കൊലപാതകശ്രമം: പ്രതി അറസ്​റ്റിൽ

ഓയൂർ: മദ്യം നൽകാത്തതിലുണ്ടായ വിരോധത്തിൽ കൊലപാതകശ്രമം നടത്തിയ പ്രതി അറസ്​റ്റിൽ. കിളിമാനൂർ ചിറ്റിലഴികം ഐശ്വര്യ ഭവനിൽ അനിൽകുമാറിനെയാണ് (47) ചടയമംഗലം പൊലീസ് പിടികൂടിയത്. ചെറുവക്കൽ സ്വദേശിയായ ഷിബുവിനെ (38) ഇരുമ്പ്, ഉളി എന്നിവ കൊണ്ട് തലക്കടിക്കുകയായിരുന്നു. നിലത്തുവീണ ഷിബുവിനെ ഉളികൊണ്ട് ആഞ്ഞിടിച്ച് മാരകമായി പരിക്കേൽപിക്കുകയായിരുന്നു. ചടയമംഗലം സി.ഐയുടെ നേതൃത്വത്തിലുള്ള പൊലീസ് സംഘമാണ് പ്രതിയെ അറസ്​റ്റ്​ ചെയ്തത്.