അടിക്കടി കല്ലേറ്; ട്രെയിൻ യാത്രക്കാർ ഭീതിയിൽ

ക​ണ്ണൂ​ർ: ട്രെ​യി​നി​നു നേ​രെ അ​ടി​ക്ക​ടി​യു​ള്ള ക​ല്ലേ​റി​ൽ ഭീ​തി​യി​ലാ​യി യാ​ത്ര​ക്കാ​ർ. തു​ട​ർ​ച്ച​യാ​യ നാ​ലാം​ദി​വ​സ​വും ക​ണ്ണൂ​രി​ൽ ട്രെ​യി​നി​നു നേ​രെ ക​ല്ലേ​റു​ണ്ടാ​യി. ബു​ധ​നാ​ഴ്ച വൈ​കീ​ട്ട് 3.49 ഓ​ടെ​യാ​ണ് ത​ല​ശ്ശേ​രി​ക്കും വ​ട​ക​ര​ക്കു​മി​ട​യി​ൽ ക​ല്ലേ​റു​ണ്ടാ​യ​ത്. കാ​സ​ര്‍കോ​ട്ടു​നി​ന്ന് തി​രു​വ​ന​ന്ത​പു​ര​ത്തേ​ക്ക് പോ​വു​ക​യാ​യി​രു​ന്ന വ​ന്ദേ​ഭാ​ര​ത് എ​ക്‌​സ്പ്ര​സി​ന് നേ​രേ​യാ​ണ് ക​ല്ലേ​റു​ണ്ടാ​യ​ത്.

ദി​വ​സേ​ന ആ​യി​ര​ങ്ങ​ൾ യാ​ത്ര​ചെ​യ്യു​ന്ന ട്രെ​യി​നു​ക​ൾ​ക്ക് നേ​രെ ക​ല്ലേ​റ് തു​ട​രു​ന്ന​തി​ൽ പ്ര​തി​ഷേ​ധം ശ​ക്ത​മാ​യി​രി​ക്കു​ക​യാ​ണ്. നാ​ലു​ദി​വ​സം തു​ട​ർ​ച്ച​യാ​യി ക​ല്ലേ​റു​ണ്ടാ​യി​ട്ടും ആ​രെ​യും പി​ടി​കൂ​ടാ​നാ​വ​ത്ത​ത് റെ​യി​ൽ​വേ പൊ​ലീ​സി​ന് ത​ല​വേ​ദ​ന​യാ​യി​രി​ക്കു​ക​യാ​ണ്.

