വ്യാജ ചാരായ വാറ്റ്; സ്ത്രീ അറസ്റ്റിൽ

ഓയൂർ: കരീപ്ര വാക്കനാട് ഭാഗത്തുനിന്ന് ഓണം വിൽപ്പനയ്ക്കായി വാറ്റ് ചാരായം നിർമ്മിക്കുന്നതിന്​ വേണ്ടിയുള്ള 45 ലിറ്ററോളം വരുന്ന കോട പിടികൂടി. എഴുകോൺ സി.ഐ ടി.എസ്​ ശിവപ്രകാശി​െൻറ നേതൃത്വത്തിൽ ഓണം പ്രമാണിച്ചുള്ള അബ്കാരി റെയ്​ഡി​െൻറ ഭാഗമായിട്ടാണ് വാക്കനാട് വാറ്റ് കേന്ദ്രം കണ്ടെത്തിയത്.

പ്രധാന പ്രതിയായ കരീപ്ര വില്ലേജിൽ വാക്കനാട്, കല്ലുമ്പുറത്ത് പുത്തൻ വീട്ടിൽ രമണി ( 43 )യെ കോടതിയിൽ ഹാജരാക്കി റിമാൻറ്​ ചെയ്തു. രണ്ടാം പ്രതിയായ മാക്രി സുരേന്ദ്രൻ എന്നു വിളിക്കുന്ന സൂരേന്ദ്രനുവേണ്ടി തിരച്ചിൽ തുടങ്ങി.

എഴുകോൺ ഇൻസ്പെക്ടർ എസ്.എച്ച്.ഒ , ടി.എസ്. ശിവപ്രകാശ്, എസ്.ഐമാരായ ഉണ്ണികൃഷ്ണപിള്ള, ജയപ്രകാശ്, സിവിൽ പാെലീസ് ഓഫീസർമാരായ സുജിത്ത്, ശിവപ്രസാദ്, ശ്രീകുമാർ, ബിന്ദു, ജയ, എന്നിവർ നേതൃത്വം നൽകി.