു​ത്തി​യൊ​ഴു​കു​ന്ന പു​ഴ​യി​ലി​റ​ങ്ങാ​ൻ ഭ​യ​പ്പെ​ട്ട് ആ​രും ആ​ദ്യം ത​യാ​റാ​യി​ല്ല.

രാ​ജേ​ഷ് ഉ​ടു​ത്തി​രു​ന്ന മു​ണ്ട് അ​ഴി​ച്ചെ​ടു​ത്ത് കു​ടു​ക്കു​ണ്ടാ​ക്കു​ക​യും ച​ന്ദ്ര​ബോ​സ് ആ​റ്റി​ലി​റ​ങ്ങി യു​വ​തി​യെ ശ​രീ​ര​ത്തി​ൽ കു​ടു​ക്കി​ട്ട് മു​റു​ക്കി നാ​ലു​പേ​രും കൂ​ടി വ​ലി​ച്ച് ക​ര​ക്ക് ക​യ​റ്റു​ക​യാ​യി​രു​ന്നു. വി​വ​ര​മ​റി​യി​ച്ച​തി​നെ​ത്തു​ട​ർ​ന്ന് പൂ​യ​പ്പ​ള്ളി പൊ​ലീ​സ് സം​ഘം സ്ഥ​ല​ത്തെ​ത്തി. യു​വ​തി​യെ ബ​ന്ധു​ക്ക​ൾ​ക്കൊ​പ്പം വി​ട്ടു.