ഞാ​യ​റാ​ഴ്ച രാ​ത്രി മി​നു​റ്റു​ക​ളു​ടെ ഇ​ട​വേ​ള​യി​ൽ ക​ണ്ണൂ​രി​നും നീ​ലേ​ശ്വ​ര​ത്തി​നും ഇ​ട​യി​ൽ മൂ​ന്ന് ട്രെ​യി​നു​ക​ൾ​ക്ക് നേ​രെ​യാ​ണ് ക​ല്ലേ​റു​ണ്ടാ​യ​ത്. ആ​ർ​ക്കും പ​രി​ക്കേ​റ്റി​ല്ലെ​ങ്കി​ലും ക​ല്ലേ​റു​ണ്ടാ​ക്കു​ന്ന ആ​ശ​ങ്ക വ​​ള​രെ വ​ലു​താ​ണ്. മം​ഗ​ളൂ​രു ഭാ​ഗ​ത്തേ​ക്ക് പോ​കു​ക​യാ​യി​രു​ന്ന നേ​ത്രാ​വ​തി എ​ക്സ​പ്ര​സി​നും ഷൊ​ർ​ണൂ​ർ ഭാ​ഗ​ത്തേ​ക്കു​ള്ള ചെ​ന്നൈ സൂ​പ്പ​ർ ഫാ​സ്റ്റി​നും നേ​രെ​യാ​ണ് ക​ല്ലേ​റു​ണ്ടാ​യ​ത്. ക​ണ്ണൂ​രി​നും വ​ള​പ​ട്ട​ണ​ത്തി​നും ഇ​ട​യി​ലു​ണ്ടാ​യ ക​ല്ലേ​റി​ൽ നേ​ത്രാ​വ​തി​യു​ടെ എ ​വ​ൺ എ​സി കോ​ച്ചി​ന്റെ ഗ്ലാ​സി​ന് പോ​റ​ലേ​റ്റു. ക​ണ്ണൂ​രി​നും ക​ണ്ണൂ​ർ സൗ​ത്തി​നു​മി​ട​യി​ലാ​ണ് ചെ​ന്നൈ സൂ​പ്പ​ർ ഫാ​സ്റ്റി​ന്റെ ജ​ന​ൽ ഗ്ലാ​സി​ൽ ക​ല്ല് പ​തി​ച്ച​ത്. നീ​ലേ​ശ്വ​രം റെ​യി​ൽ​വേ സ്റ്റേ​ഷ​ന് സ​മീ​പം ഓ​ക്ക എ​ക്സ​പ്ര​സ് ട്രെ​യി​നി​നും ക​ല്ലു​പ​തി​ച്ചു. ഒ​രേ​സ​മ​യ​ത്ത് മൂ​ന്നി​ട​ത്ത് ട്രെ​യി​നി​ന് നേ​രെ ക​ല്ലേ​റു​ണ്ടാ​യ​ത് ആ​സൂ​ത്രി​ത​മാ​ണെ​ന്ന സം​ശ​യ​മു​യ​ർ​ന്നു. അ​ട്ടി​മ​റി സാ​ധ്യ​ത​യി​ല്ലെ​ന്നും സാ​മൂ​ഹി​ക​ദ്രോ​ഹി​ക​ൾ ചെ​യ്ത​താ​കാ​മെ​ന്നു​മാ​ണ് റെ​യി​ൽ​വേ പ​റ​യു​ന്ന​ത്. അ​ട്ടി​മ​റി സാ​ധ്യ​ത ത​ള്ളി​യെ​ങ്കി​ലും നി​ര​ന്ത​രം ട്രെ​യി​നി​ന് നേ​രെ അ​ക്ര​മ​മു​ണ്ടാ​കു​ന്ന​തി​ന് പി​ന്നി​ലു​ള്ള​വ​രെ ക​ണ്ടെ​ത്താ​നു​ള്ള ശ്ര​മ​ത്തി​ലാ​ണ് റെ​യി​ൽ​വേ പൊ​ലീ​സ്.

ട്രെ​യി​നു​ക​ൾ​ക്ക് സ്ഥി​ര​മാ​യി നേ​രെ ക​ല്ലെ​റി​യു​ന്ന​വ​രി​ൽ വി​ദ്യാ​ർ​ഥി​ക​ളു​ണ്ടെ​ന്നാ​ണ് വി​വ​രം. സ്കൂ​ൾ​വി​ട്ട് മ​ട​ങ്ങു​ന്ന സം​ഘ​ങ്ങ​ൾ ട്രെ​യി​നി​ന് നേ​രെ ക​ല്ലെ​റി​യു​ന്ന​താ​യി പ​രാ​തി​യു​ണ്ടാ​യി​രു​ന്നു. ട്രാ​ക്കി​നോ​ട് ചേ​ർ​ന്ന ക​ളി​സ്ഥ​ല​ങ്ങ​ളി​ൽ​നി​ന്നും ക​ല്ലേ​റു​ണ്ടാ​കാ​റു​ണ്ടെ​ന്ന് യാ​ത്ര​ക്കാ​ർ പ​റ​യു​ന്നു. കു​ട്ടി​ക​ൾ കൗ​തു​ക​ത്തി​നാ​ണ് ക​ല്ലെ​റി​യു​ന്ന​തെ​ങ്കി​ലും അ​തു​ണ്ടാ​ക്കു​ന്ന അ​പ​ക​ട​ത്തെ​കു​റി​ച്ച് ചി​ന്തി​ക്കാ​റി​ല്ല. സി.​സി​ടി.​വി​യ​ട​ക്കം പ​രി​ശോ​ധി​ച്ച് കു​റ്റ​വാ​ളി​ക​ളെ പി​ടി​കൂ​ടാ​നു​ള്ള തീ​വ്ര ശ്ര​മ​ത്തി​ലാ​ണ് റെ​യി​ൽ​വേ പൊ​ലീ​സ്.