ദേശീയപാത നവീകരണം: സർവേ നടപടി ആരംഭിച്ചു

പുനലൂർ: കൊല്ലം- തിരുമംഗലം ദേശീയപാത നവീകരണത്തിനായി സർവേ നടപടികൾ ആരംഭിച്ചു. പുനലൂർ മുതൽ സംസ്ഥാന അതിർത്തിയായ കോട്ടവാസൽ വരെയുള്ള 36 കിലോമീറ്റർ പാതയിലാണ് അറ്റകുറ്റപ്പണി നടത്തുന്നത്.

കഴിഞ്ഞ മാസം മൂന്നിന് പൊതുമരാമത്ത്, ദേശീയപാത വിഭാഗം അധികൃതരുടെ യോഗം സി. അജയപ്രസാദ് എം.എൽ.എയുടെ അധ്യക്ഷതയിൽ ചേർന്ന് നവീകരണത്തിന് അഞ്ച് കോടി അനുവദിച്ച് ടെൻഡർ നൽകിയിരുന്നു. സർവേ നടപടികൾ നടക്കുന്ന സ്ഥലങ്ങളിൽ എം.എൽ.എ സന്ദർശനം നടത്തി.

നടപടിക്രമങ്ങൾ അടിയന്തരമായി പൂർത്തിയാക്കി സുരക്ഷിതപാത എത്രയും വേഗത്തിൽ ഒരുക്കണമെന്ന് അദ്ദേഹം അധികൃതർക്ക് നിർദേശം നൽകി.