കാലാവസ്ഥ ചതിച്ചു; പാ​ലാ​യിയിൽ നെൽകൃഷിക്ക് മഞ്ഞളിപ്പ് ബാധ

നീ​ലേ​ശ്വ​രം: വ​യ​ലി​ൽ വെ​ള​ള​മി​ല്ലാ​ത്ത​തി​നാ​ൽ വി​ത്തി​ട്ട ഞാ​റ് വ​ള​രു​ന്ന​ത് മ​ഞ്ഞ നി​റ​ത്തി​ൽ. ന​ഗ​ര​സ​ഭ​യി​ലെ പാ​ലാ​യി പാ​ട​ശേ​ഖ​ര​ത്തി​ലെ നെ​ൽ​കൃ​ഷി​ക്കാ​ണ് ദു​ർ​ഗ​തി. മ​ഴ പെ​യ്യാ​ത്ത​ത് മൂ​ല​മാ​ണ് വ​യ​ൽ വ​ര​ണ്ട് കി​ട​ക്കു​ന്ന​ത്. പാ​ലാ​യി പാ​ട​ശേ​ഖ​ര​ത്തി​ലെ 50 ഏ​ക്ക​റി​ല​ധി​കം നെ​ൽ​കൃ​ഷി​യാ​ണ് വെ​ള്ള​മി​ല്ലാ​തെ ന​ശി​ക്കു​ന്ന​ത്. ജൂ​ൺ മാ​സ​ത്തി​ൽ വി​ത്തി​ട്ട് മു​ള​ക്കു​ന്ന സ​മ​യ​ത്ത് മ​ഴ കി​ട്ടി​യ​ത് സ​ഹാ​യ​ക​ര​മാ​യി​രു​ന്നു. മൂ​ന്ന് മാ​സം പ്രാ​യ​മാ​യ​പ്പോ​ൾ ക​ടും​പ​ച്ച നി​റ​ത്തി​ൽ കാ​ണേ​ണ്ട ചെ​ടി​ക​ൾ വെ​ള്ളം കി​ട്ടാ​തെ മ​ഞ്ഞ​നി​റ​മാ​യി മാ​റി​യ സ്ഥി​തി​യാ​ണ്.

വ​ള​ർ​ച്ച​ക്ക​നു​സ​രി​ച്ച് വെ​ള്ള​വും കി​ട്ടി​യാ​ൽ മാ​ത്ര​മേ നൂ​റ് ശ​ത​വാ​നം വി​ള​വ് ല​ഭി​ക്കു​ക​യു​ള്ളു. പാ​ലാ​യി​ലെ പി.​പി. ബാ​ല​കൃ​ഷ്ണ​ൻ, വ​ള​വി​ൽ കു​ത്തി​ക്ക​ണ്ണ​ൻ, ടി. ​ഹ​രി​ദാ​സ് തു​ട​ങ്ങി 25 ഓ​ളം ക​ർ​ഷ​ക​രു​ടെ പാ​ട​ത്തെ നെ​ൽ​കൃ​ഷി​യാ​ണ് ന​ശി​ക്കു​ന്ന​ത്. പൂ​ർ​ണ​മാ​യ വി​ള​വ് ല​ഭി​ച്ചാ​ൽ മാ​ത്ര​മേ മു​ട​ക്ക് മു​ത​ലെ​ങ്കി​ലും തി​രി​ച്ച്‌ കി​ട്ടു​ക​യു​ള്ളു​വെ​ന്നും ഇ​ല്ലെ​ങ്കി​ൽ ക​ന​ത്ത സാ​മ്പ​ത്തി​ക ബാ​ധ്യ​ത​യാ​കു​മെ​ന്നും ക​ർ​ഷ​ക​നാ​യ വി. ​കു​ഞ്ഞി​ക്ക​ണ്ണ​ൻ പ​റ​ഞ്ഞു. വി​ള​വെ​ടു​പ്പി​ലെ നെ​ല്ലാ​ണ് അ​ടു​ത്ത കൃ​ഷി​യി​റ​ക്കു​ന്ന​തി​ന് സൂ​ക്ഷി​ച്ച് വെ​ക്കു​ന്ന​ത്. അ​തു​കൊ​ണ്ട് ത​ന്നെ ഇ​നി​യും മ​ഴ മാ​റി​നി​ന്നാ​ൽ നെ​ൽ​കൃ​ഷി പൂ​ർ​ണ​മാ​യും ന​ശി​ക്കും.